|
#1
20-01-2011, 01:39 AM
|
|||
|
|||
تفاصيل الوصول لمقابله طنطا الثانيه 21\1\2011
 بالبدايه ..... ارسل لكم من كل وجداني باقات من زهور و فل و ياسمين بل إن استطعت ارسل لكم قلبي في ثوبا من حرير يجاوره مسك من ريّحان الارض لكي اعبر عما بداخي إليكم من حبا و احتراما و تقدير لعلّما اوصف ما بداخلي الي ذلك الجمع من شباب مصر الخيّر  قد تجمعنا سابقا علي الحب و التقدير ونحن اليوم نعيد ذكريات الماضي بل ونتوجه بتاج المحبه الذي توّلد بداخل قلوبنا الطاهره نجمله بثوب الصداقه المخلصه تجمعنا سابقا و نتجمع بعون الله بعد غد و بمشيئه الله نتجمع بالمستقبل الذي بيدنا نجعله مستقبل مشرق .. فهو مشرق بشبابنا ... مشرق بجمال قلوبنا ... مشرق بمحبتنا في الله ... مشرق بتواجدنا يدا واحده انا اليوم اتيت لاناشد اعضاء بيتنا الراقي اناشدكم من مقالي هذا لكي نتقابل ..لنتحاب .. نتقابل لنكن يدا واحده .. نتجمع لنكون عونا بعضنا البعض .. ارسل لكم برقيات تهنئه لاننا صرنا الاوائل ..ولكن ارسل لكم دعوات حب لنتجمع تحت سماء الصداقه ...... هيا بنا سويا نتعرف كيف نعيد ذكريات الماضي طبعا كلكم استغربتو الداخله اللغويه دي بس معلش بقي استحملوني طبعا فاكرين مقلب الاستاذ حازم باشا خضر وكافيه سفنكس في المقابله الاولي والي بسبب المقلب ده لفيت طنطا 3 مرات " فداك يا حزوم " النهارده بقي جيت عشان اقطع الشك باليقين والله في كافيه اسمو ابوسلامه ومتقلقوش وتعالو بينا نشوف الوصف التفصيلي اولا دي صوره الكافيه  وده الشعار بتاعه  وعشان الراجل متسأف حب يعملها لغات  وده وصف ليها و لشكلها  نيجي بقي عشان نوصف الطريق للي جاين من القاهره "هتنورو طنطا و الله " هتصحو من النوم بدري كده علي 10 و تفطرو عادي جدا و تركبو العربيه و يلا بينا الي الرحله هتنطلقو علي طريق اسكندريه الزراعي وانا بكرر الزراعي لان لو الصحراوي يبقي هنشوفكو الاسبوع الي جاي هههههههههههه هتقطعو مسافه 96 كيلو محترمين بهدوء عادي جدا و خلي بالكو من الرادار في 2 رادار علي الطريق والاتنين رادار 60 واحد بعد القليوبيه ب 20 كيلو تقريبا وواحد قبل طنطا ب 20 كيلو برضو هتعرف انك وصلت طنطا من حاجتين اولا هتلاقي ميدان بالنصف كده مكتوب عليه اهلا بيكو في الغربيه و حركات كده وشويه و هتلاقي علي شمالك جدار برتقالي ونظام أرشات و فيه حديد و وراه ترعه المهم هتعدي شويه وهتلاقي الاتي                        وبكده اقول للي جاين ينورونا من القاهره اهلا و سهلا بيكو في بلدكم التاني طنطا وهتلاقوني قاعد علي احر من الجمر بالكافيه عمال اتبصص علي كل عربيه و اقول مصر مصر يا اهل مصر هههههههههههههههه نيجي بقي لحبايبنا اهل الاسكندريه و ضواحيها برضو هتصحو عادي جدا بس بدري علي 10 و تفطرو كويس بقي انتو ازيد 30 كم وهتنطلقو علي الطريق القاهره الزراعي و بقول زراعي مش صحراوي وهتفضلو ماشين 124 كم بالتمام و الكمال المهم هتقابلو في سكتكم كوبري و داخله لكفر الزيات هتدخلو من كفر الزيات و مش هتطلعو الكوبري ومن كفر الزيات تدخلو علي طريق طنطا عادي هتوصلو للطريق ده  هتعرف طنطا طبعا بالبشبيشي الي بيتبعطر في كل حته             وبكده اقدر اقولكم حمد لله علي سلامتكو يا غاليين ومواصفاتي انا الاتي شاب طويل و الحمد لله " الطول هيبه برضو " 182 سم ووزني 83 كجم وبيقال اني ابيض وبنضاره وعربيتي speranza M11 فضيه اللون ملاكي غربيه رقمها 500999 و هتلاقوني عمال اتنطط و بشاور لاي عربيه هتعدي تحت الكوبري ههههههههههه ورقمي عموما 0108286176 بالنسبه للتخطيط و كده في اللنك الي جاي تابعونا |
