انا هستلم امجراند في الدفعة الاولي ومعايا اسعار قطع الغيار

[temo-ev]

السلام عليكم يا جماعة انا عضو جديد معاكم انشاء الله حتكلم عن امجراند غبور الجديدة كليا بمعنى انها عربية انشاء الله كويسة جدا انا بقالى حوالى 5شهور بدور على عربية كويسة فحدود من 75000 ال 80000 اول عربية عجبتنى كانت اسبرانزا m11وكنت خلاص حجيبها و سالت ناس كتير من اللى راكبنها قالو كويسة وسالت ناس اقارب ليا اشتروها قالو التوكيل مش كويس ورحت توكيل محطة الرمل معجبنيش النظام هناك والمعاملة سيئة وقطع غيارها غالية رجعت فى كلامى وبدات ادور تانى على سيارة كويسة بصراحة كانت عجبانى من الاول الافيو مع ان الاوبشن والامان فيها ضعيف جدا لكن قولت عربية كويسة ومنتشرة وفعلا حجزتها وقالولى حتستلم فى خلال اسبوع وانتظرت لمدة 20 يوم وكل ما اسال يقولولى مفيش عربيات فانتظرت لحد ماشفت الامجراند عجبتنى جدا فورا رحت لاغى حجز الافيو وحجزت الامجراند لانى واثق فى غبور وانه حيظبط العربية من قطع غيار وضمان وتوكيل وفى الداون تاون قالى حازم السواح ان العربية جاية بعد اسبوع انتظرتها وهى نازلة من على الكساحة وعجبتنى جدا وهى ماشية صوت المحرك جميل مش عالى وجربت التكييف رائع بصراحة عربية جميلة وحتنتشر فى السوق ولان فيه اوبشن جميل 2 ايرباك فرامل ebs وكاسيت mp3وUSB كراسى جلد جنوط 15 4زجاج كهرباء قفل مركزى للابواب شاشة لعرض السيارة من الخارج مجدع امامى وخلفى للاكواب فتح الشنطة من الداخل ومن الريموت فوانيس امامية هالوجين يتم تظبيطها بمفتاح داخلى لعلو الاضاءة وخفضها فوانيس شابورة 2لمبة للفانوس عجلة القيادة متحركة للاعلى واسفل كرسى السائق يتم ضبطه يدويا للظهر من خلال بكرة يمين السائق وقاعدة الكرسى تتحرك لاعلى واسفل ولان غبور توكيل محترم ومش حيضحى بسمعته حيعوض السوق بدل الفيرنا واللانوس اللى مفهمش اى اوبشن او امان ان شاء الله اول ما استلم حقولكم عنها بالتفصيل خلال اول اسبوعين فى ديسمبر

واليكم اسعاربعض قطع الغيار من فرع غبور داون تاون
فلتر زيت 30 جنيه
فلتر بنزين 80
فلتر هواء 75
سير تقسيمة 120
تيل امامى 260
تيل خلفى 250
مساعد 330
طلمبة مياه 370
طلمبة بنزين 1150
ريداتير 800
رفرف 500
اكصدام امامى 800
اكصدام خلفى 900
كبوت 900
شنطة 1300
ولم استطيع الحصول على اكثر من ذلك وطبعا الاسعار عند التجار حتكون ارخص من التوكيل

[cmatcho]

1000000000مبروك

[temo-ev]

الله يبارك فيك ادعيلى ربنا يكفينى شرها لانها عربية مبهرة للنظر

[YahiaAshraf]

الف الف مبروك و ربنا يباركلك فيها و يحفظهالك يارب

[سيف الدين سعيد]

بالتوفيق ان شاء الله