مساعده: فيات1100

[سيد عبيد]

المشاركة الأصلية كتبت بواسطة طارق ابوذيد بسم الله الرحمن الرحيم . سعر الاسياره R 1100 لا يتعدى 2000 جنيه اما بالنسبه لقطع الغيار موجوده فى الوكاله عند محل واحد فقط اسمه عم جمعه ولا يوجد اى قطعه غيار للموتور او العفشه فى محلات قطع الغيار الجديد ابحث عن سياره 128 بحاله رديئه وشدها على مهلك او سيات والله الموفق اخوك الشيخ طارق ابوذيد والسلام عليكم ورحمه الله وبركاته .

طيب انا هسمع كلام الباش مهندسين طب بالنسبه لفيات 125


لو حالتها تمام وشغاله ميه ميه تعمل كام مع العلم انا عاوز حاجه اقل من 8000 وياريت متكونش مصروفاتها جمده يعنى حاجه على قد الحال فقولولى 125 تعمل كام وايه مميزاتها وعيوبها بردو ولو فيه حاجه احسن قولولى
وبلنسبه لاستاذ طارق فأنا متشكر على الرد لكن انا عمرى ما هشترى سيات حتى لو ببلاش لان موتورها من ورا وبعدين دى صغيره اوى بس ياريت المهندسين يردو على استفساراتى

[طارق ابوذيد]

بسم الله الرحمن الرحيم . احسن شئ عملته ان انت سرفت نظر عن السياره R1100 واعمل بنصائح الاعضاء واشترى 124 او 125 ممكن فى حدود المبلغ الى معاك والله الموفق والسلام عليكم ورحمه الله وبركاته .

[سيد عبيد]

بردو محدش جاوب على اسألتى بالنسبه لفيات 125لو سمحتو انا عاوز اعرف مميزاتها وعيوبها وسعرها لو شغاله تمام وموتور كويس

[hazem_khidr]

للاسف المبلغ دا حيجيب عربيه اه
انما حتحتاج مصاريف كتير
اوصل ل 10 الالف و هات 127 فيورا افضل

[alymms]

المشاركة الأصلية كتبت بواسطة MmFFoR اوعى ملهاش قطع غيار حتلاقيها قطمة لادا على موتور 125 على فتيس ريجاتا و حتعيش اسبراتير تصنيع يدوي و تعامل مع الاعطال - يعني لازم يبقى معاك نمرة ميكانيكي و كهربائي علطول و في الاخر 100% البارومة واكلاها لان العربيات زمان كان عزل بيتومين فقط مش معالجة كهربائية

هذه السيارة هى سيارتى وموجودة بالأسكندرية
موتورها الأصلى و عفشتها أصلية و الفيتيس أيضا
اسبيراترها الأصلى كان سليم لكن أنا بدلته باسبيراتير بيجو504 لإن الأبلاتين الهندى كان الياى بيقضم بسرعة بدون أى تغيير فى القواعد لإنها فى ال1100 بالضبط زى ال504 و بالتالى بركب أبلاتين 504
و كنت قد عرضت صورتها للبيع و لكن العروض كانت تعبانة
فلغيت فكرة البيع لإنها اغلى من اى مبلغ عرض علىًَ
وعلى فكرة أنا بسافر بيها من حين لأخر
و ما فيهاش أى بارومة و للعلم دى دواخلها فابريقة (موتور - صالون - شنطة) و حتى كتالوجها الأصلى عندى لإن عمى الله يرحمه اشتراها على الزيرو سنة 1962 وهى ليست معروضة للبيع الأن