سؤالين اتنين بس فى الفيرنا بعد اذنكم

[بحر الحياه]

1 - ليه لما بشغل التكييف العربيه بتسقف فى الاول مع انى مبستعملش غير بنزرين 92 . هل ده من من رجلى ( العربيه مانوال ) . ولا ده نتيجة ان العربيه عايزه ظبطه فى حاجه . الموضوع ده مضايقنى جدا لان زى ما انتوا عارفين الاشارات فى مصرنا الحبيبه كتير فكل ما اقف امور واجلى ااطلع اجيب الاول اول ما اطلع تسقف واتخنقت من الصوت ده .

2 - ليه مارش الفيرنا بالذات بيعمل زى صوت نحره كده لما برجع لورا مع ان عربيات كتير جدا مافيهاش الصوت ده .

معلش تقلت عليكم

[haninatoon]

عاوز اسطوانة وديسك ياريس
محتاج تغيرهم
لان عزم العربية مش بيدى معاك

بص يا غالي انتا اكشف علي العربية احسن مع اني شاكك ان ممكن تكون انتا مش واخد علي انك توازي بيني الدبرياج والبنزين في الطلوع علشان كدا العربية بتسقف معاك


احجز في ابورواش بعيب في العربية ومش هتدفع جنيه

[memodina1]

الموضوع دا عادى يا جماعة ديسك اية واسطوانة اية العربة اول ما تشغل التكييف بتكون عايزة ظبط بنزين ودبرياج شوية عشان متحسش بالكركرة وبرضة روح احجز فى التوكيل عشان تضمن بس متقلقش نفسك انا معايا فيرنا وبتعمل كركرة ومن اول ما جبتها لمن مجرد اسبوع رجلى اخدت على الدبرياج والبنزين وبقيت بظبطها خد بالك الموضوع دا لما التكييف بيشتغل اما لو مش شغال العربية زى الفل فاهمنى

[medoelsoni]

على فكرةالموضوع دة ملوش دعوة فعلا بالدسك ولا السطوانة ونسبة كبيرة من الفيرنا بتسقف فى التكييف بس أتأكد من 1- نظافة البوابة 2- نظافة فلتر الهواء 3- نظافة فلتر البنزين 4- حط بنزين من بنزينة موثوق فيها (( زى وطنية ))) لو العيب زى مهو ومكنش حد لعب أبل كدا فى ال TPS يبقى عادى وتعامل على كدا وخد عليها ومتكلفش نفسك ألا لو كانت فى الضمان طبعا روح وأعملهم قلق عشان يشوفوها والله الموفق