|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#66
17-02-2011, 04:24 AM
|
||||
|
||||
رد: مـقـــا لا ت
الأغـبـيـاء
شىء عجـيب مايحدث هذه الأيام بعد نجاح الثورة المصرية وهروب بن مبارك بعد بن على اشتعلت كل من الأردن واليمن والبحرين والعراق وسوريا وليبيا والجزائر والمغرب وايران بالثورات ضد حكوماتها ومحمود عباس الرئيس الفلسطينى الخائن هو وصائب عريقات كبير المفاوضين الفلسطينيين الخائن برضه استقالو واشتروا دماغهم بدرى بدرى لكن اخواننا فى الدول سالفة الذكر يبدو انهم لايتعلمون او لايملكون اجهزة تليفزيون او عندهم اجهزة ولكن معندهومش ريسيفرات لان نفس الاسلوب العقيم والذى تم تطبيقه بالحرف فى الثورة المصريه يتم استخدامه بالحرف فى الثورات فى كل هذه الدول أيه ده ؟؟ طيب الثورة التونسية قلنا يمكن محدش متابعها نظرا لان تونس دولة صغيرة برضه لكن الثورة المصرية ........كل الدنيا كانت متابعاها طبعا ده على اساس ان كل دول ملهومش علاقة بمبارك ومفيش حد اتصل بيه يسأل ويتطمن والكارثة انك تفتح التليفزيون تحس انك بتشوف ثورة 25 يناير مع اختلاف الوان العلم يعنى مرة تشوف علم الجزائر ومرة المغرب ومرة ليبيا ......وهكذا اول يوم هتافات وتانى يوم قنابل مسيلة للدموع مع اشتباكات ومصابين وقتيل او 2 وتالت يوم جنازة اللى ماتوا وهكذا ثم يطلع علينا ناس مؤيدة للرئيس وشايلين صورة الرئيس وبيهتفو بحياة الرئيس ثم ناس تطلع فى تليفزيون الدولة اياها( اى دولة منهم ) وتشتم على الثواروان دول خونة وعايزين بلبلة فى البلاد وبـيـنـفـذوا أجندات وقابضين قرشين ثم يشتبك الطرفان نفس السيناريو مفيش اى تعديل طيب يااخواننا غيروا مهو نفس الأسلوب ادى الى هروب 2 واحد راح السعودية والتانى هنعديها ونعمل هبل ونصدق انه فى شرم الشيخ طيب نغير الاسلوب بقى حد يقعد مع الناس دى يشوفوهم عايزين أيه ؟؟؟ حد يعبرهم حد يطلع يقول لهم انا همشى حد يغير ..... يتنحى............. يدى الجيش تعليمات بضرب قصر الرئاسة مش المتظاهرين حد يرش ميه (على رأى واحد جاهل اسمه ابراهيم حسن) انما نفس الاسلوب فى كل الدول ؟؟؟؟ والله دى حاجة تـفـضـح وهذه الأيام لدينا فى مصر نوع أخر من الغباء كل مجموعة من الموظفين او العمال مرتباتهم تعبانة جمعوا نفسهم وعملو مظاهرة واعتصام أيه الخيبة التـقيلة دى ؟؟؟؟ م انتم كنتم بتاخدو نفس المرتبات دى قبل الثورة.......... أيه الجديد؟؟؟؟ م انتم كنتم مظاليم وساكتين ..................أيه الجديد ؟؟؟؟؟ وشفت يافطة مكتوبه صاحبها كاتب عليها باخد 500 جنيه اعمل بيهم أيه والا ايه ؟؟؟ هو انتى يعنى اخدتهم النهاردة؟؟؟؟ والا بتاخدهم من زمان ؟؟؟ والا اكتشفت فجأة انهم قليلين ولما سألت واحد منهم /انتم عاملين كده ليه ؟؟؟؟ فقال / مرتباتنا قليلة ومش مكفية طيب وانت اكتشفت فجأة ان مرتبك مش مكفيك اصل ياباشا دلوقت فرصة ناخد حقوقنا بعد كده مش هناخد أيه الأنتهازية دى يعنى هيا البلد ناقصة مشاكل ؟؟؟؟ أو خسائر جديدة والله أشفـقت على أحمد شـفـيق رئيس الوزراء لقد قال بالحرف و بعصبـية لأحدى القنوات بأن كل الناس لازم تساعدنا نشتغل ويرجعوا لاعمالهم لان الموقـف زى الزفت اه والله قالها كده .......زى الزفت وأذا كان الحكام اغبياء لانهم يحاولون الحفاظ على كراسيهم بنـفس الطرق القديمة فلا اعتقد ان الغباء الذى اراه فى مظاهرات اخواننا الذين لهم مطالب له مبرر الا انتهاز الفرصة وهى انتهازية تزيد من أوجاع هذا الشعب الموجوع أصلا تصوروا مسألة غلق البنوك وحدها كلـفـت الدولة كام ؟؟؟ وعطلت كثير من بعض الانشطة الاقتصادية اللى ماشية بتعرج طول عمرنا نعلم ان مرتبات موظفى البنوك معـقـولة طيب عاملين مظاهرات ليه ؟؟؟ ولما سألوا أحد المتظاهرين انت عامل مظاهرة ليه ؟؟؟ فـقال / انا باخد مرتب قليل بينما المدير بتاعى بياخد 50 الف جنيه فى الشهر فين العدل ؟؟؟؟ (خلى بالك مقالش بياخد كام بينما قال مرتب المدير) وواضح انها انتهازية واضحة جدااااا ياأخوانى المتظاهرين اتـقوا الله واعتبروا ان حسنى لسه مكمل لحد شهر 9 وده كان احدحركات مبارك ووافـق عليها بعض الناس ولولا اصرار المتظاهرين كان الطلب ده هيمشى لكن نرجع تانى لطباعة الفلوس واللى تديهولك الدولة باليمين ترفع الاسعار وتاخده بالشمال ؟؟؟؟؟ يبقى معملناش حاجة وده نوع من التهريج لازم نخلى الحكومة الجديدة تـشتـغـل علشان البلد تــتـقـدم ده احنا هنغير حكومة شفـيق بعد شهر ....وهييجى بعد منه احمد جويلى (وزير التموين السابق والراجل المحترم ) ثم هيمشى جويلى فى شهر 9 بعد انتخابات الرياسة او هيقعد حسب نافوخ الريس اللى جاى كل دول تفتكرو هيقدرو يتخذو قرارات مصيرية يتحاكموا عليها؟؟؟؟ وكل واحد دلوقت عارف انه ممكن يتحاكم أرجوكم ارحموا مصر وأرحمونا وأرحمو نفسكم
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 17-02-2011 الساعة 04:30 AM 
|
|
#67
17-02-2011, 01:29 PM
|
||||
|
||||
|
رد: مـقـــا لا ت
العــار
شباب مصر المحترم اللى فجر ثورة 25 يناير زعلان من كام شخصية لاوزن لهم ولاسعر اصلا اللهم يمكن 2 او 3 اللى ممكن نقول مناصبهم تحتم عليهم بعض الحنكة السياسية وان كنت لا اوافق على هذا المبدأ وأما قائمة العار فشملت عمرو مصطفى ( مين الواد ده اصلا ) زينة حسام حسن وابراهيم حسن (اللى قال فى التلفزيون المصرى دول شوية عيال لازم نمنع عنهم ألاكل والدواء ونفتح عليهم خراطيم المياه بتاعة المطافى ولولا أن قاطعه المذيع لكنا قد سمعنا من المنـقى خيار كما يقول المثل الشعبى ) عادل امام (اللى سمعته بودنى بيقول انا عايز جمال مبارك وبحبه...... انا حر...فى رأيى وسمعته تانى بيقول م قلتش الكلام ده / قال على هؤلاء الشباب انهم مدعومين من جهات اجنبية علشان شوية كلام فارغ ومطالب عبثية .....شوف يا اخى الكلام ) عمرو عبد الجليل حسن يوسف (للاسف خرج فى التلفزيون واعتذر واحنا أسفين ياريس ومعلش حقك علينا ياابويا.....ايه ياعم فى ايه بتعتذر لواحد حرامى؟؟؟ ) شمس البارودى (للاسف خرجت علينا فى التليفزيون تقول ايه اللى بيعملوه ده دى قلة أدب ....ده انا مكسوفة من عمايلهم دى لدرجة انى بنكسف اقول انى مصرية .....