هام جدا مشكلة في الاكسنت الاوتوماتيك

[د.هبه77]

متشكرة جدا استاذ matars
بس يعني قصدك اخليه يعمل حاجه اسمها فحص فتيس كامل
ويكتبة بنود في مستند عندهم مثلا؟ ويديني نسخة؟ ولا اية
انا اصلا اخدت معاد وهجرب موضوع ال140 دة وانا رايحالهم لانها عدت ال3 الاف وهنشوف اية اللي يحصل كلاكيت 3 مرة وربنا ييسر الامور

[matars]

حضرتك المهندس الي بيجي يستلم من العربية بيبقى معاه ورق اسم الجوب او امر الشغل
تخليه يكتب المشكلة زي ما انت شيفاها بالزبط
وانا حاسس انها هتطلع مشكلة زيت
وفي اسوء الظروف هتبقى مشكلة في سن ترس الرفيرس R
وده هيبقى امرو سهل برده وفي حالة ان الامور متحسنتش
ليك تغير الفتيس من اوله لاخرو من غير ولا جنيه ضمان
وطمنينا على الاخبار

[MOHAMED SEIAG]

لازم ترجعى للتوكيل لأن ده عيب فى العربية وتصرى على موقفك

[epnmasr]

أولاً مليون مبروك على العربيه ربنا يحفظها ويبارك لك فيها
ثانياً معلش أصبري زي ما قال في التوكيل للتأكد وإذا لم يذهب العيب أعملي مشكله وصممي على حلها أو تبديل العربيه

[د.هبه77]

رحت التوكيل
اتحطت علي جهاز جي سكان
سليمة
طيب العربية بتعمل كدة لية؟
دة طبيعي وعادي لان دة يتبع نوع الفتيس ومركز ثقل العربية
طيب ما انا شفت عربيات تاني ومفيهاش كدة؟
شفتي اية؟
شفت دايهاتسو 80
واوبترا 2007
متقارنيش عربية بعربية من نوع تاني
وكل العربيات الاكسنت الاوتو كدة (شفت عربيتين 2008 و2011
طيب ازاي بقي هل انا الوحيدة اللي كنت سايقة عربية ياباني وجبت بعدها عربية كوري يعني؟
انا اللي مشكلتي ان احنا بيتنا علي منزل؟
طيب الكلام دة مش مفروض اعرفة من الاول ؟