حكمت المحكمة على أبوغالى / سوبارو إمبريزا 2008

[mohamed selem]

المشاركة الأصلية كتبت بواسطة subaru car owner والله يا رجاله حكمل الطريق لنهايته إن شاء الله.

ربنا معاك وتوصل لحكم نهائي
وان شاء الله ربنا هيعوض صبرك خير

[dr.wael7yran]

ما ضاع حق من وراءه مطالب..
تسلم على صبرك على حقك...
و يا ترى شركة سوبارو الام كان موقفها ايه ؟

[subaru car owner]

المشاركة الأصلية كتبت بواسطة dr.wael7yran ما ضاع حق من وراءه مطالب.. تسلم على صبرك على حقك... و يا ترى شركة سوبارو الام كان موقفها ايه ؟

كان موقفها برضه إيجابى و محترم جدا زى موقف وكيلها ....

ده لازم يبقى له موضوع تانى لوحده ... وأنا بجهزله إن شاء الله..

[a_mounir]

ربنا معاك باذن الله تاخد حقك ويكون درس لكل واحد مش بيراعي ربنا فى عمله

[مينتشو]

المشاركة الأصلية كتبت بواسطة subaru car owner أولا شكرا جزيلا جدا على تعليقاتكم اللى أسعدتنى كثيرا. ثانيا عايز أوضح الآتى: الغرامة الــ 50 ألف دى للدوله مش ليه. و الــ 10 آلاف دى تعويض مؤقت ليه (ولكن له إجراءات طويله لتنفيذه) ويستكمل بقضيه أخرى فى القضاء المدنى (تأخذ تقريبا سنتين كمان) ليصبح تعويض نهائى ولكن القضيه المدنى للتعويض النهائى ترفع بعد ان يتم الإنتهاء من النقض اللى رفعه أبو غالى على حكم الإستئناف :::: شوفوا الإصرار والعناد على الغلط !!!!!!!!!!!!!!!!!!! العربيه لسه معايا مركونه تقريبا من أواخر 2008 حتى الآن وطبعا الحكم اللى أخده أبو غالى ده علشان هو معاند ومش عايز يغيرها أو يرجعها. وللأسف القانون لا يجبره على استبدال السياره ولكن يعاقبه على ذلك ويحكم لى بالتعويض عنه.

اولا : يا اخى ارجو ان يعوضك الله على كل الخسائر التى اصابتك من جراء شراء هذة السيارة
ثانيا : يمكنك رفع دعوى التعويض النهائيه الان طالما لم يحكم فى النقض بوقف تنفيذ الحكم المطعون فيه حيث ان الطعن بطريق النقض من طرق الطعن غير العادية التى لا توقف التنفيذ او ما يترتب عليه الا ان تقضى محكمه النقض بغير ذلك
ثالثا : ارجو ان تظل صامدا متماسكا للنهاية لان لايضيع حق ورائه مطالب
رابعا : ارجو من الجميع ان يتوخى الحيطه والحذر من هذة الانواع من السيارات
خامسا : ادعو الله ان يعوض عليك بالاحسن والافضل
سادسا : ارجو ان تتقبل مرورى