#6
|
||||
|
||||
رد: يا ترى اية هيكون موقفك مع ابنك .... ؟؟
انا عن نفسى شفت موقف زمان وانا كنت طالب وكنت بشتغل فى شركة كمبيوتر علشان اكمل تعليمى لان الظروف مكانتش ولابد المهم كنت قاعد مع واحد صحبى فى الحلمية وبعد كدة كان ولد راكب عربية فيرارى واتخبطت منة قام نزل منها وطلع الموبايل ( ايام ما كان الموبايل نسمع عنة منشفوش ) وقام متصل بحد ؟
مفيش عشر دقايق وقفت قدامة عربية زلمكة ملهاش حل ونزل واحد منها شكله علية الهيبة قوى وتخيلوا كان بيزعق لابنة يقولة اية انت ولد مستهتر انت متنفعش تركب عربية زى دى انت اخرك 128 زى ولاد الشحاتين ساعتها انا سألت نفسى سؤال طب انا ممعيش عربية اساساً يبقى انا ابقى من ولاد اية ( مع الاعتذار لكل ملاك ال128 ) وعجبى
__________________
لا تعش فى يومك ان كان يومك متعباً لك بل عش فى غدك تجد يد الله تمتد اليك
|
#7
|
رد: يا ترى اية هيكون موقفك مع ابنك .... ؟؟
هههههههههههههههههههههههه
والله موقف جامد يا كاشفى وانتى ياعمى احسن منة مليون مرة بدون نقاش بس مقولتليش بردة هتعمل اية مع ابنك لو اتعرضت فى موقف زى دة هتقولة كدة بردة ولا اية ؟؟؟؟؟؟؟ |
#8
|
||||
|
||||
رد: يا ترى اية هيكون موقفك مع ابنك .... ؟؟
انا هعمل معاهم زي ما عمل معايا ابويا
اول حاجه كان بيعلمني علامات واشارات المرور وبعد كده علمني الميكانيكا وقعد علي كده سنتين انا عاوز ادور العربية واطلع وهو يخليني اصلح كل حاجه بإيدي بعد كده علمني السواقة واداني نسخه ومكانش معايا رخصة وقالي سوق ومتطلعش في الشارع العمومي ولما طلعت رخصة خلاني انطلق بس خلاني بقيت مدمن عربيات مش سواقه وبس لا بقي كيف عندي اعمل كل حاجه بإيدي عشان كده نفس الكلام هعمله مع عيالي لأني كمان اكتشفت ان جدي عمل معاه كده بالظبط يظهر انها وراثة
__________________
إن الملوك بلاء حيثمـا حلـوا فلا يكن لك في أبوابهـم ظـل ماذا تؤمل من قوم ٍ إذا غضبوا جاروا عليك وإن أرضيتهم ملوا فاستغن بالله عن أبوابهم كرمـاً إن الوقوف علـى أبوابهـم ذل مصرى وأفتخر وبحبك يا مصر
|
#9
|
رد: يا ترى اية هيكون موقفك مع ابنك .... ؟؟
اة فعلا يا منسوب والله باينها وراثة بس دى حاجة جميلة فعلا
انا بقى والدى عمل معايا نفس الى والدك عملة معاك لكن بعد ما عمل الى علية حبسنى بقى لانى للاسف الوحيد فى العيلة كلها فمش قادر اوصفلك كانو خانقين عليا قد اية دة لدرجة انى مكنت افكر بس اخرج برة البلد كان يوصلة خبر والاقية يكلمنى يقولى ارجع جرش تانى انا ايامها شكيت انة شغال فى المخابرات بس بعد كدة عرفت السبب والدى وكيل وزارة شركة مياة الشرب والصرف الصحى بالدقهلية وكان فى مرفق مياة فى مدخل البلد وبيبقى علية حراس .. اتارية بقى كان موصيهم اول ما تلاقو العربية ودامكم ادونى ميسد هههههههههه دة انا شوفت ايام |
#10
|
||||
|
||||
رد: يا ترى اية هيكون موقفك مع ابنك .... ؟؟
الفكرة ان الموضوع لما يبقي بعلمي احسن ما يكون من ورايا و احنا بعيد عنك في زمن عجيب و اكيد لو عاز يقرطسني مش هيغلب شخصيا انا كان عندي فكرة مبداية بالسواقة خصوصا الاتوماتيك لانه سهل طبعا و لما كبرت شوية والدي بقي يخليني اسوق علي خفيف كده في شوارع جانبة بس و بعد كده بقت صلاة الجمعة هي الحصة بتاعتي بروح و ارجع من الجامع سايق و والدي جنبي بس طبعا فكرة اني اخد العربية ده كانت مستبعدة تماما خصوصا اننا عايشين في الكويت و الكلام ده مفهوش هزار هنا و اول ما تميت 18 سنة كنت بعرف اسوق خلاص لكن والدي صمم اني ادخل مدرسة تعليم برضة و بالفعل المدرس اداني 3 حصص من 5 و قالي كفايه عليك كده انت كويس و مشيت في اجراءات الرخصة علي طول سواء الكويتية او المصرية و الحمد لله اخدتهم و بقيت اسوق رسمي
__________________
Sharief Mansy
Farewell my Cayenne, you were the best car i ever had and driven |
|
|