بيجو 406 فين عشاق الأسد الفرنسي

[mostafa_91289]

شكرا على ردودكم المفيدة جدا وواضح ان المعظم متفق معايا ان البيجو 406 عربية تستاهل التغيير بس عيبها الوحيد قطع غيارها عموما انا عجباني جدا جدا جدا وان شاء الله هشوف واحدة لو حد قدامه واحدة وسعرها كويس وحالتها حلوة ياريت يقولي

[hazem_khidr]

يا سيد مصطفي
انت راكب عربيه 2008
حتنزل منها و تركب عربيه موديل اقل؟؟؟
اعتقد ان الموضوع دا مش مناسب خالص
و حتلاقي مشاكلها كتير
انا من رأيي تركب عربيتك زي ماهي كده و كمان كام سنه تغير بواحده زيرو و خلاص
و بلاش فكره انك تنزل بالموديل حتي لو حتركب مرسيدس

[mostafa_91289]

المشاركة الأصلية كتبت بواسطة hazem_khidr يا سيد مصطفي انت راكب عربيه 2008 حتنزل منها و تركب عربيه موديل اقل؟؟؟ اعتقد ان الموضوع دا مش مناسب خالص و حتلاقي مشاكلها كتير انا من رأيي تركب عربيتك زي ماهي كده و كمان كام سنه تغير بواحده زيرو و خلاص و بلاش فكره انك تنزل بالموديل حتي لو حتركب مرسيدس

رغم ان كلامك مقنع جدا بس برده خد بالك دي بيجوووووووووووو وانا راكب هيونداي كاملة ههههههههههه (كاملة في الماتريكس تعني سنتر وزجاج كهربة ومرايات كهربة والجو العبيط ده) انما كاملة بالنسبة لبيجو 406 تعني كتيييييييييييييييير (-abs-air bags-cruise control) وطبعا تكيف اتوماتيك وراحة في القعدة وقوة في الهيكل والموتور وغيرو كتير تفتكر الموضوع كده يستاهل التغيير والنزول بالموديل ولا لأ

[mohamed ibiza]

حضرتك انا رأيي الشخصي انك تركب 405 شوف مش 406 حتي احسن ما تركب ماتريكس !!

كمان مفيش وجه للمقارنه بين الماتريكس و ال 406 !! ال 406 يعني ثبات يعني تصميم يعني ايروديناميك يعني اوبشنز يعني بيجو من اعرق و اقوي الشركات الفرنسيه !! كمان ايه يعني قطع غيارها غاليه الغالي تمنه فيه و النضيف دايما حاجته غاليه و ده شئ معروف !!

406 بدون جدال و انزل بالموديل لانك مش هتنزل لحاجة اضعف او وحشه انت تعتبر بتطلع لفئة تانيه تماما من العربيات فئة فخمة و ماركة عريقة مش هيونداي معلش يعني !!

[mohamed ibiza]

واضح ان حضرتك فاهم في العربيات و عارف الفرق بين الفرنساوي و الكوري !! و توكل علي الله و ان شاء الله ربنا يوفقك في عربية حالتها حلوه و ابعد عن الكوري و غنيله