اخر فتية عن السيراتو

يا جماعه انا خلاص حاسس ان السيراتو ديه بقيت ولا اكنها توكتوك من كتر الكلام اللي بيتقال عليها بلاستيك ايه بس اللي الريداتير مصنوع منه ده لو زي ما انتا بتقول كدا كان زمان العربية ولعت بكل اصحابها صبح صبح يا عم الحج

[بدر بسيونى]

والله عيب الكلام ده ياجماعة السيراتو عربية محترمة جدا وكفاية بقى الموضوع بقى ممل فعلا السيراتو من انتاج كيا مش رمسيس ولا عبده بلية ايه نسينا كيا وموديلاتها طب والكارينز والريو البيكانتو من كرتون ليه بالمرة ويعنى كيا بتسترخص فى السيراتو بس ؟وطب ولو بتسترخص فليه ؟ واشمعنى الموديل ده؟

عيب عيب ولا اعنى كاتب الموضوع تماما بس مؤخرا القاعدة على السيراتو بس

[tareksakr]

يا جماعة صلوا علي النبي مافيش حاجة اسمها رادياتير بلاستيك بس بيبقوا الجنبين بتوع الرادياتير فيبر قاسي جدا ودي انا شفتها في اكتر من عربية زي الأوبترا وباقي الرادياتي يا بيبقي حديد أ, الومنيوم زي الصورة دي أما رادياتير السيراتو ما فيهوش اي نوع من أنواع الفيبر أو البلاستيك زي الصورة في الرابط ده http://www.synergy2u.com/Bars.asp?ID=2252

[aalim]

و على فكرة كمان التابلوه معمول من قش الرز و الكراسى خشب شجر ملزوق بكوله بلدى و الفرش دمور و الكبوت ابلكاش 3 مم و العفشه MDF الموتور 2 سليندر زيت على بنزين.
و المفاجأه .............العربيه اصلا بتلات عجلات و جدون بس معدلينها فى الحرفيين و الافراج الجمركى بتاعها مكتوب فيه ترسيكل لحمه و انا شفت ده بعنيه اللى هايكلهم الدود فى عربيه واحد صاحبى ماعرفوش.

بس فى الحلم طبعا
هى جت عليا............ما انا كمان ليا نفس افتى
ماهو الكلام ببلاش
و لا ايه
انا رأيى نعمل قسم فى المنتدى نسميه الفتى و الاشاعات الغرضه عن السيراتو و كل واحد يهرتل فيه براحته
اه يا بلد

[Brave Heart]

ازاى يعنى بلاستيك دا كانت خربت