غبور والنصب العظيم علي الشعب في الصيانه

[ميدو ستار]

بس يا باشا
التوكيل مابيعملش حاجة فى العربية كل اللى بيعمله بيشيل قطعة غيار ويحط مكانها وبالسعر اللى هو عاوزه امال هيكسب منين وان كان عاجبك !!!
وعلاوة على كدة فى غبور باشا تشوف مهندس الاستقبال بتحس انه قرفان من نفسه وهو بيسالك عن المشاكل اللى فى العربية دى غير المحسوبيات والناس الى ممكن بتبقى حاجز قبلها ويدخلوها قبلك ولو قعدت تغنى ليه وتقوله على المشاكل تدخل العربية الصيانة عندهم ويعملوا الحاجة اللى هتدفع عليها فلوس بس ويخرج يقولك كله تمام التمام واضرب دماغك فى الحيط !!
يا ريت كل اخ فاضل فى المنتدى راح مركز خدمة معتمد (محترم ) يقولنا عليه واحنا كلنا نتعامل معاه وننسى التوكيل دا خالص
ما تزعلش يا نجم
امال هيعملوا فلوس ومصانع وشركات منين ان ما كنش يمتصوا دمنا
حسبنا الله ونعم الوكيل

المشاركة الأصلية كتبت بواسطة hazem_khidr توكل علي الله و غير الزيت و الفلتر سوا و شوف الزيت و انت بتشتريه و اتأكد من تاريخ انتاجه حديث و تاريخ الصلاحيه

تسلم يا حزومه علي معلومة تاريخ الصلاحية اللي كانت غايبة عني ديه

المشاركة الأصلية كتبت بواسطة koashraf هذه الشكوى وغيرها كتير خلتنى اصرف نظر عن السياره الالنترا رغم انى كنت مقتنع بيها الاان الشكاوى من وكيل هونداى تخليك تضحى بركوب سياره انت مقتنع بيها حتى لاتتعرض لخنقه التوكيل واحسن حاجه عملتها انك عملت للخلف در وتغيير الزيت والفلتر فى اى محطه بنزين وضبط الموتور ممكن عندالميكانيكى وموتولر الفيرنا بقى منتشر لانه هوموتور الاكسنتوماتخدش فى بالك

بس تقريبا يا بشمهندس كل مراكز الصيانه كدا الاغلبية العظمي فهنعمل ايه لنا الله بس الواحد بيقلق من ان حد ممكن ميكونش فاهم يلعبلي في العربية وتخرج من الضمان

المشاركة الأصلية كتبت بواسطة mfa100 هما فعلا مش كل المهندسين اللى بيستقبلوك بيبقوا زى بعض . بس انا لبست برضوا حكاية الفلتر المجانى هنا فى اسكندرية بس قاللى على الزيت المستورد الجركن الرصاصي و انت حطيت محلى الاصفر . حاورينى يا تيتا بس برضوا احيانا بيطلع شغل كويس مثلا انا صيانة ال10000 كانت ممتازة

انا بردك مكنش فيه مشاكل في صيانة ال 10000 ومشيت وانا مبسوط 80% بس المره ديه مش طايقهم لا في سما ولا في ارض

المشاركة الأصلية كتبت بواسطة lol64 انا لسه معملتش صيانه ال 5000 كيلو ومن كلامك كده ياكورسير انا هاروح ابو غالى العبور ان شاء الله

انا مشكلتي اني متضطر اني اروح غبور علشان موضوع الجنوط ده لازم يغيروه لاما هطلع علي جهاز حماية المستهلك وهطربقها علي دماغهم ان شاء الله