يوجد عندى مشاكل فى النوبيرا 2 اريد حلول

[ahmed elyamny]

السلام عليكم

عندى مجموعة مشاكل فى النوبيرا

1- لما اكون ماشى على طرق مكسر وبه منحدرات بسمع صوت زيق من الخلف زى صوت الكنبه او السرير
2- كل ما اجى اديه الغيار الاول وانا واقف على المطب بياتى بصعوبه فى مره من المرات اتكسر معايا التيش وغيرته
3- العربيه بطلع دخان ابيض مش عارف ليه
4-لما اكون على منحدر اجى ارفع الهاند بنور عندى فى العداد ولكن بدون ان يمسك العربيه من النزول
5- عندى مشكله فى الساج وهى عباره عن التوائات فى الساج عباره عن دوائر صغيره جدا
6- تقريبا مراوح التبريد عمرى ماشفتها تشتغل
7-ساعات لم اكون ماشى على الغيار التانى او الثالث مع دوسة بنزين احس ان العربيه بتترج
8- لما اكون ماشى على الطريق السريع بلاقى ان جميع العربيات بتسبقنى فى مسافات قصيره
9- لما اجى اضغط على الفرامل على سرعة صغيره العربيه بتزحف ونفس الوقت دواسة الفرامل لازم تضفط على الاخر علشان تعمل فرمله
10-بشوف اثر للزيت على المكنه كلها
11- كل ماشغل العربيه بشم رائحة بنزين
كل المشاكل دى العربيه ماشيه برده ولذلك نرجو الحلول لهذه المشاكل
علشان انا تعبت من الصناعيه

[nagynassif]

المشكله رقم 3 و7 و10 و 11فى الغالب الموتور هايكون خفيف وعاوز طقم شمبر او عمره
والمشكله رقم 4 ممكن تكون الفرامل ضعيفه ومحتاجه تغيير تيل امامى وخلفى او عمل رجلاش للفرامل الخلفيه وفرامل اليد او بها هواء لابد من تفريغه
المشكله رقم6 المراوح بتشتغل على فترات لما الحراره بتعلى . ولاحظ مؤشر الحراره
انه يكون قبل النصف بشويه ومايعلاش عن كده
عامه لازم تودى العربيه لميكانيكى شاطر وأمين واذا كان الموتور بايظ احسن لك تجيب واحد استيراد وبلاش تعمله عمره

[nktis]

11- كل ماشغل العربيه بشم رائحة بنزين

ممكن حساس شكمان و حاول تبص علي طرمبه البنزين تحت الكرسي اللي ورا .