ده كلام؟؟؟؟ بقى كلنا رفعنا راسنا بعد الثورة دى وسيادتك الوحيدة اللى مكسوفة ؟؟؟؟) غادة عبد الرازق مصطفى يونس ( اللاعب السابق وليس رجل الأعمال ) احمد السقا والذى تم طرده من ميدان التحرير حسن شحاتة ( ورغم انه انتقد هؤلاء الشباب ....لكنى احترمت موقـفه فـقد قدم استقالته من تدريب المنتخب لانه وعلى حد قوله محرج من الشعب المصرى وهو يدرب منتخب بلدهم ولكن سمير زاهر اقنعه بتغيـير رأيه ) خالد الغندور ( وهو لايساوى حتى مجرد الكلام عنه ) سماح أنور ( والتى قالت انه يجب حرق هؤلاء فى سبيل معيشة 85 مليون ..... عجيبة والله وكأنهم يهود من دولة تانية مش مصريين ) أشرف مكى (نقيب الممثلين وهو لايساوى مجرد الكلام عنه ) احمد شوبـير طلعت زكريا (والذى أدعى على هؤلاء الشباب بأنهم يتعاطون المخدرات ويمارسون الجنس فى ميدان التحرير ...... لا اله الا الله .....تهمتين لو فشل فى اثباتهم فيجب ان يجلد حدا وشرعا ويحبس قانونا ) شوقى غريب تامر حسنى (الكوتوموتو والذى تم طرد من ميدان التحرير وحين استضافوه على قناة العربية ظل يبكى كما .......... والله كان ناقصه فستان ) مرتضى منصور ( والله انا لما قرأت القائمة خفت يكون جايب شوية الورق اللى كل مرة بيطلعهم فى التليفزيون ويتهمهم بالفساد وسرقة نادى الزمالك........ ثم يصرخ بأعلى صوته / المستندات معايا اهى وهحبسهم كلهم ) مكرم محمد أحمد وهو نقيب الصحفيـين و مدير تحرير جريدة الأهرام السابق الهام شاهين (لاتستحق الكلام عنها ) هناء السمرى وسيد على (مقدمى برنامج 48 ساعة وانا شخصيا عانيت من هذين الشخصين فـقد كان يخترعان اى كلام فارغ ويستضيفان احد الزمارين للنظام طبعا ثم يرن جرس التليفون عندى فى البيت لاجد اخت زوجتى تقول لنا /افتحو قناة المحور .....علشان تصدقونى ....انتم متعاطفين مع العيال دول وبس... دول عايزين يخربو البلد .....وكنا فى بادىء الأمر نتابع ونناقش وتسخن المناقشات فى البيت عندى ثم اصبحنا نشكرها ونستمر فى مشاهدة قناة العربية او الجزيرة او البى بى سى او غيرها ) حسن راتب (صاحب قناة المحور) معتز الدمرداش (مقدم برنامج 90 دقيقة ) بالمناسبة انا كنت لا اشاهد قناة المحور الا نادرا لانى كنت اعتبرها عبارة عن غرفة من غرف التليفزيون المصرى (يعنى جزء منه ) احمد حسن (لاعب الكرة ) مى كساب هالة صدقى يسرا أحمد بدير نهال عنبر ماجدة زكى مى الشربينى وفاء عامر حكيم عمرو زكى عبد الله كمال ( مدير تحريرمجلة روزا اليوسف ) محمد على (معرفوش غالبا ممثل) هانى رمزى (المدرب وليس الممثل ) صابرين (الممثلة ) على جمعة ( مفتى الجمهورية ) وأحمد الطيب (شيخ الأزهر ) والبابا شنودة (بطريرك الكرازة المرقسية وبابا الأسكندرية ) وأنا قصدت جمع هؤلاء الثلاثة فى بند واحد لانهم كان بأمكانهم وخصوصا شيخ الأزهر ان يرحمو الناس ويسقطو النظام من أول يوم ولكنهم تقاعسوا جميعا لان لهم قيمة كبيرة فى عيون الناس فشيخ الأزهر معين وطبعا لن يختار النظام الا شيخ موالى له او بيشترى دماغه والبابا شنودة رجل سياسى