السرعة....السفر...السخونة .....أرجو المساعدة

[wel781]

السلام عليكم.

أنا كنت راجع إمبارح من إسكندرية وكنت ماشى على سرعة 170 كيلو / ساعه ومكنش قى مشكلة
لغايه ماوصلت الريست فاضطريت أهدى علشان المطبات اللى هناك

اول ما هديت لقيت لمبة الحرارة نورت فوقفت على جنب

لقيت العربية مولعه والميه بتغلى وناقصه
فى 5 دقائق بالظبط العربية هديت وزودت ميه ومشيت عادى خالص بس مازودتش السرعة عن 90

هل فى حد عنده علم بالمشكلة ديه ؟

مع العلم أنى لسه مغير ثيرموثتات الكوعه من سنه كده

عربيتى بكانتو موديل 2006 وعامله 112000 الف كيلو

[romioromio]

انا عندي برده الميه بتغلي في القربه من اقل مشوار

بس الحراره طبيعيه جدا

بس مش لاقي تفسير

متابع معاك

[hanzz]

انا بقى اللى عندى مشكلة غريبه عربيتى كانت تمام بس كانت بتسخن مع تشغيل التكيف المهم ودتها مركز قالولى السرعه التانيه مع التكيف مش شغاله عملوها فعلا العربيه مبقتش تسخن مع التكيف الغريبه انها بقت دلوقتى تسخن من غير تكيف نرجو الافاده

[sherif fersh]

كنت ماشى فى عز البرد على أقصى سرعة ممكنه
و عداد الحرارة كان لازق تحت
و لما وصلت وجهتى , هديت السرعة عشان أدخل اليو تيرن
سمعت صوت المياه تغلى فى القربة
و عداد الحرارة طلع فى السما
التفسير .....
لما أكون قارص جامد, الموتور بيسخن جدا ,
لكن مع السرعة العالية التبريد بيكون ممتاز من سرعة الهواء
و ليس المروحة
مع انخفاض السرعة , يتحول اعتماد التبريد الى المروحة مرة أخرى
و سرعتها لا تضاهى سرعتك على 120 مثلا
ساعات كنت آخد مشوار كبير و بسرعة معقولة 100 مثلا
كانت المروحة ماتشتغلش خالص
الاستنتاج ....
تهدئة السرعة تكون تدريجية بعد القرص لشديد
و كذلك النصيحة الذهبية التى يعرفها كل سائقى البيجو و السرفيس
" بعد أى مشوار جامد أو الجو يكون حار جدا , ماتبطلش العربية على طول
سيبها دايرة شوية لما تقف "
و ده حفاظا على جوان وش السلندر و من ثم المحرك
مرة تانية نبقى نتكلم فى تسلسل التبريد ... دلوقتى نووووم
آسف على الاطالة
وتحياتى ‘

[Viva4ever]

لو العربية تمام معاك ممكن كان من نقصان المية او شوف الترموستات ممكن مش بيفتح كويس بس خلى بالك من الحرارة لحسن لقدر الله تجيب وش سليندر.وان شاء الله بسيطة
هل فى حد عنده علم بالمشكلة ديه ؟