هل فيات جراند بونتو أتوماتيك 2010 تستحق مبلغ 98000 ؟؟

[nour3alanour]

المشاركة الأصلية كتبت بواسطة MaXx اعتقد الفروق قليلة و حضرتك ال ايفو هتبقي اغلي لو نزلت بال ESP و ال 7 اير باج و كمان لو معاهم موتور من الاعلي في فئة ال 4 ابواب او يعمموا الموتور ال 120 حصان علي ال 4 ابواب و البابين الكوبيه يخلوه 135 حصان ,,, كده سعر العربية هيرتفع كتير ,,, و في الاول و الاخر الفرق هيبقي زي ما انت شوفت بس نفس العربية و السعر هيزيد ,,,

شكرا MaXx علي ردك

وفعلا انا برده فكرت في ان البونتو ايفو لو هتنزل هتبقي في فئة سعرية أعلي بكتير من الجراند بونتو وبالتالي مش هتبقي مناسبة للي محدد لنفسه ميزانية محددة علي أد الجراند

المشكلة بس اللي مقلقاني ان ناس كتير قالتلي ان الايطالي اصلا والجديد منه بالذات قطع غياره هدوخ علبال ما الاقيها وبالتالي كمان اشتري عربية خلاص موديلها مش هيبقي موجود؟؟ يعني دوخة اكبر واكتر علي قطع الغيار بتاعتها اللي هي اصلا مش متوفرة بسهولة وهي لسة بتنتج؟؟
يا تري الكلام ده مضبوط ولا ايه اساسه من الصحة؟
وشكرا مرة تانية

[فادى]

البونتو ايفو هتفرق جامد فى حاجة واحدة, هى المحركات الجديدة الMultiAir, و دى تقنية جديدة تماما فى عالم المحركات حققت حلما كان يراود الصانعين طويلا و هو التحكم الالكترونى الكامل فى الصبابات بدون الكامة,
105 hp 1.4 MultiAir 16v (Euro 5) with Start&Stop;
135 hp 1.4 MultiAir Turbo 16v (Euro 5) with Start&Stop.
و معها ارتفع محرك ال1400 16 صباب من 90 حصان الى 105 حصان.
و محرك ال120 حصان التى جيت الى 135 حصان,
الكلام ده مع ارتفاع العزم و تحسن منحنى العزم ليصبح شبه مثالى,
و لكن الميزة الأكبر فى محركات المالتى أير هى سرعة الاستجابة, محرك المالتى اير يستجيب لأوامر السائق أسرع مما يحققه أى محرك أخر, و هذه متعة لا تضاهى.

[MaXx]

استاذ نور ,,, البونتو ايفو هي نفس الجراند بونتو و الفروق مش كبيرة لا في الشكل الخارجي ولا الداخلي ,,, بس في موتور زيادة جديد اللي هو 135 حصان ده ,,, و شوية تعديلات في الشكل الخارجي طفيفة ,,, اعتقد ان قطع الغيار هي نفسها الموجودة في جراند بونتو ,,, و علشان ما تقلقش هي كمان متوفرة في اغلب قطع اللينيا ,,,

قطع غيار الفيات الجديد علي فكرة متوسط يعني مش غالي و مش رخيص طبعاً ,,, و التوكيل هتلاقي فيه قطع غيارك اللي انت عايزها ,,, و ممكن تلاقي برا علشان انا بدأت احس بالجراند و اللينيا بياخدوا خطوات كويسة في السوق و بدأوا في الانتشار

يعني زمان مكنتش اشوف منهم غير كل اسبوع مرة ,,, النهاردة ما يعديش اليوم الا لما اشوف واحدة جراند بونتو ...

العربية كويسة بصراحة ,,, و اللي يميزها بالنسبة ليا ان سعرها اقل من ال ايبيزا ,,, و انا نفسي في الايبيزا اكتر ,,, بس العملية لو قلت الفلوس شوية ,,, هجيب البونتو و برضو مش هبقي متضايق العربية كويسة اوي ...

[hussein575]

أنا كان نفسي أعرف بس هو في فرق في options

بين الاتوماتيك و المانيوال ؟؟؟؟ أي فرق حتي لو كان بسيط؟!!

في الجراند بونتو طبعا ...

[shooter123]

مالها اللانسر بنفس المبلغ ده