ومحنك وانا شخصيا من المعجبين بعقليته وطريقة تفكيره وأسلوبه فى الحوار والكلام ولا اخفى سرا أنى كثيرا ماتمنيت ان يكون هذا الرجل مسلما من فرط اعجابى به لكنه حسبها غلط المرة دى اسامة سرايا (رئيس تحرير جريدة الأهرام ) مها أحمد وروجينا ولمياء وفريدة سيف النصر ومحمد فؤادوتامر عبد المنعم وفريدة سيف النصر خيرى رمضان وتامر أمين ومجدى الدقاق ومفيد فوزى أحمد عز ( الممثل )ونبيلة عبيد وعبير صبرى ومحمد عطية عمرو أديب وعماد الدين أديب ومنى الشرقاوى وشذا توفيق عكاشة وخالد الجندى وممتاز القط (رئيس تحرير جريدة الأخبار وهو من اكبر المنافـقين الذين عرفتهم وقرأت لهم لدرجة انى اصبحت أقرأ اول سطر من مقاله ويصيبنى القرف ) نبيل لوقا بباوى وهو لواء شرطة سابق كان معظم عمله فى مباحث أمن الدولة وليد دعبس صاحب قنوات مودرن مدحت شلبى (لواء شرطة ومدر ب كرة ومقدم برامج وعضو باتحاد كرة القدم ) شعبان عبد الرحيم ( وان كنت اعرف تماما انه جاهل ولايفـقه شىء لكنى فيما بعد علمت انه ألف اغنيه ينتقد فيها الثورة وسماها 25 ميدان التحرير وهو نوع من أكل العيش فهو قد غنى لقطارات السكة الحديد المقلوبة وغنى للطماطم حين ارتفع سعرها .....وأنا عاتب على شباب 25 يناير فشعبان هذا لايجب أن يؤخذ عليه ولا على كلامه من أصله ) وبنظرة سريعة على كل هؤلاء تجدهم من المنتفـعين غالبا من بقاء النظام فهم كلهم بلا استثناء ماذا قدمو لنا؟؟؟؟؟؟؟؟؟؟؟؟ لاشى ء سوى العرى والسفه والرقص .... وشكرا فلا قدموا لنا فكرا ولاعلما ولاساهموا فى نهضة البلد أو تقدمه وأما الكتاب والصحفيون فهم من زمارين النظام والمنتفـعين من وراء بقاؤه وقدمو لنا الفكر الفاسد فماذا ننتظر منهم ولكن ما أحزننى هو موقف شيخ الأزهر والبابا شنودة ويمكن ان نقول ان البابا شنودة خاف على اخواننا الأقباط من الدخول فى معركة مع المسلمين يكون هو الخاسر فيها وانا شخصيا لاحظت ذلك على بعض جيرانى الأقباط والذين كنت ألقى عليم السلام فلا يردون او يعمل نفسه مش شايفنى ويوم جمعة الغضب بعد الصلاة وجدتهم يسلمون عليا ويبتسمون فى وجهى وهى للاسف حسبة مغلوطة وهم انفسهم أيقنوا ذلك بعد انسحاب رجال الأمن وحمايتنا نحن شخصيا لنا ولهم وانا كنت أضع يدى على قلبى لان شارعنا به 4 كنائس ولو تم تفجير احداهما لانفجرت البلد ثم فوجىء الجميع بأنه لم يحدث شىء ثم انكشفت فضيحة وزير الداخلية فيما بعد حين تم نشر اتفاقه مع احد ضباطه برتبة رائد وتم نشر اسمه الرباعى فى ميدان التحرير على تفجير كنيسة القديسين بالاسكندرية يعنى خيانة عظمى من المعلم الكبير لان حبيب العادلى مش هيعملها من نفسه طيب ليه لاثارة البلبلة فى البلد وينشغل الجميع عن النظام وسرقاته وطغيانه وربما البابا شنودة له بعض الحق لانه ورغم معيشته فى مصر لم يعرف طبيعة المسلمين جيدا وبصفته رأس الكنيسة فقد خاف على شعبه ولكن شيخ الأزهر ليس له أى حق فى أى شىء ويجب تغييره وانتخاب غيره واقول انتخاب وليس تعيين واحد غيره لانه رسب سياسيا وشرعيا امامنا وامام العالم الاسلامى الذى فوجئت انه يعتبر ان ألأزهر هو القائد له فى كل شىء يتعلق بالشريعة وقيادة المسلمين وهذه القائمة الطويلة يجب الا تغضب الشباب فكل هؤلاء لاوزن لهم ولاسعر ولاقيمة أصلا ماعدا شيخ الازهر والمفتى والبابا شنودة فعتابنا كبير عليهم فهؤلاء اصحاب الوزن والتأثير الحقيـقى وأما الباقين فلا يستحقون حتى مجرد الألتفات اليهم فكيف نغضب من شىء لاقيمة له .....ولاوزن
