سؤال عن فيات فلوريدا 2008

[hazem_khidr]

مفيش فلوريدا موديل 2008
و هي عباره عن فيات تيبو انتجتها شركه يوجو باختلاف الشكل الخارجي
عربيه سيئه جدا كخامات و اعتماديه

[hamada hamed]

نصيحه لوجه الله من واحد كان شغال فى النصر للسيارات / ابعد عنها احنا كنا ببيع العربيه وفى فترة الضمان كنا بنشوف مهازل فى العربية دى / لانها اساسا مش عربيه ومكوناتها الداخليه سيئه جدا جدا وقطع غيارها نادره لان النصر للسيارات لم تستمر فى انتاج هذه السياره نظرا لكثرة العيوب فيها

[islamabdelmonem]

حسبي الله و نعم الوكيل في اللي كتب عن سعر العربية دي علشان انا لما جيت ابيع العربية كل الناس قالتلي الكلام دة و اضطريت ابيعها بخسارة 4500 جنية مصري ، يا ريت كل واحد يتقي الله في الكلام المكتوب و لو مش عارف حاجة يا ريت بلاش يتكلم احسن ازاي يكون السعر 20000 دة حتي ما يجبش عربية 128 او فيورا ربنا ينتقم من كل واحد كتب في الموضوع دة و عوضي عليك يا رب و الله انا مش مسامح اي حد كتب حاجة عن الموضوع دة ، العربية و الله ممتازة و قطع غيارها 128 النوفا و الحمد لله موجودة بس في بعض التجار عملول الحركات دي و ربنا ينتقم منهم و خلو قطع غيارها قليلة و تكاد تكون نادرة بس احنا بنوفقها من قطع غيار عربيات تانية زي 128 او الريجاتا، في النهاية عالم ولاد *****

[ezzat hassaballa]

المشاركة الأصلية كتبت بواسطة islamabdelmonem حسبي الله و نعم الوكيل في اللي كتب عن سعر العربية دي علشان انا لما جيت ابيع العربية كل الناس قالتلي الكلام دة و اضطريت ابيعها بخسارة 4500 جنية مصري ، يا ريت كل واحد يتقي الله في الكلام المكتوب و لو مش عارف حاجة يا ريت بلاش يتكلم احسن ازاي يكون السعر 20000 دة حتي ما يجبش عربية 128 او فيورا ربنا ينتقم من كل واحد كتب في الموضوع دة و عوضي عليك يا رب و الله انا مش مسامح اي حد كتب حاجة عن الموضوع دة ، العربية و الله ممتازة و قطع غيارها 128 النوفا و الحمد لله موجودة بس في بعض التجار عملول الحركات دي و ربنا ينتقم منهم و خلو قطع غيارها قليلة و تكاد تكون نادرة بس احنا بنوفقها من قطع غيار عربيات تانية زي 128 او الريجاتا، في النهاية عالم ولاد *****

عم اسلام احمد ربنا
انا عزت اللى اشتريت منك العربيه ب 21500 قصدى اللى اخد منك الخازوق قطع غيار ايه اللى موجوده انا فضلت ماشى من غير عداد بالكامل سرعه وبنزين وحراره شهرين وفى الاخر ربنا وفقنى وعرفت اخلص من الخازوق ده ب 20750 جنيه انا اشتريتها منك لما قولتلى قطع غيارها موجوده فى شارع دمشق فاكر وقولتلى عفشة 128 وفى الحقيقه مقصاتها ماينفعش غير بتاعتها ومش موجوده بس انا اتقيت ربنا وقولت للى اشتراها قبل مايشترى العداد مشهتلاقيه وقع غيارها صعب تلاقيها وهو وافق ونا مقفلتش تليفونى تانى يوم ما بعتله حسبى الله ونعم الوكيل

[الفيلسوف]

ربنا ينتقم من الكدابين والنصابين