تقرير عن Fiat Linea

[فادى]

المشاركة الأصلية كتبت بواسطة sam ram المشكله ان اغلب الناس بتبص على الهورس باور و مبتهتمش بالعزم و علاقته بعدد الدورات ... في حين ان العربيات اللي بتدي عزم عالي على عدد دورات منخفضه ....بتبقى نقلاتها قريبه ... وسلسه و المفروض يكون عمر محركاتها اطول متهيألي كده .... والله اعلم

صحيح تماما,
احنا عندنا اتنين بروفايل للكامات,
الاول هو تقديم غلق الصمام, و دى بتدى عزم عالى عند سرعات منخفضة (دى حالة اللينيا).
و العربيات دى بتبقى ممتعة فى القيادة و عصبية و متجاوبة و عمرها اطول كثيرا, لكن عيبها الوحيد انها لا تتجاوب فى السرعات العالية, و التسارع العام بتاعها اقل.
و ده بيفضله الأوروبيين عموما لأن معظم سواقتهم فى المدينة, و أراضيهم جبلية فيها مرتفعات و منخفضات.
البروفايل التانى هو تأخير غلق الصمامات, و فى الحالة دى العزم بييجى عند سرعة عالية, و بما ان الهورس باور هو العزم مضروب فى السرعة, اذن أقصى قوة حصانية بتكون اعلى.
ميزة هذه السيارات انها بتدى تسارع عام اعلى, و سرعة قصوى أكبر, لكنها أقل متعة فى القيادة خاصة لو كان المحرك صغيرا, و عمرها أقصر, و بتعانى فى حالات المرتفعات و عند التحميل, و مناسبة أكتر للطرق السريعة عن المدينة.
و ده مفضل بالنسبة للسيارات التى تباع فى السوق الامريكى, أى السيارات الأمريكية و اليابانية و الكورية, لأن الولايات المتحدة واسعة المساحة و أراضيها صحرواية و مفيهاش جبال, و معظم الطرق هناك طرق سريعة, ده غير انو المحركات الكبيرة المعتادة فى هذه البلاد لا تشعرك غالبا بمشكلة العزم, لأن عزمها المنخفض على السرعات المنخفضة هو نفسه مرتفع بالنسبة للمحركات الصغيرة نظرا لكبر حجم المكبس.

الفرق فى التسارع العام ده مش هتحس بيه الا لو انت بتجيب أخر كل نقلة, بمعنى انو لو عندك لينيا ادام كورولا أو سيفيك مثلا, و نظمنا بينهم سباق لكن بشرط القيادة العادية ( النقل عند 3500-4000 ار بى ام) مثلا, هنلاقى انو اللينيا اسرع.
لكن الكورولا و السيفيك هيكونوا اسرع قليلا لو سبت كل محرك يجيب أقصى عدد لفاته (الرد زون).
طبعا محدش فى الدنيا بيسوق بهذه الطريقة, و محدش بيوصل المحرك لحد الريد زون, لذا فان عدد الأحصنة هو تحصيل حاصل بالنسبة لمعظم السائقين.

[sam ram]

المشاركة الأصلية كتبت بواسطة dr.darsh الهورس باور مش قليل قوي.......متهيألي معقول على أساس ان العربية 1400 سي سي أنا شايف ان مشكلتها تكمن في سعرها.....اللي مش متناسب مع فئتها و المشكلة الأكبر انها مش أوتوماتيك.....الصراحة لو كانت أوتوماتيك كانت بقت ولا في الأحلام

على فكره يا دكتور انا مش معترض على الهورس باور ...
انا كانت معايا سيينا 1400 71 حصان تقريبا ...
وقبلها فيليشيا 1300 وكانت اقل من كده .... 55 او 63 حصان .. للاسف مش فاكر دلوقتي
لكن فاكر كويس اوي يوم واقف في اشاره الدراسه ... المطلع اللي قدام مستشفى الحسين و جنبي واقفه اكسيل راكب فيها 4
الاشاره فتحت و طلعت عادي جدا ... اما الاكسيل ... صباح الكركره .. و مشيت اتفرج عليها في المرايه بنعاني من المطلع لحد اخره !!!!
ودي ميزه العربيات اللي بتدي عزمها على دورات منخفضه ...
او زي ما شرح مهندس فادي

لكن اللي قصدي اقوله ان الناس في مصر حتفضل العربيات ال 1600 عن ال1400 علشان بنبوص للهورس باور اكتر حاجه ...
وبالتالي بيفضلوا عربيه ب 100 حصان او اكتر عن عربيه ب 80 حصان او اقل

عن نفسي شايفها عربيه جمييييله ... و لو كان التوكيل مهتم شويه ... كنت فضلتها على عربيات كتير

والفئه بتاعتها هي فئه الانسر و الالنترا و السيراتو .... فمتعتبرش غاليه ... لكن بنشوفها غاليه علشان موتورها اقل في الهورس باور !!!!

[eng.octooo]

العربية دى مش ناقصها اى حاجة غير الاوتوماتيك

[Mohamed Dahab]

الف شكر ليك يا كابو على التقرير الممتاز ptmnlo123per154
انا متفق مع ان السعر غالى عليها جدا هى فعلا عربيه شكلها حلو بس مش 95000
انا عن نفسى احبذ عنها البروتون بيرسونا 1600CC كامله اتوماتيك ب 92000 فقط

[فادى]

المشاركة الأصلية كتبت بواسطة Mohamed Dahab الف شكر ليك يا كابو على التقرير الممتاز ptmnlo123per154 انا متفق مع ان السعر غالى عليها جدا هى فعلا عربيه شكلها حلو بس مش 95000 انا عن نفسى احبذ عنها البروتون بيرسونا 1600CC كامله اتوماتيك ب 92000 فقط

;ل عربية و لها مواصافتها, و صحيح انو البروتون اوتوماتيك (لا ارى فى ذلك ميزة لأن الاوتوماتيك بطىء), و 1600 سى سى , لكن راعى أن اللينيا أكثر جودة و أفضل تصميما و أطول عمرا و أكثر احتمالا.
لذا فان سعرها منطقى جدا.