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 17-02-2011 الساعة 01:53 PM
|
|
#68
17-02-2011, 04:09 PM
|
||||
|
||||
|
رد: مـقـــا لا ت
الثوره المضاده هذه المقاله ليست من بنات افكارى ولكنى تأثرت بمافيها ولوكان حقيقه كامله لكانت كارثه بكل المقاييس بل وتم اجهاض الثوره تماماً وطبعا لازم نعرف ان النظام القديم لن يستسلم بسهوله وخصوصا ان المستفيدون من وجود هذا النظام الكثيرين وطبعاً من مصلحتهم ان تستمر مصالحهم اوعلى الاقل لايطالهم العقاب عما اقترفوا من اثام فى حق الوطن (واسيبكم مع المقال) بلال فضل| الأخطر من الثورات هي الثورات المضادة، والتى بدأت فى مصر مبكرا جدا وتتبع أساليب رخيصة ولكنها مضمونة النجاح الثورة المضادة يشنها بعض ذيول النظام السابق ادواتها 1_الترويج لحزب يسمى شباب 25 يناير فى المحافظات ليس لأبناء الثورة اى علاقة به بل هم شباب جندوا من الحزب الوطنى ليقفزوا من جديد على الحكم من خلاله بالرغم منن اعلان الشباب على قناة التحرير عدم انشاء حزب وانه لو حدث سيعلن ذلك من قبل افراد منهم معروفون عبر جميع وسائل الاعلام 2__بعض من المنتفعين ومن افراد اللجنة الالكترونية يحرضون على مظاهرات يوم الجمعة المقبلة للتصادم مع مظاهرات ثوار 25 يناير لتاييد الشهداءمعتمدين على بعض من تؤثر فيهم شائعات مرض الرئيس 3_اشاعات عن مرض الرئيس بدرجة كبيرة لكسب عواطف بعض العوام 4_استمرار نهب وسرقة من قبل بلطجية نواب النظام المخلوع لتحريض الناس على التمرد على الثورة 5_بقاء حكومة شفيق التى حتى الان تأخذ قرارتها باستشارة رموز النظام السابق 6_بقاء عمر سليمان وزكريا عزمى فى قصر الرئاسة لتعطيل اى خطوات لانهاء سيطرة الجيش على زمام الامور بالتعاون مع بعض قادة الجيش الذين يوالون النظام السابق 7_الهدف من المظاهرات تصادم شعبى يؤدى الى فوضى 8_تهييج المظاهرات الفئوية لوقف خطوات الاصلاح وفوضى وخراب اقتصادى يؤدى الى ثورة يأتى على رأسها انصار النظام السابق ونرجع الى ماكنا عليه اللهم اجعل كيدهم فى نحورهم وطبعاً كل ماورد فى المقال نراه على ارض الواقع فحزب 25 يناير انا شخصياً خدعت فيه وتصورت ان شباب الثوره هم من اقاموه،وكذلك موضوع مرض الرئيس والمبالغه فى التعاطف معاه بدلأ من المطالبه بمحاكمته فأقل جريمه حدثت فى عهده لوحوكم عليها لوجهت ايه تهمة الخيانه العظمى ولكن نعمل ايه فحزب النظام البائد عنيد ومتشعب ولن يستسلم بسهوله لارادة الشعب.
__________________
 "اللهم أنصر الاسلام وأعز المسلمين"
|
|
#69
18-02-2011, 02:00 AM
|
||||
|
||||
|
رد: مـقـــا لا ت
أيوه كده ياعمنا تسلم ايدك .....
