3 بلطجية فى الطريق ................ والحمد للة

[Hisham.Elgazzar]

المشاركة الأصلية كتبت بواسطة ابو الشوق كاديلك استاذي الحمد لله ان حضرتك كويس و الموضع عدي علي خير طبعا يا جماعة المفروض كل واحد يمشي بالعربية يكون مسوجر كل الابواب ، ويكون فاتح جزء بسيط من الزجاج في الابواب الامامية فقط اي بلطجي بيعتمد علي عنصر المفاجأة فاي موقف زي ده متقفش وتقعد تتكلم معاه دور عربيتك واكبس بنزين وانت ممور او علي الN وبعدين اطلع بالعربية صوت العربية هيخوفه شوية ولو وصلت انك تخبطه اخبطه ومتستحرمش عشان هو لو مسكك مش هيستحرم يعورك او يموتك ونصيحة حاول تخلي معاك شومة تحت الكرسي بتنفع في المواقف البسيطة اللي زي ده وحاول تهدي خد نفس عميق من انفك وانفخه من بقك كررها مرتين وفكر في خلال ثواني من غير تردد نصيحة كمان لو حد معاه فلوس ممكن تشتري مسدس رش ده مسدس بيضرب خرز صغير حديد ومش محتاج ترخيص ، بس منظر المسدس بيخوف اللي بيثبتك فممكن ترفعه في موقف زي ده او تضرب طلقة في الهوا واخلع يا معلم

انا معايا عصايه وكزلك مشرشر وإليكتريك 8كيلو فولت
بس انا مش بتاع مشاكل وفعلا الواد اتخض من صوت الكلاكس والموتور لأنى تقريبا قفلت الأر بى أم
ربنا يستر مع الجميع

[screamseko]

انا لو منك اسحبه وهو ايده متعلقه كده واعمل قلق خصوصا انك بتقول العربيات اتجمعت وراك والطريق وقف يعني في ناس كتير
اسحبه كام متر كده وبعد كده افلته واقفل الازاز وتنزل تستلمهم بقي مع الناس اللي موجوده بعد متعرفهم ان في مشكله واكيد المفتاح في ايدك واول متنزل تقفل السنتر
وتخلي الحفله عليهم بقي
لكن انت كده تعتبر محاوله بالنسبالهم وفشلت وحيعيدوا الحوار ده تاني

[engfathy]

المشاركة الأصلية كتبت بواسطة Hisham.Elgazzar انا معايا عصايه وكزلك مشرشر وإليكتريك 8كيلو فولت بس انا مش بتاع مشاكل وفعلا الواد اتخض من صوت الكلاكس والموتور لأنى تقريبا قفلت الأر بى أم ربنا يستر مع الجميع

ربنا يسترها معانا جميعا
الظاهر الواحد اليومين دول لازم يمشي بعربيته فيها شنطة اسعافات وشنطة عدة و (شنطة اسلحة)

[Hisham.Elgazzar]

المشاركة الأصلية كتبت بواسطة screamseko انا لو منك اسحبه وهو ايده متعلقه كده واعمل قلق خصوصا انك بتقول العربيات اتجمعت وراك والطريق وقف يعني في ناس كتير اسحبه كام متر كده وبعد كده افلته واقفل الازاز وتنزل تستلمهم بقي مع الناس اللي موجوده بعد متعرفهم ان في مشكله واكيد المفتاح في ايدك واول متنزل تقفل السنتر وتخلي الحفله عليهم بقي لكن انت كده تعتبر محاوله بالنسبالهم وفشلت وحيعيدوا الحوار ده تاني

كلامك جميل بس ممكن الواد ينزل تحت العجلات اللى ورا وكمان عسكرى المرور واقف يعنى الناس هتتلم والعسكرى هيبقى شاهد إثبات لأن محدش هيسيبوا لأنه رمز الحكومة وممكن الموضوع ياخد أكبر من حقه
وبينى وبينك إحنا كبشر مختلفين محدش متوقع هو ممكن يعمل اه لو حصل معاه نفس الموقف بس إحنا ناخذ حذرنا وربنا يستر مع الجميع
تقبلوا مرورى

[zaraki]

حمداً لله على سلامة حضرتك
فى طريقة جديدة احزروها وهى انك تلاقى مجموعة ماشين فى نص الطريق و اول ما تقرب و تكلكس يشتموك ويحولوا يفتعلوا مشكلة وطبعاً احسن حل للموضوع ده انك تقف على دواسة البنزين و مفيش مانع لو تشوط 3 او 4 منهم و اهو تكسب فيهم ثواب برده