|
إطارات السيارة ساحة تتناول كل ما يتعلق بإطارات السيارات و الجنوط |
|
أدوات الموضوع |
#1
|
|||
|
|||
ياريت حد يساعدنى ضرورررررررى
السلام عليكم
انا معايا اوبترا 2009 لسه شاريها من اسبوع ماشية 48000 كم بس انا لما اشتريتها من صاحبها قالى انها عايزة ظبط زوايا وتربيط عافشة واغير التيل الفرامل الامامى فعلن انا لما سوقتها لقيتها فيها حادفه شمال كدة روحت صلحت الكاوتش فالراجل قالى انه ضايع وبلاش امشى عليه ياما وغيرلى مكانه وخلى احسن فردتين قدام وبردوا فضلت تحدف وكمان زاد عليها رعشه فى الدركسيون انا رصصت وروحت ظبط زوايا الراجل قالى العربية مافيهاش حاجة ومظبوطة وقالى غير مكان الكاوتش الى قدام وجرب بس انا لسه معملتش كدة ممكن حد يفدنى الغلط فين قبل ما اتسرع واروح اجيب كاوتش يعنى العيب لو فى العفشة او اى حاجة تانية واصلا معييش فلوس يكفى اغير الكاوتش وبعد كده الاقى الموضوع زى ما هو فياريت حد يفدنى انا قريت موضوعات كتيره فيها شبه من حالتى بس كل واحد حلها بطريقة شكل ارجوكم سعدونى |
#2
|
||||
|
||||
رد: ياريت حد يساعدنى ضرورررررررى
السلام عليكم
الأول بدل الفرد الأماميه مع بعضهم اليمين ركبها في الشمال والشمال في اليمين وشوف في حدفه ولا راحت ولا اتعكست لو اتعكست يبقي العيب في الكاوتش ولازم تجيب غيرهم والله اعلى واعلم والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: ياريت حد يساعدنى ضرورررررررى
انا هقولك على مجمل اعطال الرعشه كلها واكيد بسيطه ان شاء الله
اولا ممكن يكون فى مساعد خفيف شويه هوه بيعمل رعشه فى العربيه على السرعات الواطيه مثلا 80 وعلى شان تتاكد هتحس بيه فى نقراط الطريقه وتعرفه ازاى انك تبص على عمود المساعد تشوف فى زيت عليه او تهز الجنب وده ابعد احتمال . ثانيا بيض علبه الدركسيون لو خفيف جدا ومنصحكش انك تكبسه بالطريقه البلدى عشان غلط وده تحس بيه لو انتا مثلا على سرعه 120 وجيت تحدف بالدركسيون ودايس فرامل هتلاقى فى عضه فى الدركسيون بسطه وده برده احتمال بعيد . ثالثا ممكن يكون العربيه دى وقفت على طوبه او رصيف يعنى نص العجله على رصيف والنص التانى فى الهواء او الطوبه برده وعمل لوحه فى فرده الكاوتش ودى سهله تعرفها ازاى ترفع العجله الى شاكك فيها وتحط ايدك عليها وتلفها وهتحس بيها . رابعا ممكن تكون السياره وخده نقره قويه شويه وحصل عضه فى الجنط وده بيعمل رعشه على السرعات وحلو بسيط وسهل عند اى بتاع كاوتش يعملهالك وتشوفها ازاى تفك العجله الى شاكك فيها وتبص على حروف الجنط . خامسا المفروض قبل ما تظبط زوايا تروح تربط عفشه كويس وتظبط العجل هواء على شان توصل لادق ظبطه على الجهاز ظبط الزوايا وبتاع الزوايا يسالك بتحس الرعشه دى على كام وبتروح على سرعه كام . سادسا والاخير لو انتا عديت سرعه 130 او 140 بتحس بالرعشه دى ولا لا لان ممكن تكون فى رصاصه الراجل بتاع الترصيص سبها او مخدش باله منها وده 95 % بتحصل هيه الى مخليه السياره بترعش الصح فى الترصيص انه يشيل كل الرصاص القديم وبعدين يرصص علي جديد انا قلتلك مشاكل الرعشه بكل تفاصيلها على شان متصرفش فلوس على الفاضى كتير المهم ان حضرتك تبقى على ايد الصنيعى الى بيعمل الحاجه لان احنى فى بلد فى صنيعيه معندهاش ضمير كتير جدااااا والله المستعان وربنا يحفظهالك ويتقيق شرها
__________________
اشهد ان لا اله الا الله وحده لا شريك له واشهد ان محمد رسول الله عليه افضل الصلاه والسلام على الحبيب المصطفى لا اله الا انت سبحانك انى كنت من الظالمين |
|
|