يا دكتور عبد السلام (يا حكيم المنتدى)

[lol64]

الف مبروك يامورو وربنا يباركلك فيها السيراتو كمان والله جميله جدا انا باعتز بالاتنين هى والالنترا
وبالعكس انا فرحان جدا لان السيراتو تستاهل والله وعايزين تقرير ياجميل على العربيه ومواصفاتها وجبتها بكام بس لما تفرح بيها شويه وربنا يكفيك شر العين

[Dr. Bolbolan]

المشاركة الأصلية كتبت بواسطة مورو يا دكتور عبد السلام (يا حكيم المنتدى) ...... السلام عليكم لعلك تذكرنى – انا كنت سألتك يا دكتور من مده عن ايهما افضل –الكيا سيراتو ولا الالنترا – فحضرتك جاوبتنى وقلتلى خليك فى الالنترا علشان ابقى برئ من ذنبك – وبدأت يا دكتور تكتب لنا تجربتك مع السيراتو حتى صيانه الـ1000 كيلو – وحصل لغط كتير فى الموضوع – فقلتلك والله يا دكتور انت حيرتنى اكتر – وحضرتك رديت على كلامى وفى معرض ردك قلت جمله انا مش ناسيها وهى : "8- السياره تساوى كل قرش مدفوع فيها ! ولاأعتبرها غاليه وبصراحه سقتها أسبوع ! عجبتنى ! وسافرت قلقتتانى من كلامالمنتديات ! بس لما رجعت واستعملتها فى الزحمه الشديده و فى الطوالى ! غيرت رأيىنهائيآ الى الاعجاب ! " كلامك دا يا دكتور لصق فى دماغى وقررت ساعتها انها تكون سيراتو – وبالفعل شفت العربيه بدأت تنتشر كتير هنا فى المنيا – وعليه رحت حاجز من معرض عندنا – لأ وايه ( تربست معايا ) وجبتها خليجى سعودى لان انا لا فى دماغى اروح اعمل صيانه ولا يحزنون – لان ببساطه انا كنت جايب عربيه زيرو اكسل 1997 – وكنت بأخبط مشوار من المنيا للقاهره علشان اعمل الصيانه عند غبور – وكل اللى بيعملوه تغيير زيت وفلتر الزيت على فلتر بنزين – وفى مره كان المفروض يظبطوا التاكيهات وانا قاعد فى الصاله عينى على العربيه وشفتهم مظبطوش التاكيهات (يظهر انهم قالوا عربيه نمر المنيا واش فهموا فى التاكيهات ) – لكن بصراحه شغلتلهم الفهامه الصعيديه وعملتلهم مشكله – وقعدوا يعتذروا لانى كنت هاطلع لرؤف غبور واشتكيهم – فمن ساعتها وانا بطلت اروح اعمل الصيانه فى التوكيل – وبقيت اغير الزيت والفلتر هنا فى المنيا . العربيه ما شاء الله يا اخونا زى الفل واللى متردد – زى ما كنت متردد بين السيراتو والالنترا – لأ ميترددش وعليه بالسيراتو (متزعلش يا loll) . متهيألى كفايه كده – احسن يا دكتور واحد يطلعلى ويقولى – رغى رغى رغى ... مش كنت تروح تنام احسن............ السلام عليكم

أولا ألف مبروك ! ثانيآ أنا سعيد و مندهش فى نفس الوقت ان فيه شخص أخذ بكلامى و صدقه و نفذه بأكثر

من 100000 جنيه ! والله حاجه حلوه ! أنا فاكر موضوع اللغط ده و موضوع الرغى رغى وروح نام أحسن !

بس مش فاكر مين اللى كان عمال يستفزنى و حاطط السكينه على رقبتى و بيقول لى ما تخلص يا أخينا ؟ أشترى

سيراتو ولا النترا ؟؟ اذا كان انت فربنا يسامحك لآنك أزمتنى نفسيآ كثيرآ ! انما دلوقت مش زعلان علشان عرفت

السبب ! شمس المنيا جامده شويه ! عمومآ الكلمه أو النصيحه أمانه ! وأنا فى الآول كنت معجب وخايف يكون فيها

عيوب قاتله ! فكنت اللى بأشوفه متردد قوى أو مالوش فى العربيات قوى بأقول له خليك فى المضمون اللى ما سمعناش

عنها حاجه ! علشان ما حدش يدعى على شخصى الضعيف ! ولما مشيت بيها و جربتها فى بعض المواقف ! عجبتنى

و نصحت بيها ! والحمدلله أهه انت عملت زيى و قلت رأيك بعد التجربه ! كفايه رغى بأه وأرجع أنام تانى !

