أختاروا معايا نوع الكوتش من التالى

[svneleven]

المشاركة الأصلية كتبت بواسطة tham1010 أنا برضوا رأى كدة. أنا والدى حاطط كوتش بتاع شركة النصر على عربية فيات 124 كان جايبة من 10 سنوات 190 جنية للفردة وقعد معاه 10 سنوات لحد ما اتشق نصين وهو ماشى كان لاخر الوقت النقشة باينة لانه زى حلاتى بيمشى 10 كيلوا على اقصى تقدير كل يوم وعمره ما قاد السيارة بسرعة تتجواز 50 كيلوا ومش سافر فى العشر سنوات غير يمكن خمس مرات ولمسافات تتجاوز 70 كيلوا رايح جلى... الإستهلاك هو الحكم والحقيقة بالنسبة لى الأهم شعور الراحة فى القيادة مش عاوز اشعر بالمطبات أو نقر الطريق ويكون الإطار متماسك فى الأرض بدرجة جيدة يعنى A على الأقل إن لم يكن AA ويكون طرى ومش مهم إستهلاكه لانى بطبيعة الحال مش بمشى تقريبا.. والأهم انه يكون رخيص ولكن مش لدرجة أنه يكون صينى... انا حاليا بحاول ارسى على واحد دانلوب جنوب افريقى،، أو GT الأندونيسى أو ماكسيس التايلندى... 1- فى سؤال أطرحة على الكل الأن.. انا عارف أن فى إطارات بتكون تيوبلس يعنى مش بيكون فيها كوتش داخلى وبتتلحم بالخابور. وفى إطارات مش بتكون تيوبلس وبنشترى ليها كوتش داخلى بحوالى 25 جنية. أنا لما سألت على الكاوتش مجاش فى بالى اسال إذا كان الكاوتش تيوبلس أو لا والتاجر نفسه مش أشار لهذا فهل أفترض ان كل الأنواع المعروضة الان تيوبلس؟ 2- لو كان بعض الكاوتشات بتكون مش تيوبس فهل الافضل التيوبلس ام الذى يركب له إطار داخلى. 3- هل التيوبلس أغلى من العادى الذى يركب له إطار داخلى شاكر على الرد والإفادة

مؤكد كل الاطارات اللي فاتت تيوبلس. خلاص الكل مركب تيوبلس دلوقتي. السعر مش هيكون فارق كتير. التيوبلس أفضل طبعا أريح و مش بيسخن زي العادي و بيوفر في لبنزين و ان كان بشكل غير ملحوظ. مشكلة التيوبلس الوحيده انه لازم يركب علي جنوط نضيفة عشان ما ينامش منك كل شوية. لحام التيوبلس مش لازم يكون خابور. لو أنت مستعجل الحم خابور ل مش مستعجل فيه لحام مكواه عادي لكن معظم الصنايعيه مش بيحبوه لأنه تقريبا نفس السعر لكن بياخد وقت و مجهود منه أكتر من الخابور اللي بياخد دقيقة واحده.

[tham1010]

أمبارح لحت للتاجر علشان اعرف موديل و تاريخ الصنع لثلاث أنواع من الكاوتش علشان اختار منهم. الأنواع اللى هختار منهم هم
1- دانلوب جنوب افريقى
2- GT اندونيسى
3- ماكسيس تيلندى.

المهم خرج الماكسس بسرعة من المفاضلة لانه مكنش عندة الأربع فرد حاضرين وقال لى هنبقى نجيب بعد فترة وطبعا أنا مش هنتظر لانى عارف ان المرة الجاية لما يحيب الأسعار هتولع بسبب الدولار. فكان الأختيار بين التالى


1- دانلوب موديل SP 6060 تاريخ الصنع 6 /2011 الكوتشة اللى ورهانى تحس ان لون الكاوتش من أسود غطيس ولكن اسود فاتح متربة شوية زى ما يكون فى مخزن مفتوح. الفردة مش كانت ملفوفة كويس والورقة الخارجية مش عليها اى معلومات تقريبا غير المقاس وأسم الشركة ومعدل السرعة وهى V85 ناقصة وراق تانى عليها زى ما يكون كان بيفرجها لحد ورجع لفها تانى


2- GT موديل Champerio 55 تاريخ الصنع 12 / 2011 الفرق يعنى 6 شهور. الفردة تحس أنها ملفوفة كويسة والورق عليها تحس انه جديد ومكتوب عليه كل المعلومات ومكان الصنع الكاوتش لونة اسود كويس

الحاجة الملفته للنظر إنه على الرغم من أن المقاس واحد ولكن GT بالنظر تحس أنها اعرض من الدانلوب التاجر بيقول لى دة من قالب المصنع. هى الفردة الأندونيسى دى تحس أن العرض اللى بيمشى بيلامس الارض واحد ولكن فى نوع من الإنحناء بيعطى أحساس بأن الكاوتش أعرض من الدانلوب. بس بجد من المنظر تحس أن الفردة زى ما يكون عندها عضلات عن الدانلوب رغم أن المقاس واحد.

أنا فى شدة الحيرة. الواحد عقلة وقلبة من GT ولكن جيبة مع الدنلوب لان الفرق هيكون 50 جنية فى الفردة فالدانلوب 370 جنية وال GT سعرها 420 جنية. يعنى حوالى 200 وفر فى 4 فرد. زى ما قلت لكم أن نادرا ما بأمشى بالعربية وحتى لو مشيت مش بجرى وراكن فى الشارع المترب طول الوقت يعنى الكوتش جاى لبهدلة وماية كل يوم من المحال اللى بيغسل الارض كل يوم والماية تجرى تحت العربية. فى شدة الحيرة محتاج نصيحة تخلينى اعقد عزمى وأتكل على الله واختار.....

[M.TONSY]

GT طبعا أفض بكتير بس أتأكد انها اندونيسى مش حاجة تانية وبعدين النقشة بتاعتها افضل بكتيرمن الدنلوب

[svneleven]

حضرتك واضح ان المحل مش جامد أو مش شغال جامد يعني. أدخل علي ال لينك ده. ممدوح مبروك. اسأله علي كل حاجة والأسعار و هيرد عليك علي طول. فيه فروع في كل مكان و الفنيين متدربين في أماكن محترمة و ناس فاهمة شغلها. و بيركب و يرصص و ينفخ العجل ببلاش مع الطقم الكامل.
https://www.facebook.com/mabroukgroup

[tham1010]

المشاركة الأصلية كتبت بواسطة svneleven حضرتك واضح ان المحل مش جامد أو مش شغال جامد يعني. أدخل علي ال لينك ده. ممدوح مبروك. اسأله علي كل حاجة والأسعار و هيرد عليك علي طول. فيه فروع في كل مكان و الفنيين متدربين في أماكن محترمة و ناس فاهمة شغلها. و بيركب و يرصص و ينفخ العجل ببلاش مع الطقم الكامل. https://www.facebook.com/mabroukgroup

الحقيقة يمكن يكون عند حضرتك حق هذا لو قارنا هذا التاجر بتجار القاهرة الكبار. اما هنا فى المنوفية فهذا يعتبر اكبر تاجر يعنى عندة تشكيلة وانواع التجار الاخرين تلاقى عندهم أنا مركة واحدة أو مركتين على الاكثر وكل مركة يدوبك 4 كوتشات يبعهم ويجيب غيرهم... الناس هنا صغيرة ويمكن علشان كدة بيحولوا يكسبوا وإلا مش عاوز يرورح ولا يجى يشترى من اللى جنبة ويخلص