استفسار عن شراء فيات بولونيز

[hinrey_2]

اشكركم وجزاكم الله كل خير على الرد والافادة
انا كده اقتنعت وصرفت نظر عن البولونيز واشوف نوع يكون احسن باذن الله

واشوف لى ستروين والا لادا والله الموفق و المستعان

[ramy safwt]

فيات 32 1800 سى سى فضى كل حاجه فيها فبريكة جنوط و بطارية و ازاز كهربة و باور و دوكو و سمكره و طاقم الصوت و ترخيصها يخلص سبتمبر 2014

مطلوب فيها 16500 كانت لسه معروضه امبارح على التراس فيات 32 و معروف انها بتاعة سفر و بتاكل اى حاجه بنزين جاز بيبس عصير قصب

لو مهتم ابعتلك بيانات الاعلان و فيها رقم الراجل و انتو اتعاملو مع بعض و خد معاك ميكانيكى انا معرفش حد و مضمنش حد بس لقيت معلومة و بوصلها

كمان انا صاحبى كان بايع ال بيجو 405 ب 20 الف و كان لسه شاددها و بتاعة سفر بلاش البلونيز

[hinrey_2]

خالص الشكر للاستاذ رامي صفوت على الاهتمام والافادة
ولكن امامى عدة سيارات موديل 132 وكذلك بيجو 405 وابتعدت عنهم بسبب سعة الموتور 2000cc وهو ما يعنى الاستهلاك العالى للبنزين واحتمال عدم استحقاقى للدعم لانه تردد كلام كتير عن الغاء دعم البنزين للسيارات الاكبر من 1600cc وذلك فى عهد وزير البترول السابق .
خالص الشكر لك على النصيحة مرة اخري.