استغاثة ماسة لأني بقيت في حوسة من التيل و اسنينة و ادي اللي واخدينه

[AbOnOrA]

فعلا حاله الطنابير مهمة بصيت عليها ولا لاء

[amr elsisi 1]

السلام عليكم ورحمة الله
اخي يا اما تغبرالعفشجي يا اما تغلية يكشف علي بطاحات المساعدين وقواعدهم
او يتأكد من شمعات المقص والجلب وان شاء الله الموضوع بسيط
ويا ريت تروح تظبط زواية وبعدين تحكم علي ما هوا جديد لان وصفك للحفرة
شديد واكيد حيخلف في الزواية

[Felefel Ahmed]

ده رد كنت كاتبه لنفس مشكلتك فى رابطه الفيرنا (اعتقد هيفيدك) بالأضافه طبعا للردود ألي جاتلك من الأخوه الأعضاء

أنت عندك حوار طويل بس سهل بأذن الله - ونمسك الموضوع بالترتيب
مشكله رجه مع الفرامل تشيك علي التيل والطنبور والصره
مشكله مطب جامد يلوح يبقى كل ألي جاي ده
أنا حتكلم عن مشكلتك وأشرح حبت حاجات فى السكه

1- الجنط
الجنط مينفعش تعدله عند بتاع كاوتش لازم عند واحد بتاع تصليح جنوط علشان يظبط ميزان ميه علي القطر كله (أي عوجه بسيطه تبرجل العربيه)
بتوع تصليح كاوتش
- الأسكندريه ( ميدان كابو فى الحضره أسمه الحاج محمود) لو جنط عادي 30 جنيه لو نيكل 90 جنيه
- القاهره (شارع الملك الصالح من الكرنيش أسمه مينا) جنط عادي 20 جنيه
بدل الفرده المخبوطه وحطها ورا وشوف (لو لسا الصوت يبقى حوار من ألي تحت) بس فى كل الحالات لازم تظبط الجنط ولو سليم حيقولك ده سليم (مش حتخصر المشوار أهو تطمن)

2- رمان البيل
وده بالبلدى عباره عن مجموعه بلي فى علبه وبيلفو
لو باظ حتسمع صون ونه مع السرعه وممكن يروح مع السرعه العاليه لو الرمان مش بايظ تماما
رمان البيل الأمامى بيعمل 120 جنيه (فرده واحده مش طقم) الطقم صعب تلاقيه وده ب 200 جنيه

3- الطنبور
وده القرص ألي ورا العجله وبيطلع منه مساميربيركب فيهم الجنط وده ألي تيل الفرامل بيمسك فيه مع دوسه الفرامل فلو الطنبور عامل ريجه (يعنى معوج) لو بسيط يبقى مسحه عند الخراط , ولو جامد لازم تغيره

4- الصره
لازم تشيك عليها (انا مش عارف سعرها ) بس لو معوجه لازم تغيرها فورا علشان ديه تؤثر على الطنبير وبالتالى تاكل كاوتش وتيل
وبرضه بتأثر علي رجه مع الفرامل بس عايز ميكانيكي شاطر
5- المساعد
لازم تشيك عليها (والمساعد مكون من 3 أجزاء)
أ) البطاحه , وديه ألي محمله المساعد علي جسم العربيه , شغلتها أن حمل المساعد ميسمعش فى جسم العربيه
لو الخبطه هزت البطاحا أو مسمار ريح أي هزه فى المساعد تسمع فى كل جسم السياره يعنى صوصوه وهوهوا وكل الحيوانات
ب) الياي , السوسته بالبلدي ألي بين المساعد والبطاحه , وديه صعب تتعوج بس مع الزمن بتريح, بس شيك علي الجلب ألى بين البطاحه والياي (لو بيظه مش حتسمع صوصوه بس حتسمع تكه فى المطبات

