مقارنة أولية بين الجاك J5 والإيمجراند EC7 مدعم بالفيديو

[khaledsarhan]

تحية كبيرة جدا على موضوع حضرتك المتميز

[ADEL AL SHAAIRY]

استاذنا العزيز محمد بك : انا سعيد جدا ان يوجد فى المنتدى كبار السن امثالنا ويكونوا فاعلين زى حضرتك ومن خلال مداخلاتك اشعر بارتياح شديد لاسلوبك المحترم وارجو ان يكون المنتدى كله على نفس المستوى وان كان منتدانا من المنتديات الاولى فى رقى الحوار والمستوى الوتميز لاعضاؤه - طبعا مقارنة حضرتك ممتازة وانا افضل الايمجراند لانى رايتها فى معرض ابو غالى وكان بيحاول يخلص فيها العام الماضى ولكن يبدوا ان غبور نجح ان يقنع ابو غالى ان يكون هو صاحب التوكيل - المهم الايمجراند فيها حاجة كده تجعلك تشعر بالفخامة وتشعرك انها سيارة فارهة وطبعا توكيل غبور يتمتع بحرفية شديدة لم يناطحه فيه احد وان كنت اتمنى ان تكون هناك منافسة بين عدة توكيلات لان ده بيكون فى صالح المستهلك المصرى - وفى النهاية اتمنى ان توفق فى الاختيار ومبروك مقدما

[temo]

المشاركة الأصلية كتبت بواسطة د.كمال الله ينور عليك ياأستاذ محمد .....مقارنه جميله بصراحه ....وانت جبت كل حاجه فى العربيتين وتبقى المقارنه مفتوحه حتى نزول الامجراند لنرى الخامات والتقفيل المصرى .... وأنا بعتبر الجاك كده سعرها معقول جدا لو حسبنا فرق السعر الفين فقط ومستورده بالكامل (يعنى جمارك وضرايب وشحن ).........أنا ملاحظ فى تحسن فى التوكيل من اتصالاتى بهم لانهم جابوا مجموعه من المديرين للتسويق وقطع الغيار وأكدولى ان كل قطع الغيار متوفره وموجوده وفى انتظار تقرير من الاستاذ تيجر بعد تركيب الزجاج لنتأكد من ذلك .. ربنا يوفقنا لما فيه الخير

شوف يا دكتور اسعارها ايه في السعودية بدون تعليق

http://www.hha.com.sa/geely/promotion.html

[عصام الجارحي]

المشاركة الأصلية كتبت بواسطة temo شوف يا دكتور اسعارها ايه في السعودية بدون تعليق http://www.hha.com.sa/geely/promotion.html

طبعا الفرق ينطوي علي جميع السيارات في السعودية وليس الايمجراند فقط
30 الف ريال سعودي يعادل 48 الف جنية مصري بفارق 28 الف حنية
لوقسمنا ال28 الف دي ........
جزء منها جمارك ..وجزء منها جشع تجار ....وجزء منها فرق قيمة المحروس بتاعنا ( الجنية)
والادهي من كدا فيه ناس سعوديين مستغليين هذا السعر
رينا يسترها علينا

[baba mohamed]

المشاركة الأصلية كتبت بواسطة د.كمال الله ينور عليك ياأستاذ محمد .....مقارنه جميله بصراحه ....وانت جبت كل حاجه فى العربيتين وتبقى المقارنه مفتوحه حتى نزول الامجراند لنرى الخامات والتقفيل المصرى .... وأنا بعتبر الجاك كده سعرها معقول جدا لو حسبنا فرق السعر الفين فقط ومستورده بالكامل (يعنى جمارك وضرايب وشحن ).........أنا ملاحظ فى تحسن فى التوكيل من اتصالاتى بهم لانهم جابوا مجموعه من المديرين للتسويق وقطع الغيار وأكدولى ان كل قطع الغيار متوفره وموجوده وفى انتظار تقرير من الاستاذ تيجر بعد تركيب الزجاج لنتأكد من ذلك .. ربنا يوفقنا لما فيه الخير

شكرا يا دكتور على الإطراء الجميل، والرأي السديد ، ولكن قلبي ميال للجاك للجميلة، ولسان حاله يقول ما باليد حيلة،فهوى الجاك قد ملكه، وبالضبة والمفتاح قد أغلقه.
هههههههههه
أرأيت ماذا فعلت بي الجاك ، وغدا بعد هذا النثر سأنشد شعرا فيها ، وكل ذلك ويعلم الله أني لم أرها إلا في الفيديو فقط ، وسمعت عنها من حديث السادة الأعضاء ، وقد نزل اليوم إعلان الإيمجراند في الجرائد ، وإن شاء الله سأقوم بالخطوة الهامة خلال بضعة أيام وهي زيارة المعرض لأرى كلا من السيارتين عن قرب ، ثم سأصلي استخارة وأقرر ، وإن شاء الله سأعود إليك قبل اتخاذ القرار الأخير بالشراء وربنا يعمل الذي فيه الخير.