نويت اطلع الرخصة .... يا ريت تفيدونى

[tobgy]

بسم الله الرحمن الرحيم

الواحد زهق خلاص من السواقة من غير رخصة
و كل ما الواحد يخلص مشوار بيحمد ربنا انه ماقبلتهوش لجنة
و خصوصا انى خلاص عديت ال18 فى شهر 2 اللى فات
فقررت اطلع الرخصة عشان اكون فى السليم
انا سألت عن الاختبار فعرفت انه بيتكون من نظرى و عملى
العملى مقدور عليه ان شاء الله
و العملى عندنا عبارة عن اختبار حرف S بعربية لاداptmnlo123per144 (ربنا يستر)
اما بقى النظرى فانا اعرف فى الميكانيكا و و الاشارات
بس مش عارف اعملها بواسطة ولا لا؟
يا ترى لو سقط اقعد اد ايع عقبال ما امتحن تانى؟
و هل فى رسوم بتدفع؟
ياريت تفيدونى فى الحكاية دى
و شكرااااااااااا مقدما

[Persuader]

اعتقد على حسب المرور الى هتطلع منه الرخصه , انصحك تريح دماغك وتمشيها واسطه .

العملى اعتقد بتعيده بعد شهر لو لاقدر الله فشلت فيه ( ولاد الايه بيرصوها رصه بنت كلب ) بس سهله لو كنت بتسوق من فتره , المشكله فى ملل طول الاجراءات والتعقيدات بتاعتهم , بالواسطه ( شامله العملى ) اعتقد تخلص الرخصه فى نص ساعه خصوصا لو كان فى نجوم ماشيه جنبك .

[tobgy]

الف شكر يا باشا
و كل حاجة فى البلد ماشية بالواسطة ... يعنى هيا جت على دى

[dego_story]

بص بقى يامعلم انا هجبلك من الاخر عن تجربة لسه فى بدايه الشهر دا وانا برضو تبع مرور اسكندرية اولا امتحان النظرى فى موضوع هنا فى المنتدى مثبت فى قسم المرور فى حوالى 300 سؤال بجد عن تجربة بيجى منهم 12 بنفس الشكل اللى هما الامتحان وانا الحمد لله نجحت فى الامتحان من غير وسطة بالنسبة بقى للسواقة انا امتحنت على لادا اللى بيحصل ياباشا ان انت هتقعد فى العربية وجنبك الراجل بتاع الرور لازم ديلة حاجة انا عطتيه40 جنية وبصراحة الراجل ماقصرش انت مش هدوس على دواسات خالص انت هيقولك روح عليك تروح عليك يقلك تعال عليا تعمل اللى يقولك عليه وان شاء الله تبقى كدة نجحت وتاخد الرخصة وملحوظة عايز تضمن امتحان النظرى جدا جدا فى كتاب بيتباع تبع المرور هتلاقى فى وحدة مرور محرم بيك او اسأل اى حد وصورو منه وهتقرامرة واحدة بس وابقى ادعيلى لما تلاقى كل الاسئلة منه وربنا يوفقك اى استفسار انا موجود ان شاء الله وهرد عليك

[tobgy]

dego باشا
الللللللللللللللف شكر يا معلم
و ان شاء الله حدعيلك
بس ادعيلى انت الاول اعدى بس :D