حمله الغضب على جميع وكلاء السيارات بمصر

[Mr.Mamo]

[silentman84]

قام هورس موتورز باستيراد 100 سياره جاك وهم فى المنطقه الحره منتظرين الافراج الجمركى .....ايضا قام وكيل رينو باستيراد حوالى 376 سياره لوجان بتاريخ 8 ابريل 2011......وهما فى ميناء الاسكندريه منتظرين الافراج .....وايضا يوجد دفعه جديده من سيارات كيا قادمه فى الطريق الى ميناء اسكندريه ......ارجوا نشر هذه المعلومات ......وخليها تصدى وموديلها يعدى

[silentman84]

لقد تم استيراد حوالى 300 سياره هيونداى انترا 2011 .....و1200 سياره ميتسوبيشى لانسر 2011 وهم الان تحت مرحله التخليص الجمركى......على فكره غبور بيضحك علينا الالنترا دى مش موديل 2011 ...لا...دى موديل 2009 ونزلت ليبيا والناس كانو ركبنها سنه 2009.....وغبور حيبعها على اساس انها 2011 خلى بالكم ....طبعا هو مستوردها من كوريا ....وطبعا هو بيخلى المصنع يعمله المواصفات اللى هو عايزها يعنى العربيه اللى بتنزل بره سواء فى ليبيا او اوروبا او الخليج مبتنزلش مصر فى نفس توقيت السنه.....لا....بتنزلنا بعدها بسنتين....خلى بالكم من النقطه دى....يعنى موديل 2012 لما تنزلنا الناس كانوا ركبنها سنه 2010...مقاطعه وماحدش يشترى وانشروا الجروب والصفحه على الفيس بوك وانشروا المقاطعه علشان كلوا يعرف

[silentman84]

اخوانى اعضاء مصر موتورز .......اعضاء الاسكندريه

بناء على ما شاهده المواطن المصرى من جشع التجار والزياده الجنونيه فى اسعار السيارات خلال فتره ما قبل الثوره ايام النظام الفاسد ..وايضا استمرار الجشع وزياده الاستغلال والاحتكار بعد الثوره...مما ادى الى تنظيم هذه الحمله الشرسه والمكثفه ضد الجمارك ووكلاء السيارات لانهم فعلا مشتركين فى هذا الفساد

(ليه تدفع ثمن السياره مرتين) وياسلام لو بتشترى السياره بالتقسيط يبقى بتدفع ثمنها 3 مرات
مثال
لما يبقى ثمن السياره من المصنع 40000 جنيه ويتدفع عليها جمارك وضرائب ونولون (شحن) 24400 جنيه ومكسب الوكيل 19600 يعنى جمارك ومكسب الوكيل 44000 جنيه ....يعنى عربيه ب 40000 جنيه بتتباع 84000 جنيه
طب لو حبيت تشتريها بالتقسيط يبقى حيبقى ثمنها كام؟؟؟؟؟؟؟؟
فعلا احنا بنتنهب من الجمارك والتجار ومازلنا بنتنهب
وابسط الادله روح شوف العربيات فى الخليج بكام ؟؟؟؟ مثلا السعوديه.... الكيا سيراتو اعلى فئه وهى
(الهاى لاين) بتتباع فى السعوديه 39900 ريال يعنى بالمصرى 63480 جنيه وهنا بتتباع ب 137900 جنيه (طبعا مع اختلاف المواصافات الخليجيه عن المصريه فى جوده الخامات وقوه الموتور والتكيف) يبقى ده اسمه ايه بقى؟؟؟؟؟؟؟؟؟؟؟؟

علشان كده تم تنظيم الحمله دى على الفيس بوك وعمل صفحه وجروب (الاثنين معا)

باسم حمله الغضب على الجمارك وجميع وكلاء السيارات بمصر

اهدف الحمله

1 – مقاطعه شراء اى سياره جديده سواء من وكيل او معرض........وذلك للمواطن الذى يخطط لشراء سياره جديده او المواطن الذى يملك سياره ويريد تغير سيارته بسياره جديده

2 – الغاء الجمارك وتنفيذ اتفاقيه الجات واتفاقيه اغادير مثل (دول الخليج) ...والاعفاء التام على السيارات فئه 1600 سى سى وفيما اقل من الجمارك

3 - تغير جميع الوكلاء لما مارسوه من جشع وطمع واستغلال واحتكار....وايضا سوء مراكز الخدمه وعدم وجود اشخاص مؤهله ذات خبره لتقديم مستوى جيد من الصيانه...ايضا الغش التجارى فى تركيب قطع غيار غير اصليه على اساس انها اصليه او قطع غيار مستعمله على اساس انها جديده وذلك للاجزاء الغير مرئيه مثل الموتور اوالعفشه....ايضا عدم توافر بعض قطع الغيار

4 - مراسله جميع شركات السيارات فى اليابان وكوريا والصين وايطاليا والمانيا ..واخبارهم بأن الشعب المصرى يريد تغير الوكيل ...والشركه التى لا تستجيب لطلبنا سوف يتم مقاطعتها نهائيا واخماد سوقها فى مصر

5 – اعدام السيارات القديمه والاستفاده من حديدها فى اعاده استخدامه فى التصنيع

6 – المحافظه على البيئه من التلوث الناتج عن عوادم السيارات القديمه ...........وذلك بحل السيارات الجديده (صديقه البيئه) محل االسيارت القديمه (الملوثه للبيئه) وبهذا نكون اعطينا للسيارات الجديده القادمه فرصه ونصيب من الشارع المصرى

7 – اعطاء مبلغ من الدوله الى اصحاب السيارات القديمه وذلك ليتم اضافه مبلغ اخر من قبل صاحب السياره وشراء سياره معفيه الجمارك

8 - وضع خطط تنفذيه لمدن سكنيه جديده لتوزيع الكثافه السكانيه والغاء التكدث السكانى المتركز فى مساحه محدده ..وذلك لحل مشكله الازدحام وتيسير حركه المرور فى الشوارع وامكانيه اى مواطن من امتلاك سياره وليس اقتصارها على فئه معينه من الشعب

[sawy22]

اذا الشعب يوما اراد الحياة فلابد ان يستجيب القدر

فرصتنا اننا نصنع مستقبلنا ومستقبل اولادنا ونقضي تماما علي كل الفساد اللي مسيطر علي عقول ناس كتير والله العظيم مش هشتري دلوقتي حاجه مع ان ربنا اللي يعلم مدي احتياجي ايه في الوقت الحالي لعربيه