Dr. Bolbolan ptmnlo123per154

الف مبروك يا بشمهندس اولا لانك بلدياتي وثانيا انا روحت مره مغاغا بالعربية ومن ساعتها ندمت ندم الدنيا كلها وقلت القطر ارحم 100 مره كان كل مطب لازم انزل كل اللي معايا في العربية وكنت ساعات انزل انا كمان وزق العربية علشان تعدي المطب هناك هههههههههههههههه انا قولت اللي بيعمل المطب ده شكله بيعمله للبهايم بس مش مطب لبني ادمين ابدا والعربية كانت بتعيط عند كل مطب فقولت علي ايه انا اخد القطر احسن واخد عربية دبابة او هامر توصلني لحد البيت بدل المرمطه ديه بس ايه راي حضرتك في الريداتير البلاستيك بتاع السيراتو ههههههههههههههههههههههههه هههههههههههههه ديه كانت الفتيه بتاعت ابريل

[مورو]

يا دكتور مش انا اللى كنت حاطط السكينه على رقبتك لان كان فى اخ تانى استفزك فعلا واتكلم معاك بطريقه مش لطيفه - وان كانت شمس المنيا جامده شويه لكن لا يمكن نتكلم بطريقه غير لائقه مع الناس (وخاصه مع الحكيم)- وشكرا على مباركتك .
lol شكرا على مشاعرك واليك المواصفات :

فرامل ABS - تكييف ديجيتال (تتش ) - فتحه سقف - 1 Airbag - طاره جلد مالتى (ultifunction) - راديو سى دى mp3 - مدخل I Pod + مدخل يو اس بى + تعليه وتوطيه النور الخارجى من الداخل (تقربه او تبعده) - فرش مخمل -جنط 16 -ريموت كونترول وفتح الشنطه من الريموت - دا طبعا بالاضافه للأساسيات البور طبعا والزجاج الكهرباء والسنتر - والموديل دا بالنسبه للمواصفات السعوديه اسمه EX 3 وبالفعل مكتوب على القايم الشمال طبقا للمواصافات الخليجيه السعوديه (والسعر 110000جنيه)
مش عارف اذا كان انضحك على ولا لأ .

اما بالنسبه لتجربتى فهى مش كبيره زى ما انت عارف - غير انا ولله الحمد مستمتع بها جدا - بس فيه حاجه واحده مضيقانى وهى ان العربيه عاليه شويه من الخلف فدا بيعاكسنى شويه فى الركن باحس ان الحاجات اللى ورايا كأنها اقزام مع ان طولى 170سم(فمش العيب فى ولا فى علوها)- على الله حد يطلع بكره ويقول السيراتو عاليه من ورا علشان كده بتعمل حوادث- زى ما قرات فى موضوع "اخر فتيه فى السيراتو "الخاصه بالريدياتير البلاستيك - وعجبنى الرد الغير متوقع من الدكتور عبد السلام وخاصه الجزء الثانى الخاص بالبرطعه والتقميص (بس متهيألى يا دكتور الكلمات دى اتلغت دلوقت وموجوده عندنا بس فى القرى ومتهيألى الشباب الجديد ميعرفش المفردات العتيقه دى).
نسيت اقول حاجه ان اخويا عنده كورولا - بس لما شاف السيراتو قال ربنا يسهل ونغير السنه الجايه للسيراتو.........ان شاء الله ... وكفايه كده احسن الشمس جامده شويه ومخى على وشك و يبقى مهلبيه

ودمتم فى أحسن حال

[مورو]

الله يبارك فيك يا corsair وانا سعيد انك بلدياتى - والمطبات دى اتعملت بعد حادث اوتوبيس مغاغه الشهير ومات فى عدد كبير - وتبقى تسافر فعلا عن طريق القطار او عن طريق الصحراوى اغربى لانه اتجاهين وافضل من الطريق الزراعى اللى عند كل قريه عملوا مطب .

وفى حاجه تانيه عاوز اقولك عليها ...وهى ان انا انبسط جدا لما غيرت الصوره السابقه
اللى كانت جنب اسمك .