صيانة 30000 في هبووور اوتو

[mm_champion]

ازيكم اعضاء المنتدي
رحت عملت صيانة فيرنا موديل 2012 في هباب اوتو ، والصراحة انا الغلطان اني رجعتله تاني اعمل عنده الصيانة ، فالعملية من اولها خاصة بعد ما ضمان العربية خلص ، انا فعلا عامل 30000 والعربية بقالها 3.5 سنين ، يعني تقريبا مش بمشي بيها ،احساسي اول ما الاستقبال عرف ، قالي فيه مشاكل ، قلته العادي بحس بهزة في الدركسيون ، قالي اهاا يبقى الكاوتش ، بصتله قلته ماله قالي بيتغير بعد 3 سنين عمرة الافتراضي قلته لا هو كويس ، قالي هنشيك على التيل كمان ،ولو سمكه قليل هنغيره ، قلتله طيب زي ما يكون لازم تتقلب في اي حاجة ، المهم وانا في الاستراحة اتصل بيا وقالي كوعة المياه مصدية ولازم تتغير وتكلتها 1200 جنية بالمصنعية وكمان السيور كلها وتكلفتها برضه 1200 بالمصنعية زي مايكون ده الرقم الرسمي عندهم المهم قلتله ليييه ، قالي عشان فيه املاح كتير وصدا على الكوعة والترموستتات واحنا في داخلة صيف ، وقالي السيور نفس الكلام عمرها الافتراضي خلص ، المهم وافقت وانا في منتهي الغيظ لان موضوع الكوعة ده لو الاملاح اتراكمت عليه فده بسببهم لاني كل مرة اقولهم المية دي اغيرها دلوقتي يقولي لا 40000 الكلام اتغير دلوقتي وقالي لو مش بتستخدم العربية كتير يبقى 40000 او سنة ايهما اقرب ، المهم المصيبة الكبري بعد ماروحت وانا صارف مبلغ وقدرة ، لقييت مفاجأة في السيور ، سير الكاتنية مفهوش اي حاجة وده لوحدة 232 جنية سير الباور الصراحة فيه شقوق بس يمشي شوية ، سير الدينامو سليم وسير التكييف فيه شقوق بسيطة ، والبلي الصراحة مش هفتي معرفش حالتة ايه ، انا ممكن احطلكم الصور وتحكموا ، المهم اني اضايقت جدااااا بسبب اللي حصل ده وبنصح اي حد بعد الضمان يشوف اي حد كويس لان بجد موظف الاستقبال اول حاجة هتلاقيه بيعملها انه بيدور اي حاجة يغيرها ، مع العلم اني برضه لما شفت كوعة المية هي فعلا عليها املاح بس احساسي انها ممكن تتنضف مش تتغير بالكامل هي والترموستات

[mm_champion]

IMAG0564.jpg

IMAG0565.jpg

دي صور القطع المستعملة اللي اتغيرت

[Hisham.Elgazzar]

السلام عليكم مبروك الصيانة
السيور الكاوتش بتبوظ مش شرط تكون مشيت ال40 الف
انا غيرت ردياتير وماكملتش 40 لأن التانى اتسد
وجبت السيور من عندهم واتكلفت فعلا 1200 جنيه
بس معلش انت بتشترى العربية بشوية الحاجات دى لأن على سبيل المثال ، سير الكتينة لو اتقطع هتدفع 6000 جنيه ف التوكيل او 1500 برا التوكيل
كاوتش العربية آخره 3 سنين لأنها بتنزل بنوع مش كويس

العربيات مصاريفها كتير ولعنة فعلا