مصيبه..ادخل شوف الايمجراند اللى واخده اربعه نجوم حصل ليها ايه!!!!!

[Sky_Rider]

ههههههههههههههههههههههههه ههههههههههههههههههههههههه هههههههههههههه
الموضوع من اوله لاخره يموت من الضحك
ههههههههههههههههههههههههه ههههههههههه
وعلى العموم اختبارات الامان تحمي الكابينة لحد سرعة 70 كلم ... لان الاختبار على سرعة 64 كلم ....

فوق السرعات ديه كله واحد ....

وشكرا على المشاركات اللذيذة من كل الاعضاء الكرام .....

مش عارف ابطل ضحك ...
ههههههههههههههههههههههههه هههههههههههههه


شكرا يا احلى منتدى ..

[MmFFoR]

بصراحة - العربية طالعة ماسكة نفسها و المقصورة على بعضيها!!! ما شاء الله - لو دي اللي حتبقى في مصر يبقى عربية محترمة

على عكس الافيو مثلا او الاوبترا لو خدت نص الخبطة دي بتطلع عجينة فطير بلدي و مصارينها بتبقى في كل حته

خصوصا الافيو دي عربية جربانة

[osa92003]

المشاركة الأصلية كتبت بواسطة senior010 ياجماعة مع أحترامي الشديد للكل بس أنا شايف (من وجهة نظري المتواضعة جدا جدا) أن صاحب الموضوع حاول يطرح شيء ممكن يكون من باب تعريف الناس بيه كمشاركة فعالة منه , ولكن الردود كانت هجومية بشكل غير طبيعي وان كانت نصيب الهجوم الاكبر لشخصه وليس للفيديو المضاف مع ان الفيديو كان لسيارة ايمجراند مش لعضو من الاعضاء . أنا شخصيا بشكره جدا علي الطرح اللي قدمه وبطلب منه انه يواصل في تقديم كل اللي يتاح بالنسبة ليه عن أي سيارة جديدة تدخل الاسواق المصرية زي ما برجو من سيادتكم مواصلة التعليقات عشان في ناس تانية تحب تفهم بس ياريت يكون بالنقاش مش بالضرب أسف للاطالة وأرجو أن محدش يعارض منتج قدام الناس لمصلحة شخصية أو يدافع باستماتة عن شيء لسه مشوفناش عجلة واحدة منه ماشية في الشارع لنفس المصلحة وتقبلوا مروري واحترامي

متشكر لذوق حضرتك انا فعلا دايما هاواصل مشاركات بخصوص العربيه دى لتوضيح نوعيتها بها ولازم الناس تكون عارفه مالها وماعليها مش مجرد حواديت واحلام من البعض ,ويكفى ان الموضوع فيه 300 مشاهده فى ساعتين

[webyoung76]

الي صاحب الموضوع
الفيديو الاول شهادة جوده للايمجراند وليس ضدها فمن الواضح ان العربيه متانتها عاليه العربيه علي سرعة 130 عامله الحادثه وما شاء الله قوايمها متهزتش تبقي اكيد عربيه ممتازه ولو علي الفيديوها دور علي اليوتويوب هتلاقي حوادث لكامري وكورولا ومرسيدس وبي ام دبليو والعربيات ملهاش معالم يا ريت نكون موضوعيين لما نناقش موضوع انا حطيت الفيديو ده قبل كده وبدعو الناس تقرا التعليقات ال كتبها الاخوه السعوديين علي الفيديو لانها ممكن تستشف موقف العربيه هناك خلينا موضوعيين ونستني نشوف العربيه دي هتثبت نفسها ولا لا

[yabulaila]

http://www.youtube.com/watch?v=-x3UT...yer_detailpage