تحذير من التعامل مع المغسله "أوتو" الى داخل بنزينة وطنيه بجوار مسجد السلام مدينة نصر

[elkader]

تجربة سيئه

خلوا بالكوا من التعامل مع المغسله "أوتو" الى داخل بنزينة وطنيه بجوار مسجد السلام مدينة نصر

أول وأخر مره اغسل هناك
داخل اغسل عربيتى جوه وبره عادى قالولى قدامك 3 عربيات قلتهم هنتظر هوب بعد حوالى ساعه طلبوا من ادخل العربيه
وكان واضح ان اللى هيشتغل فيها لسه جاى
وصيته على شنطه العربيه عشان كان واقع فيها مياه من كام يوم ونشيفتها بس كان فيه بواقى فى الأماكن الضيقه قولتله ينشفها بالهوا ولما لقيته هيستعبط ناديت المشرف بتاعه وفهمته وقلتله أنا هشلوا الحاجه من شنطه العربيه وهو ينشفها بالهوا وقلتله العربيه فيها رمل عشان لسه راجع من السفر

المهم عملها ويدوب رصيت الحاجه جوه الشنطه تانى لقيته خلص تنظيف جوه العربيه لاعمل بالمكنسه ولا سمعت صوت خرطوم الهوا جوه العربيه باختصار قلبها قلت ياواد يمكن يعيد عليها تانى لما يخلص

هوب دخل العربيه عند خرطوم المياه واداها مياه من برده وبعدها صابون (قصدى لحسه صابون) وابتدا يمسحها بالفوطه واحد زميله بيشغل فى العربيه الى جنبى لما لقاها كده قام رايح جايب خرطوم الصابون ورش على عربيتى رشه محترمه وبصلوا بصه حط صابون عدل يا ..........

المهم صاحبنا بنفس القلبه والقومه الى عمل بيهم جوه عمل بره

المهم سيبته يخلص وجالى قالى تمام قولته خلصت قالى أيوه
المهم ابتديت اطلعلوا التراب والأماكن الى سبها من جوه وبره ووريله بإيدى ولما لقيته مش فاهم أو بيستعبط قلته هات المكنسه وطلعى الرمل من تحت الكراسى
المهم لما خلص رحت بصيت على العربيه لقيتها زى ما هى رحت منادى المشرف وريته التراب جوه العربيه قولته هو ده شغلكوا راح منادى عليه راح صاحبنا مشوحلوا وقالوا مش هعمل حاجه تانى فى العربيه دى

بعد كده قلتله متخلهوش يجى تانى جنب العربيه وشاورتلوا على اثنين عندهم ضمير شايفهم وانا قاعد بيتشغلوا شغلهم صح أى واحد فيهم يجى يقفلى العربيه عشان أمشى

المهم الأثنين كانوا مشغولين انتظرت شويه لغايه ما فضى شاب أفريقى تانى وقفلى العربيه معقول طبعا أكيد من غير ملمع تابلوه ولا ملمع عجل ومشيت

فى اثناء الأنتظار حصل موقف أخر
كان فى عريتى دواسه كرتون عشان كنت لسه جاى من التوكيل فلما صاحبنا جه يغسل الدواسات شالها على جنب المفروض يرجعها تانى بعد ميخلص طالما هو معندوش دواسات أصلا المهم مرجعاش
لقيت واحد زميله بيحتها فى عربيه واحد تانى "زبون معرفه" رحت قلتله الدواسه دى بتاعت العربيه دى مش دى
لقيت صوته على بيقولوا دى حتت كارتون ولقيتها ومعرفش بتاعت مين رحت معلى صوتى وقلتله طالما مش عارف اسأل بتاعت مين قبل متخدها راح معلى صوته وراح رميها فى الأرض بعد شد وجذب خلص الموقف
بس قبل ماأمشى سألت على صاحب المركز واحد شاولى عليه اتريه كان من الناس الى شافين الموقف بينى و بين العامل الى رمى الدواسه رحتله قولتله عجبك الطريقه الى الناس بتعتك بتعامل بيها العملاء قالى معلش أصله معفن "أيوه كده باللفظ" بصتله بصة وانا مالى وبعدين قالى أصل عندى 8 عمال غايبين ولما لقيته قليل الحيله قولتله دى أول وأخر مره اجيلكوا وسبته ومشيت

العامل المهمل: أسمه محمد
العامل المعفن : معرفيش اسمه بس عنده شنب وتحس انه محشش
العامل المتقن لعمله: اسمه جابر
العامل المتقن لعمله: شاب أفريقى أصلع كلامه قليل

[kokololososo]

فعلا مغسلة وحشة وانا عارفها...
في واحده معقوله جنبها أدام بنزينة وطنية جنب مباشرة كافيه واحد شاي..في شارع شبه جانبي
بس في واحده جنبهم وحشه جنب الكافيه عالشارع العمومي..
في مغسل كتير في الحته دي...