احسن شايل الموضوع لوحدى .....والشيلة تقيلة
__________________
انتقل الى رحمة الله .. ونسأل الله له الرحمة والغفران
|
|
#70
18-02-2011, 04:31 AM
|
||||
|
||||
|
رد: مـقـــا لا ت
أشـاعـا ت
خالتى بمبة الرغاية كانت قاعدة تعمل محشى وفجأة التفت ناحيتى وقالت / اسمع ياموكوس يانعم الجدع مبارك ده عيان أوى وشكله بـيـفـيـص يـبقى عمره كده.... انا لله وانا اليه راجعون ولانها من رموز العهد البائد فبعد الجملة الأخيرة قالت / بس يامنيل ....انا قلت عيان أوى ... مش مات؟؟؟ ماشى .....موافـق موافـق ؟؟؟؟ انت بتهاودنى؟؟؟ مهو انتى بتقولى كلام عجيب عيان والا سليم ......خلاص هو أصبح تاريخ .....وتاريخ منيل كمان منيل ؟؟؟طب خد.....وقذفتنى بصباع محشى على وجهى قلت وانا امسح اثار الرز والخلطة : ليه بس ياحاجة زعلانة منى ليه ؟؟؟ كده..... انت عايز شوية العيال بتوع الثورة يشمتو فيه ويقولو انه هو عيان بسبب تخليه عن الحكم تقصدى تنحى لأ ....تخلى مش مهم المهم انه مشى من وشنا مشى من وشكو؟؟ والله انتو شعب مايستاهل الخير ابدا وخوفا من ضربى بباقى حلة المحشى ....لم اناقشها لكن لسانى بياكلنى فقلت لها / طيب وهما هيخبو مرض مبارك ليه؟؟؟؟ هما خايفين الخبر يأثر على البورصة ؟؟؟؟ ههههههههههه وجائنى صباع المحشى الثانى طائرا فى الجو واستقر فى قـفايا وأكملت حديثها بص ياموكوس بصيت امبارح كانو بيحقـقو مع اولاده باندهاش /لا ياشيخة ؟؟؟؟....!!!! أيش عرفك بقى ثم اكملت حديثها وقالت / انا كنت هناك فى المحكمة وهى عادة مصرية صميمة .....فأن قال لك أى أحد عن خبر لاتصدقه فيقنعك ان المسئول الفلانى قاله له او انه كان هناك ....ولاتملك الا التصديق طيب ياخالتى ....وبعدين علاء اسم الله عليه زينة الشباب دخل على وكيل النيابة ولما سأله عن اسمه قال / المواطن المصرى علاء محمد حسنى مبارك ........راح وكيل النيابة قام يبوسه وأخده بالحضن لاياشيخة...... وبعدين ؟؟؟؟؟ ولما دخل جمال وسأله عن أسمه رد عليه وقال / يعنى انت مش عارفنى؟؟؟ شخط فيه وكيل النيابة وقال / انا اعرف انك متهم وحرامى وتقول اسمك كويس والا هحبسك وبعدين ياخالتى اغمى على جمال باندهاش / لا والله.....وانت حضرتى معاه التحقـيق وشفتيه؟؟؟؟ انا شفته وهما شايلينه وطالعين بيه بره كمان؟؟؟؟ ايوه ياموكوس .....انت شكلك مش مصدق ولمحت بيدها كام صباع محشى وخفت على هدومى فقلت / مصدقك ..... بس جمال طويل اوى ضحكت وقالت / مهو كان 5 رجالة شايلينه وبعدين احمد عز ..... قاطعتها وقلت / احمد عز كمان بثقة / طبعا بس هو أغمى عليه اول م نادو على اسمه كمان أيوه .... وبشجاعة نادرة قلت بس دى أشاعات وكلام فارغ ملوش لازمة ولم أدرى الا وحلة المحشى كلها على أم رأسى وسمعتها تقول / والله م انت متغدى.....واجرى روح بيتكو وخرجت وانا اضحك وجسمى كله ملىء بالرز وخلطة المحشى وهدومى بايظة لكن تعجبت الناس تسمع أى حاجة وترددها وخلاص ثم ان الحكومة بتـنـفى مرض الريس ليه ؟؟؟ مهو هيموت هيموت ....مفيش جديد وايه الدعاية اللى شغالة لعلاء مباارك دى احنا مش عايزين العيلة دى خلااااااص والأيام القادمة ستحمل كثيرا من الشائعات ولايجب ان ننساق ورائها ونرددها كالببغاوات والا سيكون مصيرنا حلة محشى محترمة لم يتم تسويتها على امهات رؤوسنا هههههههههههههههه
__________________
انتقل الى رحمة الله .. ونسأل الله له الرحمة والغفران
|
|
|
|
