ما هو افضل نوع بطارية ؟

[khaledvolly]

المشاركة الأصلية كتبت بواسطة hossam_86 انا لسة مغير البطارية امبارح جبتها النسر الالماني ب375 واخد القديمة ب50 هو قالي انها افضل بطارية بتعيش هي دي والله اعلم

;كام امبير لو سمحت ومن عند مين

[ezzat2002mo]

المشاركة الأصلية كتبت بواسطة عبده المصرى ما هو افضل نوع بطارية ؟ وما هو سعرها تقريبا ؟

بص ياباش اهم حاجه تجيبها جافه لان السايله دى موضه قديمه وبطلت ومقرفه قوة اسالنى انا

ثانيا شوف الماركه انا مثلا جبت واحده اندونيسى بقالها معايا 3 سنين وقت الغلا ب465 دلوقت بحوالى 350 او اكتر شويه بسيطه ومهما حصلت مشاكل فى المارش او الدينامو ما يجرالهاش حاجه وسالت عليها تانى ما لقيتهاش هيه لونا اصفر

وبصراحه لو فيه مصرى بلاش

وتاخد البطاريه وياريت قبل ما تركبها تغير شربون للمارش او تنضفه ونفس الكلام للدينامو

ولو الكابلات مجنزرة لانها نحاس هات كابلات من النضيفه اللى المتر بتاعها بحوالى 15-20 جم وركبها كويس لانها بتخلى الشحن افضل وكمان بتدى الارضى احسن برضه .

وبعدين تروح لواحد عنده جهاز شحن وتقرفه كل شهر بزيارة وتخليه يمضى لك على الضمان

وسيبك من كلامهم اللى يقولك مدام مشيت شهر او اتنين يبقى خلاص لا الضمان سنه مش اقل ولا اكتر خلى بالك من حقك يعنى تروح لمحل كبير وليه سمعته مش واحد بقال عاوز يبيع ويخلص

وكمان المحل اللى شغال حاجته بتكون مش مركونه .
وشكرا

ولما تجيبها ان شاء الله فى تقفيصه حلوة بالحديد علشان لو حرامى فتح الكبود ما يعرفش يشيلها وكان ليها تجربه معايا ناجحه الحرامى فتح الكبود وحاول يفكها معرفش ها ابقى اقولك عليها بعدين.
سلام

[MRBUNNYBUNNY]

VARTA calcium-silver
made in germany

[sherif fersh]

ابعدوا يا جماعة عن الفارتا
الشكاوى منها كتيييير
و الله الموفق ‘

[waelsalah]

السلام عليكم ورحمة الله

ايه رايكم
فى البطاريات
اي سي ديلكو السعودى الامريكي ولا بلزر التركى ولا بانر النمساوى
دول المتاحين هنا فى المنصورة وقوتهم 70 امبير
وهل كل بطارية لها قدرة مختلفه فى التقويم والتدوير عن الاخرى
مثلا واحد قالى ان البلزر التركي قوتها عند التقويم 455 امبير واي سي ديلكو 255 امبير فقط عشان كده هو مبيشتغلش فيها
ناس هنا بتؤيد اى سي ديلكو وانا جربتها مره كان كويسه
وناس بتشكر فى المنتج التركي
السعر متقارب 450 ج للتركي والسعودى 470 والنمساوى 500 ج

نرجو الافادة العاجله وشكرا جزيلا