تعديل البولونيز

[joso3]

شكرا جزيلا استاذ / حسام على كرمك واستفاضتك في الشرح انا في الحقيقه كنت اقصد براحة وتبريد الموتور ان لو في اضافات تتعمل للموتور يعني سمعت ان الفالتر الرياضيه بتعمل اضافه لقوة الموتور مثلا يعني

ثانيا انا عايز اعمل تعديل في شكل العربيه بلاشك علشان تبقى سياره عصريه لاني بعد مقارنات مع السيارات الحديثه وجدت اني امتلك سياره اقل ما يقال عنها انها وحش على الطريق ربنا يحفظها ماشاء الله لكن ينقصها الكثير من لمسات التجميل وان كان الموديل اللي معي 91 افضل حالا من الموديلات السايقه

ارجو من حضرتك ان تتم فضلك وتضع لي اسماء وعنا وين محلات او اماكن يمكن ان اذهب اليها لعمل مقايسه بالتعديلات الخارجيه واضافة بعض الرفاهيه الى السياره وياريت لو حد بيستخدم برامج كمبيوتر للتعديل عليه حتى ارى شكل التعديلات قبل بدء التنفيذ وانا مش هعمل تعديلات تستلزم قص صاج او تغيير شكل بل اضافة لمسات من الجمال كلما امكن يعني مثلا

1- تغيير لون السياره
2- اضافة مرايات جانبيه انسيابيه
3- اذا ممكن عمل باور للدركسيون
4- تنجيد وفرش السياره
5- عمل سنتر لوك
6- عمل زجاج كهرباء
7-تجنيط السياره او تركيب طاسات .
ومن عنده اي اقتراحات اتمنى الا يبخل علي بها وشكرا لكل الاخوه

[joso3]

لو ممكن يا استاذ حسام ان تضيف صور للاجزاء التي تقترحها لاني ليس لي علم بمعظمها يعني الجنوط الغطس مثلا والباقي شرحه

اسف لجهلي بس انا عارف انكم مش هتبخلوا عليا بعلمكم بارك اللله فيكم
وحفظ الله القدس والاسلام من كل سوء اللهم استعملنا ولا تستبدلنا

[luckyman]

المشاركة الأصلية كتبت بواسطة hossamhussein0 واضح ان سعادتك تقصد الصيانة و ليس التعديل ،،، لأن كلمة تعديل يعني فوانيس و جنوط و اسبويلرات و حاجات معظمها تدور حول الشكل الخارجي ،، و النقاط اللي حضرتك قولتها ( عفشة و سخونة ) تندرج تحت بنود الصيانة ،،، فاذا كنت تقصد الصيانة لاسترجاع حالة العربية لوضعها الاصلي بقدر الامكان فانصحك بالتالي: العفشة بص علي البيض و الجلب و المساعدين و بارات الدركسيون ،،، و انا اعتقد ان البلونيز فيها مشاحم فياريت لو تشحمها التبريد و نعمومية الموتور ريداتير الماني 3 ماسورة يستحسن ان تضبط مقاساته علي وش العربية كله + ضبط تاكيهات (هيساعد كثير جدا في السخونة بل و سيقضي عليها و هيخلي صوت الموتور ناعم شويه و مرتاح + طقم كاتينة بلية شداد و "جنزير" لو كانت العربية كاتينة حديد ) العدادات لست اعرف بماذا انصحك ؟ مش عارف ايه من العربيات الثانية ممكن مقاس التابلوه بتاعها يبقي مناسب للبلونيز ؟؟ ممكن التمبرا مثلا ،، بس في الغالب هتبقي دربكة كبيرة في الضفيرة و التثبيت و هتضطر تغير كمان القطمة و مش عارف بعد كده هتكون حلوة و لا لأ ؟؟ ، مش عارف ،،، بس انا اعتقد انه ممكن مع غسلة حلوة للعدادات و استكمال اللمبات كلها واضائة لمبات الكنسول كلها و ممكن كمان تغييرالمبات باخري ذات اضائة بالوان متعددة مع شوية فسفوري كدع علي الامبيرات (مؤشر السرعة و البنزين و الحرارة و الار بي ام ) ممكن الشكل يتغير نوعا ما و تحس بفرق كمان ممكن طارة دركسيون اسبور و مقبض للفتيس و غطاء دواسات اسبور يساعد في تغير شكل الصالون أما ان كنت تقصد التعديلات الرياضية للمظهر فالجنوط الغطس فيها اشكال حلوة كثير في السوق و اسبويلر رقيق اعلي الشنطه الخلفية و ذيل شكمان و شماسة فاميه للزجاج الامامي و فوانيس رنجات من الامام و التعديلات اللي قولتها لك في الصالون و العدادات اعتقد هيبقي شكلها لطيف و عصري و مش هتكلفك كثير و هتحس انها اصبحت عربية جديدة ،،،

صاحب البولونيز اللى عايز يعمله مش صيانة هو عايز يطور فة منظومات السيارة كاجهزة التعليق ومنظومة التبريد الخ وهو بالطبع هو يقوم بتعديل الجوهر وليس المظهر ربما ناس كثيرون يقمون بتغير اشكال وفوانيس وخطوط سياراتهم لكن فى اغلب الاحيان هو تعديل بدون جوهر بدون تغير او تحسين فى اداء السيارة ليس بالشرط السرعة والتسارع ربما التماسك الثبات او تبريد المحرك وبالتالى سلاسة افضل الخ انما التغيرات الظاهرية اكثرها ديكور له تاثير نفسى فقط ولك منى فائق الشكر والاحترام وتحياتى ودمت بود

[joso3]

في حد عنده برنامج ممكن احط صورة السياره واعمل عليها تعديلات شكليه يعني احط جنوط واغير اللون واشوف الدنيا ماشيه ازاي

[@واحد من الناس@]

http://www.masrmotors.com/vb/showthread.php?t=22290

الموضوع ده إن شاء الله هيفيدك