مشكلة فى عداد البنزين ارجو الافادة

[alfaromeo]

لدى سيارة اوبل كورسا 1995 مؤشر التانك مش مظبوط بمعنى انه ساعات ييجى عالنص و ساعات يدينى انها متفوله و لما ابطل و ادور تانى الاقيه عند 10 لتر ... و برضو لما بحسب الصفيحة بعداد الكيلو متر الاقيها يادوب بتمشى 200 كيلو فى الصفيحة و من كام يوم و انا ماشى بطلت وانا ماشى ادور تبطل تانى لحد ما جبت لتر بنزين فى التانك و مشت تمام فارجو الافادة ايه المشكلة هل فلتر ولا عوامة ولا ايه بالظبط لانى مش عارف المشكلة دى اول مرة اتعرض لها و هل اروح لميكانيكى ولا كهربائى لحلها ؟

[mounaf]

كهربائي............

[alfaromeo]

متشكر لاهتمام حضرتك ...طب المشكلة دى احتمال تبقى ايه ؟

[AbOnOrA]

بص هو لو كان تقطيع بنزين ولا تبطيل كنا نشك فى دورة البنزين من اول الطرمبة للفلتر للكربراتير او الانجكشن
بس طالما عندنا شواهد مؤشر البنزين ديه كده حاجة من الاتنين
1- التانك والعوامة تمام وكده يبقى عايزين كهربائى يبص على العداد فى التابلوه
2- وده الارجح ان فيه مشكلة فى عوامه البنزين وديه عايزه ميكانيكى يحل التانك وبياخدله فيها نص يوم ولا حاجة

[alfaromeo]

متشكر جدا لرد حضرتك ...طيب هيا لما كانت بتقف منى فى الطريق كانت تبطل و لما ادورها تانى و انا بدوس بنزين و اشيل متواصل عداد ال RPM يعلى حاجة بسيطة لحد 2 مثلا و تنزل و تقوم مبطلة و اللفات مش مرتبطة ساعتها مع ضغطة البنزين لكن تفضل دايرة ثوانى لمجرد انى بدوس و اشيل باستمرار و دى حلها انى اجيب لتر بنزين و بعدها بلحظة تبقى تمام ....من كلام حضرتك فهمت انها فعلا قاطعة بنزين و اروح لكهربائى يبص عليه قبل الميكانيكى ؟ولا انا فهمت غلط ؟ و اسف لتعبك معايا