تقرير بالصور السيارة BYD F3 R

[NABEIL]

سلامى لجميع اعضاء المنتدى الكرام
انا اشتريت العربية دية من يوم 2011/10/2 العربية فعلا جميلة لكن انا لسة ما وصلتش 1000 كيلوحتى الان مفيش فيها اى شكوة والحمد للة انا وصلت بيها 140 امس على طريق القطامية جميلة وكان ممكن اوصل اكتر من كدة بكتير بس قلت كفاية كدة عليها دية لسة مكملتش بيها 500 كيلو وثابتة على الطريق والتكيف ممتاز جدا والكسيت راديو واسطونات ووصلة تركب على الكمبيوتر و مدخل فلاشة وصوتة عالى ونقى جدا ووسعة ومريحة من الداخل و فى الخلف والشنطة وسعة والعربية كبيرة وشكلها فعلا يدل على الفخامة انا اشترتها لونها فضى من فرع النزهة من الاستاذ مدحت و لو فى جديد فى العربية هبقى اكتب كل جديد بعد كل صيانة وسلامى للجميع وشكرا على التقرير الممتاز من صاحب الموضوع الاستاذ احمد ناصر

[A7MED NASSER]

تسلم ليك كتير يا نبيل باشا . و الله منور معانا و فعلا العربيه شكلها جميل و تجربتها معاك حلوه بس بلاش تزيد السرعه عن 100 ك لغاية ما تكمل ال 5000 او حتي عالاقل ال 3000 ك الاولي . اوك

[A7MED NASSER]

المشاركة الأصلية كتبت بواسطة Mr.Mostafa veto تسلم ايدك يا باشا انا رحت معرض شركة الامل اللى فى شارع النزهة من اسبوع و اتفرجت على العربية و صورتها كمان و جبت عرض اسعار وكنت عايز اعرض الامر عليكم بس والله مش عندى اسكانر و المعلومات اللى هاقولها دى من كلام مدير المعرض و هو رجل محترم و صبور جدا لانى تعبتة فى الاسئلة و التقليب فى العربية اولا - بيقول ان العربية دى تقفيل بره و انا سالتة للتاكد معها افراج جمركى اجاب ايوه ثانية- الاستارت لو باظ بتفك جزاء من السمارت كاى و الريموت و بيتجمعو و يعملو مفتاح لتدوير العربية بدل من الاستارت ثالثا- التكيف ممتاز جدا رابعا-الصوت كويس اوى و نقى والتجربة دى كانت على الراديو خامسا- الصالون جيد جدا جدا من حيث الشكل و الماتريال سادسا-فى عيب من وجهة نظرى الضعيفة العدادات هما اتنين واحد ار بى ام و التانى سرعة و داخلهم فى القطر يعنى الارقام بتاعت الكلوات و الساعة و حاجات تانية كتير بس مش فاهمها و الراجل كمان و العيب بقى ان علشان تشوف كل ميزه من ده تقلب بى صوباع بلاستك ضعيف جدا زاى الساعة القديمة فى العربيات كده سابعا- لاحظة ان فى فرق بين زراير الاغلاق بتاعت البيبان و الفرش بتاع البيبان بس مش كتير بس ممكن الواحد يشد منه الفرش بتاع الباب يعنى عيل صغير يقعد وراى يقطع فى الفرش برحتة ثامنة-زراير فتحة السقف من المفروض بتتحرك الى الامام و الخلف بس فيها بوش شمال و يمين تاسعا-غطاء الماتور اللى فى الصوره بتاعت الموضوع مش هو ده اللى انا شفتة الغطاء اللى شفته على اد الماتور بلظبت يعنى شايف الارض و انا باصص من الحوض و العلبة صغير تحس ان المتور صغير كان معايا واحد صحبى قاعد يجرب حارات الفتيس و انا باصص فى الماتور كنت شايف حركة الفتيسو الدراع بتاعة حسيت انى الحوض كبير على الماتور و الفتيس العربية علية عن الارض كويس جدا جدا بس مافيش منها اتوماتك صوت الماتور عالى نسبيان بس ممكن ده علشان انا دورتها و هية فى مكان مغلق العربية نازله مافيهاش فاميه نصف خلفى عكس شقيقتها f3 جبت منهم عرض اسعار للعربية 80 الف لو عرفت ارفعه علشان الناس تشوفه هاحاول اسحبه اسكانرعند اى حد العربية للوهله الاوله تشدك على شكلها و امكانياتها و سعرها وبعد كده لاقيت ان F3الاتوماتك احسن منها و اغلى منها الفين جنيه بس وده من وجهة نظرى الشخصية و الراى الاخر لحاضرتكم يارب اكون قدرت اوصف العربية و لو اخطأت ارجو المعازرة

تسلم كتير يا باشا و فعلا الاتوماتيك افضل كتير من عربيه مانيول و ده من وجهة نظري . و لولا اختلاف الازواق لبارت السلع

[NABEIL]

المشاركة الأصلية كتبت بواسطة A7MED NASSER تسلم ليك كتير يا نبيل باشا . و الله منور معانا و فعلا العربيه شكلها جميل و تجربتها معاك حلوه بس بلاش تزيد السرعه عن 100 ك لغاية ما تكمل ال 5000 او حتي عالاقل ال 3000 ك الاولي . اوك

شكرا يا استاذ احمد على النصيحة وشكرا على الرد الجميل

[Mr.Mostafa veto]

المشاركة الأصلية كتبت بواسطة NABEIL سلامى لجميع اعضاء المنتدى الكرام انا اشتريت العربية دية من يوم 2011/10/2 العربية فعلا جميلة لكن انا لسة ما وصلتش 1000 كيلوحتى الان مفيش فيها اى شكوة والحمد للة انا وصلت بيها 140 امس على طريق القطامية جميلة وكان ممكن اوصل اكتر من كدة بكتير بس قلت كفاية كدة عليها دية لسة مكملتش بيها 500 كيلو وثابتة على الطريق والتكيف ممتاز جدا والكسيت راديو واسطونات ووصلة تركب على الكمبيوتر و مدخل فلاشة وصوتة عالى ونقى جدا ووسعة ومريحة من الداخل و فى الخلف والشنطة وسعة والعربية كبيرة وشكلها فعلا يدل على الفخامة انا اشترتها لونها فضى من فرع النزهة من الاستاذ مدحت و لو فى جديد فى العربية هبقى اكتب كل جديد بعد كل صيانة وسلامى للجميع وشكرا على التقرير الممتاز من صاحب الموضوع الاستاذ احمد ناصر

الف الف مليون مبروك ياباشا ربنا يديك خيرها و يكفيك شرها
يبقى انا كنت بتفرج على عربيتك ؟ ممكن دى تبقه صدفه حلوه