ج) المساعد نفسه وده لو لاحظت ماسورتين بيدخلو فى بعض شبه المنفاخ لو المساعد بايظ تعرف أزاي (1- هز العربيه من فوقه بالظبط وبعدين من فوق المساعد التانى لو لقيته ناشف فى الرد لفوق يبقي يتغير )(2- تلاقي زيت على المساعد ) وفى كلا الحالتين لازم تغير المساعدين (2) فورا
طقم المساعد الأمامي 400 الي 500 جنيه وطبعا فيه ب 250 جنيه بس ده ممكن لو انت غاوي تغير مساعد كل شهر
أنا بستخدم نوع أسمه مندو وده ب 450 جنيه وزي الفل
طقم المساعد الخلفى مندو ب 380 جنيه

وطبعا لازم تظبط زوايا و ترصص

[عبد الله بن عبدالله]

المشاركة الأصلية كتبت بواسطة samirayad مفيش مشكله أما حضرتك تخضع السياره لكشف شامل على كل بلى العجل وصرر الفرد الأربعه فأمانك أنت وأولادك هو أهم من أى شىء تتخيله وخصوصا المعاناه لدى الصنايعيه

اكيد طبعا أخي الكريم انا اسف علي التأخر في الرد بس بسبب العمل و الله الواحد حتي مش لاقي وقت يودي العربية لحد و التوكيل بصراحة فيه واحد في الدراسة تقريباً و حتي و الله مش فاكر اسمه ايه كنت رايح و بعدين اصحابي قالولي هتروح هناك هيشيعوا العربية و هيدفعوك دم قلبك علي حجات ممكن ميكونش فيها حاجة و غير اني مش هبقي شايف اللي بيتعمل فيها ففيه واحد ابن حلال جنبي مغلواني شوية لكن بيشتغل شغل بما يرضي الله هخليه بإذن الله في اقرب فرصة لأنه كان قايلي اننا نكشف علي البلي و نخرط اللي محتاج منهم -- ولا رأيكم أغيره و يترا ممكن يكون سعره كام

المشاركة الأصلية كتبت بواسطة bunnybunny77 الطنابير عملة ايية؟

بالنسبة للطنابير الخلفية خليت المكنيكي يصنفرها و يبري ال قلق اللي كان فيها و هي الي حد ما تمام و بالنسبة لقدام مفيهاش مشكلة بدليل اني لما بصنفر التيل و اركبه تاني بتشتغل تمام و تختفي اي صوت و اي حكة و اي حاجة 0-- ولا رأيكم اصنفرها بالمرة

[عبد الله بن عبدالله]

جزاك الله خيرا اخي الغالي انت و جميع الأخوة الذين شاركوا معي و افادوني في ملاحظات عدة فجزاكم الله عنا كل الخير