|
#2
20-01-2011, 02:49 AM
|
||||
|
||||
|
رد: تفاصيل الوصول لمقابله طنطا الثانيه 21\1\2011
سيبك انت الجامد جامد وانت معلم وجامد كمان
ايه ده مشوفتش حاجة بالتفاصيل والدقة ديه بجد انت استاااااااااااااذ انا هذاكر الموضوع ده واسيفه على الاب علشان يبقى معايا فى السكة واشوفكم على خير ان شاء الله بعد بكره |
|
#3
20-01-2011, 03:08 AM
|
|||
|
|||
رد: تفاصيل الوصول لمقابله طنطا الثانيه 21\1\2011
نعاود و نتواصل نيجي بقي لتقسيم المقابله باذن الله الي هيجي قبل الصلي هيلاقيني هناك وانا هصلي هناك بعون الله هنصلي و نلتقي عند ابوسلامه هنبدأ المقباله بتعارف كل منا علي الاخر و انتظار بقيه الاعضاء والاطمئنان علي الجميع وعند اكتمال الاعضاء بعون الله هيتم طرح مشاكل العربيات عموما و الاسبرانزا تحديدا لان في عربيات كتير مشاركه في المقابله اسبرانزا هيتم بعدها النقاش في محتويات المنتدي واعضاءه الكرام و حوارا لحرب علي المنتدي وتفسير ما يحدث للجميع بعد عمليات التفسير هيتم تقديم اول مفاجأه للاعضاء " وهي عباره عن ................. انتو فاكرين اني هقول والا اي ده بعدكو ........." سيتم اقتراح الغدا مكانه و موضعه ووكيفيه الانتقال اذا كان الاكل مش بابوسلامه وانا بالفعل جمعت منيوهات كتير لمطاعم طنطا و صورت بعض المطاعم عشان تثقو في الاكل الي هنطلبه ودي بعض الصور وطبعا تلبيه لمطالب الجماهير بالوطنيه     والمطاعم المقترحه وطنيه دجاج كنتاكي بيتزا هات كوك دور مؤمن مملكه دريب توب للبيتزا و المشلتت زين للفراخ المشويه و الوجبات الحوت للاسماك المشويه red seafish للوجبات السمكيه والي هنتفق عليه طبعا يا اما نطلبه يا اما نروحله وفي حاله مرحنا ليه جميع الاعضاء هيركنو عربياتهم في مكان جمب ابوسلامه وهنركب كلنا في 3 عربيات " عربيتي و عربيه رومنج .. الكومي .. وعربيه دكتور عمرو " طبعا بعد اذنهم يعني عشان بس نوحد العربيات و منتهش من بعض نروح نتغدي براحتنا و نفرفش و ناخد الشاي المحترم في كافيه مختلف عن ابوسلامه و في اقتراحات كتير يا اما مكان مغلق او مكان مكشوف وده برضو حسب الاتفاق وبعدها هيتم تقديم المفاجأه الثانيه بعون الله بعد الغدا وشرب الشاي و ظبط الطاسه هناخد جوله في طنطا بال 3 عربيات نفرج الزوار علي طنطا و نعرفهم علي دولتنا الحبيبه طنطا هتبقي الساعه 8 في حل من اتنين يا اما ندخل سنما و نتجمع علي اي فيلم او كل واحد يروح عشان السكه و الي هيسافرو وكده وطبعا علي اتفاق وبس كده اتمني من الجميع ابداء رأيه و الاتفاق علي جميع النقاط تمنياتي للجميع بالسعاده ورحله سعيده لاجواء طنطا العظيمه  |
|
#4
20-01-2011, 03:10 AM
|
||||
|
||||
|
رد: تفاصيل الوصول لمقابله طنطا الثانيه 21\1\2011
هههههههههه... لا بجد الوصف تحفة.. ما شاء الله عليك..
سؤال بقا: الصور دي من اد ايه ؟ يعنى قمت بزيارات مكوكية ع الطريقيين (اسكندرية القاهرة الزراعي والعكس) للتصوير والارشاد ولا موجودة من قبل..؟؟ |
|
#5
20-01-2011, 03:18 AM
|
|||
|
|||
|
رد: تفاصيل الوصول لمقابله طنطا الثانيه 21\1\2011
نورت الموضوع يا ابونورا و هتنور طنطا و الله
ومتشكر بجد علي سرعه الاستجابه للرساله وارجو تعديل المقال التاني بقي و الغائه و نخلي اللنك ده بس الي شغال عشان نوحد الموضوع و منشتتوش وكيمو حبيب قلبي متقلقش الصور دي ملقوطه كلها النهارده و اصحاب المحلات طلعو يجرو ورايا فكروني حد مهم و بعمل احصائيات عليهم هههههههههههههههههههه هتنورو طنطا و الله |
 |
| أدوات الموضوع | |
|
|
