هل انت مع ام ضد قيادة السيارة لاقل من السن المحدد؟؟

[Injection]

شكرا لكم على الاراء ....

ptmnlo123per112 العفو, موضوع رائع.

[_amr.mostafa_]

شكرا ده من ذوقك

[meemee]

[quote=Injection;184387]حضرتك أنا بهزر مش بكلم جد ,وأنا مش باسوق فى بلد تانية أنا باسوق فى مصر وبامشى فى روكسى فى عز الزحمة و فى العباسية والحدائق بشكل يومى بالأضافة أنى اعرف ناس معاهم رخص و مايعرفوش حاجة فى العربية غير الدركسيون بس.

وعلى فكرة أنا دارس ميكانيكا ومرور كويس قوى وعمرى مامشيت عكسى أو حتى لفيت لفة غلط.

وفى الأخر مش معنى أن موقفى القانونى غلط أنى مابعرفش أسوق.

وأنا ماقولتش أن الجري بيعلم السواقة بالعكس لازم تتعلم تمشى قبل ماتجرى وأنا عمرى ماجريت فى حتة زحمة وعمرى ما جريت من غير ما "أحسبها صح" وعمرى ما أذيت أنسان(الحمد لله).

و المسألة مسألة رأى مش أكتر.

والحادثة اللى الولد عملها مش أساس للحكم, مالدنيا مليانة حوادث كل يوم وكل اللى بيعملوها شايلين رخص وده قضاء وقدر مش أساس للتعميم.

وأنا مبلعبش بالعربية أنا باروح بيها الجامعة يوميا علشان المحاضرات أحسن من أنى أركب مواصلتين وأتبهدل والعربية تفضل مركونة.

وكلمة "كويس" أنا كنت حاططها كتقدير بلاش منها وخليها "أنا باسوق" وخلاص.

وفى الأخر برضه الموضوع رأى شخصى فتقبلى رأيى.



انت المفروض عارض موضوع للمناقشة ليه واخده علي محمل شخصي وكانك عامل الموضوع ده لنفسك او علي شخصك وانت بناقش شخصية حضرتك انا بتكلم عموما وبحكي عن حادثة حصلت والكلام المفرض للتعمييم والتشميل
مش عليك كشخص
انت اثرت نقطو واحنا بناقشها ومش بنتكلم عنك
ياريت تكون المعلومة وصلت

[Injection]

حضرتك مش أنا اللى عامل الموضوع العضو الفاضل عمرو مصطفى هو اللى ليه الفضل ده.

طب ولد بيسوق كويس اوووي - مع ان السواقة مالهاش كبير ومفيهش كويس اوووي-

الزحمة هي اللي بتعلم السواقة مش الجري

دى اقتباسات من عند حضرتك و أنا كنت بناقش الموضوع بس, والصح و الغلط شئ نسبى مش معنى أن الحكومة عاملة قانون أنه لازم يبقى صح -قانون الطوارئ مثلا- أنا بخالف القانون بس معملتش حاجة غلط و مافيش فرق بينى وبين اللى بيتاخد مخالفة علشان ماشى على 91 فى طريق سفر وبيدفع الغرامة.

وأنا أسف لو حضرتك فهمتينى غلط او لهجة نقاشى كانت غريبة وده موضوع للنقاش و الواحد بيحاول يفيد ويستفيد.

وأنا لو عليا عايزهم يمنعوا السواقة خالص للعربيات الملاكى علشان الزحمة اللى ملهاش لازمة والمواصلات موجودة.

وأنا مع الأعضاء أن فى شباب بايخ بياخد العربية من ورا أهله ويلعب بيها هو وأصحابه و يستخدموها أستخدام غلط و بلاش نقول الأستخدامات الكتير.

بس أنا ماعنديش أصحابptmnlo123per144 و السواقة بالنسبة لى متعة و العربية وسيلة مواصلات مهمة جدا وأنا مابعملش حاجة غلط ,ده مايمنعش أنه أى حد بتحصله حوادث سواء كبير أو صغير,راجل أو ست ,غلطته أو مش غلطته ,ولو أنا مش واثق فى سواقتى مكنتش سوقت.

وفى النهاية أحنا بنتناقش وبنستفيد.ptmnlo123per179

[miam0502788391]

هو اللى انا فهمته من السؤال ان العضو بيسأل عن السواقة تحت السن مش الرخصة , أه انا ضد ذلك لأن القاعدة ان معظم ( مش كل) اللى تحت 18 سنة لسة مش متحمل مسئولية ومش معنى ان فيه واحد ولا اتنين شاذين عن القاعدة ومحترمين فى السواقه نقوم نعمم الموضوع لأ انا مش موافق
بالنسبة للتعليم مفيش مانع ان الواحد يتعلم من بدرى ويسوق بس تحت سمع وبصر حد أكبر منه يعنى ميطلعش بالعربية لوحده وشوية شوية لما يوصل للسن القانونية هيلاقى نفسه بيسوق كويس وساعتها يطلع رخصة براحته