طقوسك ايه ؟؟؟

[samehsaeed]

المشاركة الأصلية كتبت بواسطة حسام البورسعيدى غالبا قبل ما اركب بزود ميه فى القربة وكل اسبوع تقريبا بقيس الزيت ..

كل يوم بتزود ميه مش غريبة ديه ؟

المشاركة الأصلية كتبت بواسطة حسام البورسعيدى وبعدين بركب العربية وقبل ما ادور بربط الحزام (علشان منساش) وبدور وبشغل الكاسيت وبفتح الازازين اللى قدام نص فتحة وبسخن 3 او 4 دقايق وبسمى ربنا وبمشى ... وشكرا على الموضوع الجديد ..

جميل جدا إنك بتفتكر حزام الأمان أنا زيك برده ما أحبش أطلع من غير ما أربط الحزام ، وبرده ممتاز إنك بتسخن قبل ما تطلع ده كويس عشاه الموتور أصل في ناس كتير دلوقتي بتقولك العربيات الجديدة مش لازم تسخن وبتطلع علطول هو مفيش مشاكل على المدى القصير لكن على المدى البعيد ممكن يظهر مشاكل، والله الله الله الله عليك إنك بتسمي قبل ما تطلع وياريت تكون بتعمل كده في كل حاجة، أنت عارف لو الواحد إتعود لما يجي يعمل اي حاجة يسمي هيجي يوم القيامة لما ياخد كتابه هيسمي لأنه هو ده اللي كان بيعمله في الدنيا .
والعفو يا حبي الموضوع موضوعك وشرفته يا نجم

المشاركة الأصلية كتبت بواسطة SuccessCre8or بدور و استنى دقيقتين و اتوكل على الله

ياسلام على السلاسة يعني دماغك عمرها ما تزقزق كده إنك تطمن على أي حاجة قبل ما تطلع

المشاركة الأصلية كتبت بواسطة د.كمال أنا مريح دماغى ومأجر جراج بس لازم ابص على ال4 فرد والزجاج والابواب واخش ادور واتكل على الله

حلوة قوي الفكرة ديه بس مش كل الناس للأسف عندها إمكانية تأجر زيك

[حسام البورسعيدى]

المشاركة الأصلية كتبت بواسطة samehsaeed كل يوم بتزود ميه مش غريبة ديه ؟

عادى يا باشا ..

اصل الريداتير عندى كان مشروخ من فوق (ما بين العلبة وجسم الريداتير) ولازقها بلزق معادن لغاية ما اغير الريداتير ان شاء الله وبيسرب بسيييييط جدا ..

علشان كده بحب اشيك على الميه كل يوم الصبح وازودها لو ناقصة واهو بشغل نفسى لغاية ما العربية تسخن ..

جميل جدا إنك بتفتكر حزام الأمان أنا زيك برده ما أحبش أطلع من غير ما أربط الحزام

هههههههههه

اصل بعيد عنك اول مخالفة فى حياتى كانت مخالفة حزام وكان ساعتها معييش رخصة .. والمصيبة انى متمسكتش فى حملة .. ده كان ظابط واقف على جنب فى حته مدارية ومعاه امين شرطة وفجأه لقيت امين الشرطة بيندهلى "فين حزامك يا كابتن" .. انا اترعبت وكمان كان القانون الجديد لسه نازل وكنت باكل من كلام ان فيها سجن والكلام الفاضى ده هههههههههه

واللى زاد وغطى انى اكتشفت ان الظابط اللى كان واقف مش ضابط عادى .. ده مدير ادارة مرور بورفؤاد هههههههههههههه

والحمد لله قالى انا هكتفى بمخالفة الحزام بس بعد ما موتنى من الرعب ..

ومن ساعتها لازم البس الحرام قبل ما ادور العربية واتعودت على كده (ناس تخاف ما تختشيش) ههههههههههه

وبرده ممتاز إنك بتسخن قبل ما تطلع ده كويس عشاه الموتور أصل في ناس كتير دلوقتي بتقولك العربيات الجديدة مش لازم تسخن وبتطلع علطول هو مفيش مشاكل على المدى القصير لكن على المدى البعيد ممكن يظهر مشاكل،

كلام سليم جدا .. لان التسخين ضرورى ولازم علشان تكون كل اجزاء الموتور اتزيتت كويس وكمان يكون الموتور درجة حرارته مناسبة لان الموتور لما بيكون بارد ونمشى بيه غلط وبيقلل عمره على المدى الطويل ..

علشان كده لازم نسخن مش اقل من 3 دقايق ..

والله الله الله الله عليك إنك بتسمي قبل ما تطلع وياريت تكون بتعمل كده في كل حاجة، أنت عارف لو الواحد إتعود لما يجي يعمل اي حاجة يسمي هيجي يوم القيامة لما ياخد كتابه هيسمي لأنه هو ده اللي كان بيعمله في الدنيا . والعفو يا حبي الموضوع موضوعك وشرفته يا نجم

اللهم اجعلنا من اهل اليمين ونتجمع فى الجنة زى ما احنا متجمعين فى المنتدى العظيم ده ...

الف شكر يا غالى ..

[magd131]

اصبحنا واصبح الملك لله ربنا يعنا علي الشعب ده وبعد كده اشيك علي الميه و الزيت مره كل اسبوع و اتوكل علي الله

[samehsaeed]

المشاركة الأصلية كتبت بواسطة magd131 اصبحنا واصبح الملك لله ربنا يعنا علي الشعب ده وبعد كده اشيك علي الميه و الزيت مره كل اسبوع و اتوكل علي الله

هههههههههههههههههههه عسل والله ونورت الموضوع يا نجم

موضوع جميل جدا و فكرته حلوة

بالنسبه ليا

اول حاجه بقوم افتح البلكونه اشوف اي شكل الجو عشان اعرف البس اي و هفتح شباك العربيه والا لاء

بنزل اشوف ضغط هوا الكاوتش والمع العربيه و الجنود واخلي الازاز زي المرايه كده بيلمع بغباء

اشوف عداد الحراره اي اخباره و كل اسبوع كده اطمن علي زيت الباكم و الطلمبه

واشوف البنزين فاضل فيه قد اي و امون لو محتاج و بلاقي صعوبه في البنزين لان الناس بيكونو نايمين و انا مبمونش الا من بنزينه واحده لان دي انضف حاجه عندنا و بنزينها مضمون
اقعدلي كده بتاع ساعه الا تلت فيا لحوارات دي
وبتوكل علي الله ويا اما اشغل قران يا اما استفيد بفرصه ان دعاء المسافر مستجاب واقعد ادعي حبه

وعلي نصف السكه كده اشغل اغنيه انت عمري لام كلثوم او اي حاجه هاديه تنشطني حبه

وبس

تقبلو خالص تحياتي