مشكلة فى سيارة فيات بترا 2003

[amr3id]

عندى سيارة فيات بترا 2003 أشتريتها من 6 شهور مستعملةبعد ما جبتها كانت محتاجة شوية أصلاحات
الموتور كان صوته خشن وعملناله طقم صباب وغيرنا طقم سيور
وبعد أسبوعين أو تلاته بلية سير الكاتينة وقفت و جابت صباب تانى وعملته
و لما جيت أغير طلمبة الباور جبت واحدة أستيراد أول ما دورت السيارة خرطوم الباور ضرب وطرطش زيت على الماتور والعربية دخنت
غيرت طلمبة الباور تانى وبرضوا الطلمبة ضربت تانى والماتور بيسخن قوى ويدخن من الزيت اللى نزل على فرن الشكمان قولت أركن الطلمبة دلوقتى وأبص على الماكينة أهم
وفجأء العربية بدأت تقطع وتطفى منى ووصلت بيها البيت بالعافية
جبت كهربائى يومها قالى دى موبينه سير البوجيهات بطلع كهرباء غلط
وهى اللى بتخلى العربية تطفى كدة - غيرت الموبينه بواحدة أستيراد وبردو التقطيع موجود - أنا تعبت
مش عارف اروح لكهربائى ولا مبكانيكى ولا مين
مش عارف مين يفهم فى العربية دى
أنا من الشرقية ومش عارف أروح بيها لمين يصلحها
المشكلة أنى لو حبيت أروح بيها الحرفين لحد بيفهم العربية مش هتوصلنى بحالتها دى
لكن لو حد من الأخوة الأفاضل يعرف حد متخصص فى الحرفين مثلاً يدينى عنوانه وتليفونه لو امكن إن شاء الله أرفع العربية على ونش وأبعتها عليه
حد يفهمنى الله يباركلكم أعمل أيه؟؟؟؟؟؟؟؟؟؟؟؟؟؟؟
أن تعبت

[mattiaali]

السلام عليكم ....
انا معايا نفس العربيه دى بس موديل 2004 ،، ونصيحه منى وعن تجربه ودى العربيه التوكيل محدش فى مصر كلها هيعرف يظبط سير الكاتينه انا جربت اعمل سير الكاتينه برا التوكيل مرتين بس للاسف محدش عرف يظبطه . وكان كل مره يفك من مكانه .
انت ممكن تصلح اى حاجه فى العربيه برا التوكيل ماعدا سير الكاتينه وطقم السيور.
ولو عاوز تعرف اماكن بيع قطع الغيار مافيش غير تلاته
الشرق فى شارع دمشق بعد السجان
بطرس فى شارع دمشق قبل بنزينه شيل
الكيلانى فى شارع شامبليون