موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[sayed2077]

المشاركة الأصلية كتبت بواسطة Ala'a Eldin أنا فهمت من كلامك يا أخ Sayed إن المساعد اللى تم تركيبة إستيراد؟ صح كدة؟؟ وياترى أتأكدت بنفسك من المساعد قبل تركيبة أنه مكتوب عليه Made in Germany لأنه لو بالسعر ده 140 يبقى كويس جدا جدا وبالتركيب كمان أحنا عندنا فى الفيوم لو لقيت المساعد الإستيراد بيكون أغلى من الجديد يعنى بيصل لــ 250 جنية هل الميكانيكى هو اللى اشترى المساعد بنفسه؟ ولو هشترى مساعد إستيراد أزاى أتأكد من حالته؟؟ وكل عام وأنت بخير

هو والله الميكانيكى قالى ان ده مساعد جديد وانا شوفت صنع فى المانيا ديه بعنيا الاتنين والمساعد كان باين انه جديد وكان شكله فارق بينه وبين اللى كان راكب مع العلم الميكانيكى هو اللى جابه و راهولى قبل التركيب بس فعلا شكلة زى الجديد بالظبط هو شكله جديد اصلا بس مشكلة التطبيلة لسه موجوده وفعلا الحاجه الوحيده اللى تبوظ شاسية العربية هى المساعدين ولازم كلكم تخالوا بالكم ومهما كان حالة الشوارع اللى بتمشوا عليها و مادام المساعدين كويسين مش هيحصل حاجه للشاسيه ابدا ان شاء الله وهروح له بعد العيد علشان يقولى حل التطبيلة الى لسه موجوده ديه ايه

اخوك فى الله سيد

[joou]

المشاركة الأصلية كتبت بواسطة sayed2077 بالنسبة لمشكلة الصوت ممكن يكون كذا حاجه ممكن يكون الزيت مش حلو او نوعيه مش كويسه او لو نوعيه كويس يبقى عمره انتهى خلاص وممكن مثلا لو كله مظبوط تكون طرمبة المياه بتشاور عقلها عندك علشان لما بتدوس بنزين والطرمبه خلاص قربت تبوظ بتلاقى فيه حشرجة جامده طالعه من الطرمبة وبالنسبة لحوار ان العربيه بتبطل فده حلها ان حضرتك تروح عند ميكانيكى شاطر ينضفلك الكربورتير والاسبراتير ويظبطلك الكهرباء وتغير فلتر بنزين وان شاء الله مش هتبطل تانى الا بعد فتره وبيتنضفوا تانى وبردوا استشير الميكانيكى فى كل حاجه والله اعلى واعلم اخوك فى الله سيد

عايز اعرف فين طرمبه الميه فى العربيه سا اخ سيد

[sayed2077]

شوفت المنطقة بتاعت سير الكاتينة اللى متغطية ببلاستك جانبيها فيه سير كده طرمبة الميه هتلاقية متلعه بكره بيلفها السير ده معلش انا مش عارف اوضح يمكن علشان مفيش صوه لو فيه كونت علمتلك عليها
وروح بس لميكانيكى يوم السبت وان شاء الله يظبطلك الدنيا بس يكون ميكانيكى نضيف

اخوك فى الله سيد

[midokaseh]

السلام عليكم
انا اشتريت 128 موديل 81 بس بصراحه لما اشترتها الراجل صاحبها قالى ان المساعد الامامى اليمين عايز يتغير بس مش دلوقتى المشكله الى فيه فى المطبات الغويطه زى الى فى الارياف مش المطبات بتاعت القاهره وانا لما سوقت العربيه حسيت ان العربيه لما بتيجى فى مطب زى ده بحس انها بترمى شويه بسيطه فهل ده من المساعد ولا الشاسيه مفتوح مع العم ان الحوض نضيف والكرتيرات تمام ارجوا الافاده فى ذلك

[sayed2077]

المشاركة الأصلية كتبت بواسطة midokaseh السلام عليكم انا اشتريت 128 موديل 81 بس بصراحه لما اشترتها الراجل صاحبها قالى ان المساعد الامامى اليمين عايز يتغير بس مش دلوقتى المشكله الى فيه فى المطبات الغويطه زى الى فى الارياف مش المطبات بتاعت القاهره وانا لما سوقت العربيه حسيت ان العربيه لما بتيجى فى مطب زى ده بحس انها بترمى شويه بسيطه فهل ده من المساعد ولا الشاسيه مفتوح مع العم ان الحوض نضيف والكرتيرات تمام ارجوا الافاده فى ذلك

بص لازم فى اقرب وقت تغير المساعد ده علشان عيب 128 القاتل هو ان العربية ديه امشى بيها فى طرق مدغدغة زى ما انت عاوز بس المهم ميكونش فيه حاجه بايظه فى العفشة علشان المساعد ده هيشرخلك الشاسية كوله لو مش هتغيره فلازم فى اقرب وقت تغيره لازم وبالنسبه لحكاية انها بترمى فانا معرفش احدد السبب بالظبط بس وانت بتغير المساعد عند الميكانيكى خليه يشوفلك السبب ايه بس فى الاغلب هو مش من المساعد هو من حاجه تانيه ايه هى بقى الميكانيكى هو اللى يقولك عليها

اخوك فى الله سيد

والف مبروك على العربيه