إقتراح لمالكي السيراتو من أعضاء المنتدي

[atgps]

المشاركة الأصلية كتبت بواسطة Dr. Bolbolan مجرد وجهة نظر ! لو لاحظتوا كل اللى عمل حوادث كبيره بالسيراتو يعنى السياره اتعدمت ! و لم تعد تصلح ! ثانيا كلهم مأمنين على السياره ! و لو علمتم ان التأمين لا يصرف تعويض فى حالة أن الخطآ خطآ السائق ! يبقى لازم السياره بنت التيت دى تطلع هيه اللى غلطانه ! علشان ينصرف التعويض ! سؤال من عندى فى المشاركه دى و بعيدآ عن مشاركات أخرى توقفت عن المشاركه فيها ! الشاطر فيكم يجاوبنى علشان برج من مخى ح يطير ! لما تعمل حادثه وانت على بعد 70 كم من القاهره ! يعنى 40 كم من 6 أكتوبر ! ايه اللى يخليك أو يخللى الاسعاف يرجعك لورا 120 كم علشان تدخل مستشفى فى مدينة السادات ؟ وايه اللى يخليك تعمل محضر فى وادى النطرون على بعد 150 كم ......للخلف ؟؟ الا اذا كانت الدنيا بترجع لورا !! اللى ح يجاوب صح ح ياخد جايزه أقول لكم عليها بعدين ! ياريت الردود تكون ظريفه و بدون تطاول على أى شخص ! وطبعآ فاهمينى !!! Dr. Bolbolan ptmnlo123per122

أرسلت لك رسالة على الخاص يادكتور

[مورو]

انا معاك يا استاذ خالد ان دى حمله منظمه وشرسه على السيراتو ولا تستبعد اى شئ من اصحاب الشركات والتوكيلات فالعالم دى كل شئ عندها حلال - وانا ملاحظ ان الحادثتين اللى اتعرضوا فى المتندى كان للسائق دور كبير فيها -الأول نزل فى حفره والتانى كان بيطلع من الكورولا اللى قدامه - ومتستبعدش بكره واحد يتبلى عليك انت ويقول ان عربيتك مخبطهاش موتوسيكل وانها هى اللى عملت فى نفسها كده.

[bmkbmk]

فكرة كويسة يا جماعة و ربنا يوفقكم ان شاء الله و يبارك لكم فى عربياتكم....
و الحلو فى الفكرة طبعا هو التجمع و معرفة الخير بين اعضاء المنتدى الكرام

هو فعلا انا بقيت بسمع اسم السيراتو كتير قوى ناس بتشكر فيها جدا و ناس بتشتم فيها جدا و ناس كتير واخدة الموضوع على صدرها بطريقة فظيعة... خلونى بجد تهت و استغربت فى نفس الوقت....
و فيه ناس بتقول عربية كويسة بالنسبة لسعرها و ده رأى وسطى و انا معاه
و انا هقول لكم رأيى بصراحة .....
انا نفسى ماكنتش اعرف السيراتو دى غير لما نزل منها الشكل الجديد و على حد علمى ان فيه منها شكل قديم لم يلقى نفس الضجة ولا النجاح ولا الهجوم أيضا ....
طيب ايه المميز فى الشكل الجديد من السيراتو و ايه الفرق بينه و بين الشكل الجديد من الالنترا مثلا ؟؟؟؟؟
الناس كلها قالت ان المميز هو الشكل نفسه و الاوبشنز الكتير اللى فيها .....

خلاص يا جماعة ... تبقى العربية زى اى عربية تانية فى فئتها مع إضافة إن شكلها جديد و امكانياتها كويسة بالنسبة لسعرها
يعنى لا هى سوبر كار و لا هى عربية كارو مقصاتها بلاستيك ..........

و بعدين كل العربيات اللى فى الدنيا بتعمل حوادث من الزستافا للرولز رويس بس برده فى نفس الوقت لو السيراتو بالذات فيها عيب مع الجنط السبور الكبير وفعلا غير مناسب للعربية... فيجب التنويه عن النقطة دى بكل امانة
و اكيد العيب مش هيظهر مع كل الناس .. لأنه ببساطه مش كل الناس بتسوق بنفس الطريقة ولا فى نفس الطرق و الظروف ولا كل الناس بتدخل على النت بعد الحادثة و تقول اللى حصل و اكيد ماعندناش حصر بالحوادث اللى حصلت كلها ....

زى العيب اللى طالع جديد فى تويوتا و لكزس بتاع تزويد السرعة المفاجئ ... لو موجود فعلا فيجب على الشركة بكل امانة تصليحه و الاعتذار عنه و تعويض المتضررين.....

بس.. فالعملية ماتستاهلش كل الضجة دى ... السيراتو حلوة... السيراتو وحشة... السيراتو بتنفجر... السيراتو بتتشقلب

و فى الاخر ربنا يبارك لكم جميعا فى عربياتكم و ربنا يعوضخير على اصحاب الحوادث و ربنا ينتقم من ذوى الدعاية المكذوبة سواء بالسلب او الايجاب

و شكرا

فكرة ممتازة
نفسى اجى معاكم بس للاسف لسه فى التليين وعامل 450 ك بس
اتمنى ليكم التوفيق