لازم تلحقونى الليلة دى

[ahmedsherif1990]

المشاركة الأصلية كتبت بواسطة tham1010 أخر التطورات. اليوم السبت اول الشغل هنا أمبارح أجازة فكل الناس كانت قفلة المحلات. اليوم رحت شحنت البطارية ولسة مستلمها. شفت الزيت بتاع الفرامل لقيته مش أصفر شفاف ولكن غامق زى لون عسلى فاتح. أشتريت زيت بندكس فرنساوى 11 جنية أستعداد لتغير الزيت غدا دواسة الفرامل فيها حاجة مش طبيعية مش لينة زى الأول ولكن جامدة جدا وكمان مش بتنزل قوى زى الأول زى ما يكون السوستة مشدودة. بكرة هيكون يوم طويل فى الإصلاح.... سؤال اخر لخبراء المنتدى. هل لكل العربيات مستر فرامل واحد. يعنى مستر الفرامل لاى سيارة هيونداى ينفع يركب لاى سيارة هيونداى أم ان كل موديل له شكل الماستر بتاعة. هل يؤثر وجود نظام ABS على نوع المستر الرئيس. بمعنى اخر لو جبت مستر فرامل رئيس لعربية ماتركس بتاع غبور التى لا يوجد فيها نظام فرامل ABS ينفع يركب على عربيتى اللى هى فيهانظام ABS شاكر لكل من رد على

مش متأكد من الكلام ده بس ليه فاكر ان الماستر بايظ ممكن يكون بس عايز ياخد هواء او يسحب منه هواء
و لو بايظ ممكن تسأل عليه استيراد لو ما لقيتش بتاع الماتركس هو هو بتاع اللافيتا

[Sniper1612]

يا باشا الدواسة لازم تكون ناشفة ... جرب دور و دوس كده انما و هى مبطلة لازم تكون الفرامل ناشفة

[zmzm0000]

ايه اخر الاخبار يا tham1010 طمنا ؟؟؟؟؟؟؟؟؟؟؟

[eng/walaaeldeen]

السلام عليكم
العطل اما في المساتر او دواسة الفرامل
والله المستعان

[tham1010]

أخر الأخبار يا رجاله.

من صبحية ربنا نزلت الف على الصنايعية. معظمهم طبعا رفض يأتى معى بحجة الورشة ومش يقدر يسبها لوحدها.

رجعت للعربية وجريت حاجة. رفعت العربية بالكوريك ولففت العجل بأيدى أشوف هل العجل بيتحرك أم لا وهذا لانى كنت خايف اسيب دبرياج خالص وأتكى بنزين لانى حسيت ببمانعة لما حاولت من 3 أيام وانا من النوع اللى مش يحب المغامرة.

المهم وجدت كل العجل بيلف باليد عادى. قلت غريبة مش معقولة أتصلحت العربية لوحدها. نزلت العربية ووصلت البطارية لقيت اللمبة بتاع الأستوب والأسبويلر الخلف مولعين لسة. ولكن وجدت كمان بعض الحصى تحت الكوتش الخلفى.فقلت يمكن دة سبب شعورى بالممانعة المرة السابقة.

جربت حاجة كمان للإطمئنان قبل تدوير المحرك. دفعت العربية لقيتها بتتحرك عادى. رحت راكب ومدور وسبت دبرياج خالص والمرة دى طلعت للامام مش مرشدير للخلف.وجدت العربية مشيت عادى.

جريت على الميكانيكى الذى أتشقلب فى دواسة العربية وقالى لى مكنة الأستوب هى إلى فيها العطل فكها و قال لى دور على وحدة زيها. ودى شكلها...





لفيت على مكنة الأستوب ولكن لم أجدها هنا فى مدينتى. الكل قال لى أنه نادرا ما يطلبها أحد لهذا فهم لا يشتروها. وقالوا لى أجبها من القاهرة. بإذان الله نشوف الحكاية هتمشى أزاى.

دلوقتى أنا عندى كام سؤال:

1- هل من الممكن غسيل هذه المكنة بسأل WD40 الذى يقوم بإزالة الصدأ؟ هل ممكن أن يحسن هذا الامر سوسته الاستوب( فى حالة إذا لم أستطع العثور على شبية بهذه الماكينة فى القاهرة). أعتقد انه سائل لن يؤثر على أى شئ كهربى داخل ماكينة الأستوب.

2- إنا طلبت من الميكانيكى أن يغير لى زيت الفرامل ولكنة صدمنى عندما قال لى أن زيت الفرامل لا يتم تغيرة ولكن يتم تزويدة. طبعا أشعر ان هذا الكلام غير صحيح ويمكن يكون هو مش بيعرف يعمل عملية سحب الهواء من الأربع عجلات ولهذا قال لى حكاية عدم إمكانية تغير الزيت. هل هناك رأى لا اعرفه بخصوص عملية تغير زيت الفرامل

3- الحقيقة كان فى عندى صوت زى صوت سن السكين على الحجر عندما كنت ادوس على الفرامل بشدة أو بسرعة ثم أرفع رجلى وأتجرك من جديد. طلبت منه ان يتفحص التيل فقال لى أنه متأكل قليلا ولكن فيه ربعه كدة وقال لى أنه يمكن أن أمشى بالعربية كدة فترة لحد ما ربنا يسهل واجيب تيل أصلى. وقال لى أن هذا الصوت ناتج عن رايش فى التيل بيحك وهو صوت إنذار بضرورة تغير التيل فى المستقبل القريب. فهل هذا صحيح. هل وجود ربع التيل شئ طبيعى وأمان؟

شكرا لكل من قام بالرد وتعب نفسة وحاول يفكر معايا,