المشاركة الأصلية كتبت بواسطة Felefel Ahmed ده رد كنت كاتبه لنفس مشكلتك فى رابطه الفيرنا (اعتقد هيفيدك) بالأضافه طبعا للردود ألي جاتلك من الأخوه الأعضاء أنت عندك حوار طويل بس سهل بأذن الله - ونمسك الموضوع بالترتيب مشكله رجه مع الفرامل تشيك علي التيل والطنبور والصره مشكله مطب جامد يلوح يبقى كل ألي جاي ده أنا حتكلم عن مشكلتك وأشرح حبت حاجات فى السكه انا هتابع مع كل نقطة بإذن الله 1- الجنط الجنط مينفعش تعدله عند بتاع كاوتش لازم عند واحد بتاع تصليح جنوط علشان يظبط ميزان ميه علي القطر كله (أي عوجه بسيطه تبرجل العربيه) بتوع تصليح كاوتش - الأسكندريه ( ميدان كابو فى الحضره أسمه الحاج محمود) لو جنط عادي 30 جنيه لو نيكل 90 جنيه - القاهره (شارع الملك الصالح من الكرنيش أسمه مينا) جنط عادي 20 جنيه بدل الفرده المخبوطه وحطها ورا وشوف (لو لسا الصوت يبقى حوار من ألي تحت) بس فى كل الحالات لازم تظبط الجنط ولو سليم حيقولك ده سليم (مش حتخصر المشوار أهو تطمن) لو اقولك اني عشان أقضي علي الموضوع دا من اساس غيرت الجنط عشان كان عندي الجنط سبور تقيل قوي كنت شاريها بيه بدلته مع جنط صلب 15 برده استيراد بس نضيف 2- رمان البيل وده بالبلدى عباره عن مجموعه بلي فى علبه وبيلفو لو باظ حتسمع صون ونه مع السرعه وممكن يروح مع السرعه العاليه لو الرمان مش بايظ تماما رمان البيل الأمامى بيعمل 120 جنيه (فرده واحده مش طقم) الطقم صعب تلاقيه وده ب 200 جنيه هو و الحمد لله علي اي سرعة رغم اني بيني و بينكم ومتقولش للحج مشيت علي 180 عشان اجرب العربية اكتر من مره و مفيش اي حاجة ولا صوت ولا ونة ولا رجة حتي لكن لما ادوس علي دواسة الفرامل بتبقي فيه رجه في الدواسة و فيه صوت ذي ضأرة كدة في العجل لكن حتي وهي كده مبتحدفش وبتبقي فيه رجه خفيفة جدا في الدركسيون و بتفرمل كويس 3- الطنبور وده القرص ألي ورا العجله وبيطلع منه مساميربيركب فيهم الجنط وده ألي تيل الفرامل بيمسك فيه مع دوسه الفرامل فلو الطنبور عامل ريجه (يعنى معوج) لو بسيط يبقى مسحه عند الخراط , ولو جامد لازم تغيره و الله هيه فكره فعلا انا ممكن احله و اخده للخراط يشيكلي عليه واطمن بنفسي فيه خراط معرفة كويس 4- الصره لازم تشيك عليها (انا مش عارف سعرها ) بس لو معوجه لازم تغيرها فورا علشان ديه تؤثر على الطنبير وبالتالى تاكل كاوتش وتيل وبرضه بتأثر علي رجه مع الفرامل بس عايز ميكانيكي شاطر لازم بإذن الله اشيك عليها عشان فعلا انا شاكك في الوصف اللي حضرتك بتقوله يبقي عندي 5- المساعد لازم تشيك عليها (والمساعد مكون من 3 أجزاء) أ) البطاحه , وديه ألي محمله المساعد علي جسم العربيه , شغلتها أن حمل المساعد ميسمعش فى جسم العربيه لو الخبطه هزت البطاحا أو مسمار ريح أي هزه فى المساعد تسمع فى كل جسم السياره يعنى صوصوه وهوهوا وكل الحيوانات يعني الحمد لله هي حديقية الحيوان مبتفتحش عندي الا لما ادوس علي الدواسة هو انا عارف اني مأفور شوية في وصف الصوت لكن بيستفذني انا ركبت عليات كوتش و هية تقريبا يا تحت يا فوق البطحة هل ممكن يكون لها تأثير ب) الياي , السوسته بالبلدي ألي بين المساعد والبطاحه , وديه صعب تتعوج بس مع الزمن بتريح, بس شيك علي الجلب ألى بين البطاحه والياي (لو بيظه مش حتسمع صوصوه بس حتسمع تكه فى المطبات لا الحمد لله العملية دي بعيدة خالص الحمد لله ج) المساعد نفسه وده لو لاحظت ماسورتين بيدخلو فى بعض شبه المنفاخ لو المساعد بايظ تعرف أزاي (1- هز العربيه من فوقه بالظبط وبعدين من فوق المساعد التانى لو لقيته ناشف فى الرد لفوق يبقي يتغير )(2- تلاقي زيت على المساعد ) وفى كلا الحالتين لازم تغير المساعدين (2) فورا طقم المساعد الأمامي 400 الي 500 جنيه وطبعا فيه ب 250 جنيه بس ده ممكن لو انت غاوي تغير مساعد كل شهر أنا بستخدم نوع أسمه مندو وده ب 450 جنيه وزي الفل طقم المساعد الخلفى مندو ب 380 جنيه برده الحمد لله العربية لونة لوانة ههه يعني الحمد لله المشكلة دي بعيد شوية يعني انا بالتالي خددت نقاط هامة اني اشيك علي كلا من الطنبورة و الصرة و البلي في كل العجل ان شاء الله و ادعولي تكون بسيطة ان شاء الله وطبعا لازم تظبط زوايا و ترصص