عيوب ومميزات غطاء السيارة

[HaMaDa-ToUBaR]

اولا مبروك ع العربية الجديدة
عن تجربة الغطاء الوتر بروف الى هو الطبقتين والنوع التقيل منة مش الخفيف لا يعلى علية
الطبقة الداخلية بتكون حنينة على العربية وفى نفس اللوقت بيحمى العربية من المطر والتراب
يعنى لو مغطى العربية نضيفة هتشيل الغطاة هتلاقيها نضيفة واستحالة يحصل للغطاء حاجة
اما بالنسبة للغطاء القماش فانا منصحكش بية ابدا لانة بجد صعب وبيبهدل العربية جدا وبعدين لو الدنيا شتت ع الغطاء وهو اصلا فى تراب هتلاقى العربية بقت طين هتيجى تشيل الغطاء هتبهدل نفسك وهتبهدل شنطة العربية
وبعدين لو سايب العربية اكتر من فترة وعليها شتا على طول العربية هتتبهدل جامد
فخليك فى الغطاء الوتر بروف وتوكل ع الله
وبالنسبة لموضوع السرق دة احشر الغطاء فى الباب بس على فكرة الى عاوز يسرقة هيسرقة مهما عملت حتى لو هيقطعة ويسرقة هما الناس دى كدة ولا ترحم ولا تسيب رحمة ربنا تنزل

[احمد على 1999]

المشاركة الأصلية كتبت بواسطة HaMaDa-ToUBaR ولا تسيب رحمة ربنا تنزل

بتنزل غصب عنهم

[sheco_27]

شكراً على المعلومات المفيدة.

[Hatem Mohsen]

مبروك العربية الجديدة
انا بردوه اول مشتريت اللانسر بتاعتى اول حاجة جتها الدواسات والغطا.
انا جبت غطا ووتر بروف هو جميل جداا فى الاول وفعلا تلمع العربية وتحط الغطا ولما تشيلوه متلاقيش اى تراب ،، بس المشكلة انه بعد فترة حوالى 10 شهور بتلاقيه طأطأ وابتدى يتقطع والتراب بيدخل ، غير انه عامل زى الداهية وتقيل وللاسف الموجود فى السوق كله مضروب وبيبوظ بعد سنة بالكتير وده الغالى ابو 150جنية، لكن الاصلى النظيف بطل ينزل وكان معاى واحد قبل كده للاكسنت قعد زى الفل اكتر من 3 سنين.
.. بصرحة انا فى حيرة زيك مش عارف اجيب تانى ووتر بروف ولا اجيب قماش قطن بحوالى 200 جنية

[azmeralda]

ملاحظة: حرام جملة لا بيرحم ولايسيب رحمة ربنا تنزل وهى جملة دارجة يستخدمها بعض الناس بدون قصد وبالتاكيد لو تنبهوا لمل خفى ورائها لن يستخدموها حيث لا أحد يمنع رحمة الله

ومثل :يدى الحلق للى بلا ودان وهى اعتراض على قسمة الله لخلقه

و فلان ربنا افتكره كأن ربنا كان ناسيه وسبحانه لا ينسى احد
انا عبد المأمور
يامستعجل عطلك الله

والحلف بالنبى والكعبة والمصحف والختمة الشريفة ورحمة ابويا والمفروض الحلف بالله فقط واللى يعمل كده سهوا يقول بعدها لا اله الا الله

ويلعن اليوم لأن الحديث:فأن الله عزوجل فال يؤذينى ابن ادم يسب الدهروانا الدهربيدى الأمرأقلب الليل والنهار
ومثلها الزمن غدار وقيلت ايضا على قدر احمق الخطى ويا نهار اسود/كوبيه دى كانت ساعة مهببه

و بحق اللى خلقك من غير لزمة/مناسبة وربنا بيقول"ربنا ما خلقت هذا باطلا سبحانك"

والغريبة شوية كتر السلام يقل المعرفة مع ان الرسول عليه الصلاة والسلام حببنا فالسلام افشوا السلام بينكم _وطبعا بتحية السلام مش هاى باى و لو فرقت بينكم شجرة سلموا على بعض تانى والسلام بيوقع الذنوب من ايدينا يبقى مفروض نكترمنه
وفى حاجات بتعدى علينا فى التلفزيون ومبنخدش بالنا ونضحك مع ان لو ركزنا هنلاقىها غلط فظيع:
لا تصاح الأعمى ولا تاخد منه نصيحة لو ربنا بيحبه كان سابله راسه صحيحه
عبد السفنكرير اللى فى مسرحية شاهد مشفش حاجة اللى بيجى ورا عبد بيبقى اسم لله عز وجل يبقى اللى بيحصل ده ينفع يبقى هزار