عايز تزود كفاءة التكييف؟؟؟

[911suez]

المشاركة الأصلية كتبت بواسطة borio1704 في ناس كتير بتشتكي في الصيف إن التكييف شغال بس مش عامل حاجة، والعربية لسه حر معظم الناس دي بتبقى عربياتهم قديمة... أو على الأقل اتعمل فيها شغل عند سمكري أو يمكن كهربائي طب ليه كده؟؟؟ أهم حاجة عشان كفاءة التبريد تبقى كويسة إنك تعزل الصالون عن الجو الخارجي كويس، وده عن طريق إنك تمنع الهوا الخارجي يدخل الصالون من الأبواب طيب ماحنا بنقفل الإزاز... عايز إيه تاني؟؟؟ أنا أقولك.... أولا: لازم تتأكد من سلامة الكاوتش حوالين الباب، وإنها قافلة كل الثغرات كويس... ومافيها حاجة مشققة ثانيا: وده الأهم.... الكسوة الداخلية للأبواب... تحتها في طبقة عازلة للصوت والحرارة... ممكن تبقى فوم أو لباد أو حتى مشمع... الطبقة دي هي أهم جزء في الباب، وهي للأسف مخفية تحت الكسوة الداخلية زي اللي في الصور دي لازم تتأكد إن المادة العازلة دي موجودة وقافلة كل الفتحات كويس الموضوع ده بيفرق بشكل كبير جدا... وعن تجربة أنا كان عندي عربية تويوتا كريسيدا، وأبوابها كانت بتدخل صهد وانا مسافر... عشان كل المشمع العازل في الأبواب كان مش موجود (بعد كذا عمرة سمكرة طبعا) في يوم كده اتحمست واشتريت مشمع وسيليكون اسود (زي بتاع الفبريكة)، وخلعت الكسوة الداخلية للأبواب .. وبعدين قصيت المشمع على قد الكسوة.. قدام وورا وبعد كده نزلت ولزقت المشمع بالسيليكون (طبعا عملت حساب فتحة أكرة الباب والإزاز بس)، وبعدين ركبت الكسوة الداخلية أول حاجة لاحظتها... صوت قفل الباب اتغير تاني حاجة... العربية ما بقيتش فرن زي الأول تالت حاجة... التكييف بقى عامل فرق جامد للأسف ... معظم الصنايعية في مصر بيقابلوا حاجات في العربية بيعتبروها زيادات مالهاش لازمة (غالبا حتلاقيهم بيقولوا: هما حطين الحاجات دي عشان الشكل بس) إنما الحاجات دي هي اللي بتعمل فرق في الأداء وبتطول عمر العربية لو عايز تزود العزل في الكابينة أكتر... حط مادة عازلة في الأرضية والسقف... زي كده ...

وكل الكلام دا جميل بس حضرتك نسيت تقول على العوازل الحرارية للزجاج
ودى وظيفتها المحافظة على برودة داخل الصالون وعزل الحرارة الخارجية
العوازل دى موجودة فى مصر
اتفضل الرايط https://www.facebook.com/suntekfilm
بتفرق كتير قوى لانها بتحجب الاشعه البنفسجية والاشعه تحت الحمراء اللى بتسبب الحرارة

[borio1704]

المشاركة الأصلية كتبت بواسطة 911suez وكل الكلام دا جميل بس حضرتك نسيت تقول على العوازل الحرارية للزجاج ودى وظيفتها المحافظة على برودة داخل الصالون وعزل الحرارة الخارجية العوازل دى موجودة فى مصر اتفضل الرايط https://www.facebook.com/suntekfilm بتفرق كتير قوى لانها بتحجب الاشعه البنفسجية والاشعه تحت الحمراء اللى بتسبب الحرارة

كلام حضرتك مظبوط جدا...

بس أفلام العزل الحراري دي إعلاناتها في كل حته، وأنا كنت باتكلم على حاجة ناس كتير ما يعرفوش حاجة عنها، وبالذات في العربيات القديمة نسبيا... لو حضرتك جربت الموضوع ده في البولونيز حتحس بفرق واضح... وابقى ادعيلي

تاني حاجة... أفلام العزل الحراري تكلفتها من 2000 إلى 3000 جنيه عشان تغطي كل الزجاج بتاع العربية... أنا باتكلم في حاجة مش حتكلفك أكتر من 50 جنيه بالمصنعية.

تالت حاجة.... زجاج العربيات (الملون) أصلا بيحجز جزء من الأشعة فوق البنفسجية لو كان أصلي (طبعا أقل من أفلام العزل الحراري)، وممكن تساعد كمان بوجود شماسات .. ودي مش حتكلفك أكتر من 200 جنيه للعربية كلها.


وأشكرك لمرورك الكريم


...

[911suez]

المشاركة الأصلية كتبت بواسطة borio1704 كلام حضرتك مظبوط جدا... بس أفلام العزل الحراري دي إعلاناتها في كل حته، وأنا كنت باتكلم على حاجة ناس كتير ما يعرفوش حاجة عنها، وبالذات في العربيات القديمة نسبيا... لو حضرتك جربت الموضوع ده في البولونيز حتحس بفرق واضح... وابقى ادعيلي تاني حاجة... أفلام العزل الحراري تكلفتها من 2000 إلى 3000 جنيه عشان تغطي كل الزجاج بتاع العربية... أنا باتكلم في حاجة مش حتكلفك أكتر من 50 جنيه بالمصنعية. تالت حاجة.... زجاج العربيات (الملون) أصلا بيحجز جزء من الأشعة فوق البنفسجية لو كان أصلي (طبعا أقل من أفلام العزل الحراري)، وممكن تساعد كمان بوجود شماسات .. ودي مش حتكلفك أكتر من 200 جنيه للعربية كلها. وأشكرك لمرورك الكريم ...

استاذى الفاضل
انا جريت الموضوع على البلونيز وعارف ادائة اية كويس
وكمان بشتغل فى العزل الحرارى للزجاج واتفق معاك ان هناك 3 توكيلات معروفة ودى فعلا الاسعار عندهم
انا بقول لحضرتك ان العزل الحرارى متوفر لدى بسعر 600 جنية لكل السيارات السيدان
تحياتى لحضرتك ولكل اعضاء المنتدى
للاستعلام : 01006387171

[Dr. Mostafa El Nazer]

المشاركة الأصلية كتبت بواسطة 911suez استاذى الفاضل انا جريت الموضوع على البلونيز وعارف ادائة اية كويس وكمان بشتغل فى العزل الحرارى للزجاج واتفق معاك ان هناك 3 توكيلات معروفة ودى فعلا الاسعار عندهم انا بقول لحضرتك ان العزل الحرارى متوفر لدى بسعر 600 جنية لكل السيارات السيدان تحياتى لحضرتك ولكل اعضاء المنتدى للاستعلام : 01006387171

و يا ترى نسبة العزل بتكون كام في الأفلام اللي عندك دي ؟؟؟؟

[ahmed_gamal777]

المشاركة الأصلية كتبت بواسطة Dr. Mostafa El Nazer و يا ترى نسبة العزل بتكون كام في الأفلام اللي عندك دي ؟؟؟؟

اضم صوتى لحضرتك وبلد المنشا اية -والتكلفة 600ج بالتركيب- ومكان حضرتك فين -ولو فى صور يبقى 10/10