رابطة ملاك الفيات اونو

[hossamfawzy]

السلام عليكم انا معايا اونو 93 كنت عاوز اعرف اماكن بيع قطع غيار اونو الاصليه وكنت عاوز اعرف المساعدين الصيني حلوه ولا لا لو فيه نوع تاني ايه هو ويا تري فيه تكييف اونو جديد ولا لا وهل ينفع اركب التكييف علي عربيتي مع العلم انها مش فيها تكييف بس فيه فتحات في الطابلوه مفاتيح المروحه

[ادارة مدرسية]

المشاركة الأصلية كتبت بواسطة hossamfawzy السلام عليكم انا معايا اونو 93 كنت عاوز اعرف اماكن بيع قطع غيار اونو الاصليه وكنت عاوز اعرف المساعدين الصيني حلوه ولا لا لو فيه نوع تاني ايه هو ويا تري فيه تكييف اونو جديد ولا لا وهل ينفع اركب التكييف علي عربيتي مع العلم انها مش فيها تكييف بس فيه فتحات في الطابلوه مفاتيح المروحه

اماكن بيع قطع الغيار هى موجودة عند الكيلانى وهو فى 26 ش شامبليون بالقاهرة

[ma7mod_uno83]

وأنا معاكم ومعايا أونو 83 ماتور 1367 سي سي بجد الأونو جامدة

[ramsisthethird]

السلام عليكم
محتاج مساعد اونو ضرورى. رحت سالت عليه لقيت المونرو ب 480 وسالت فى مكان تانى لقيت الالمانى ب 500 . بتاع العفشه قالى ان فيه صينى رخيص شويه وحلو مش وحش وممكن يتباع مساعد واحد مش الاتنين مع بعض. المهم بما انى مش من القاهره هنزل مشوار مخصوص اشتريه. ارجو ان حد يقولى الاقيه فين فى التوفيقيه وياترى يعمل كام. ياريت الرد بسرعه

[saad_arch89]

السلام عليكم يا جماعه انا معايا فيات اونو 93 والعربيه ظبط فيها كل حاجه سواء كهربا ولا ميكانيكا وبسم الله ماشاء الله العربيه على الطريق زى الفل بس فى فيه مشكلتين عندى مش عارف اظبطهم لغايه دلوقتى ......الاولى ان العربيه بحس انها بتنتش فى الطلعه شويه بس بعد كده بتبقى تمام مع انى مظبط طقم الكهرباء ومغير حاجات كتير .......المشكله التانيه انى وانا واقف اجى اضرب النور الواطى او العالى الموتور بلاقيه بيترعش قوى او لما المروحه بتشتغل .....يا جماعه انا حاولت مع ناس كتير سواء ميكانيكه لكهرباءى بس برضه مفيش فايه فى اللى انا فيه ده يا ريت حد يفدنى ضرورى