|
#1601
04-12-2010, 08:32 PM
|
||||
|
||||
رد: أدب الرحلات
__________________
ولا نقول إلا ما يرضي ربنا إنا لله و إنا إليه راجعون
|
|
#1602
04-12-2010, 09:28 PM
|
||||
|
||||
|
رد: أدب الرحلات
سيناء
طبعا معظم الجيل الحديث من عمر 20 سنة ونازل لا يفقه شيء او يعرف شيء في الغالبية منه عن سيناء سوي شرم الشيخ وان كان حد مهتم بالطبيعة يبقى رحلات المحميات الطبيعية ورحلات المغامرة في جبال جنوب سيناء وانا حرب اكتوبر حرب اكتوبر يمكن لا يعرفوا اصلا حرب اكتوبر سببها ايه ( لا مؤاخذه يا عمرو انا بقول معظم الجيل مش كل الجيل ) واختصارا للوقت ومجرد معلومات اوليه عنها يبقى تدخلوا على الويكي فيه شوية معلومات اللي مهتم اكتر من كده يبقى عليه وعلى الكتب العلمية الترايخية والجغرافيه والسياسية اوعمنا خالد خليفة دي صفحة سيناء على الويكي http://ar.wikipedia.org/wiki/%D8%B3%...86%D8%A7%D8%A1 ودي المقدمة بتاعتها شبه جزيرة سيناء صحراوية في مصر بين البحر المتوسطوخليج السويسوقناة السويسوالبحر الأحمروخليج العقبة. تربط أفريقيابآسيا عبر الحد المشترك مع فلسطين شرقا. ويحدها من الشرق فالق الوادي المتصدع الممتد من كينيا عبر القرن الأفريقي إلى جبال طوروسبتركيا. وهذا الفالق يتسع بمقدار 1 بوصة سنويا. و مساحتها 60,088 كم2 ويسكنها 380,000 نسمة. قاعدتها العريش. تنقسم إلى العريش في الشمال والتيه في الوسط والطور في الجنوب حيث الجبال العالية أهمها جبل موسى 2,285 متر وجبل القديسة كاترينا 2,638 متر (أعلى جبال في مصر) وفي هذا الجبال في دير سانت كاترين وكنيسة غنية بالآثار والمخطوطات بناها جوستنيان عام 527. وتضم محافظتي شمالوجنوب سيناء. ومن عندي شوية وادي العريش احد اخصب الاودية في مصر وسهل زراعته وتعميره لكن ينقصه المياه وطبعا المياه متوفرة في الجزء الجنوبي والاوسط على قمم الجبال لكن تحتاج مخ يعملها مخازن مياه او يهيء مخازن مياه طبيعية تستغل في الزراعة وادي التيه او هضبة التيه وهي الهضبة التي حدث فيها التيه لبني اسرائيل عندما عبدوا العجل الذهب وكان سيدنا موسي عليه السلام في الطور وحكم عليهم المولى عزوجل بالتيه في الصحراء اربعين سنه وهي منطقة غزيرة المياه شتاءا قاحله صيفا المنطقة الجنوبية ( طبعا كلنا عارفينها شرم وخليج نعمه وسانت كاترين علشان ده من خيبتنا التقيله بس ) المنطقة الجنوبية فيها حاجات كتير ممكن نستمتع بيها غير الشرم والبنات الروس وقله الدب اللي هناك لكن طبعا لان الاهتمام منصب اعلاميا وحكوميا على شرم الشيخ وسانت كاترين ويمكن شوية للطور فمنعرفش غيرهم المنطقة الجنوبية اغلبها جبال واغلب الجبال عبارة عن مجاري لمياه الامطار حتى تسقط في الاودية لذلك الجزء الجنوبي صعب زراعته رغم خصوبته وليس السبب في ذلك عدم الخصوبة ولكن تكاليف توجيه مياه الامطار اكبر من احتمالها الا ان كنا متضررين من مساحة الارض مثل اليابان مثلا ممكن وقتها نفكر في حلول جزريه للمنطقة الطبيعة الجغرافية لسيناء تجعل اغلب مياه الامطار تصب شمالا اتجاه هضبة التيه ووادي العريش وتود خزاناات مياه طبيعية في هذه المنطقة تستوعب معظم كميات الامطار الساقطة ( طبعا كارثة سيول العام الماضي كارثة عرضية ولكنها معروف حدوثها كل عام والمشكلة الرئيسية ان الناس اخطأت عندما قام بالبناء في مناطق مخرات السيول وطبعا هناك خطأين من الدولة الخطأ الأول خطا رقابي وانهم تركوا منازل ترتفع دورين وثلاثه في مجري السيل ولم يوقفوهم الخطأ الثاني خطأ تنظيمي وهو عدم اعادة توجيه المخرات للداخل بدلا من الصب في البحر المتوسط او عمل خزانات صناعيه او بحيرات صناعيه طبعا خير الخير الموجود في سيناء من الفيروز والاحجار الكريمة والمنجنيز وخامات اوليه عديده م الأخر كده يا جماعة سينمناء لوحدها تستوعب اكتر من 10 مليون لوحدها بخيرها واللي فيها من ثروات لكن محتاجه توجيه حكومي وده عمره ما هيحصل طبعا نيجي بقى للتاريخ الحديث لسيناء ومنذ حرب الكتوبر 73 بعد نكسة 67 ودي صفحة حرب اكتوبر على الويكي برضة لاني مش عاوز ارغي كتير هنا http://ar.wikipedia.org/wiki/%D8%AD%...88%D8%A8%D8%B1 خدول بالكم من الارقام على الشمال تقريبا استشهد في الحرب 8528 قتيل لو اني اشك ان الارقام اكبر من ذلك لم احصل على معلومة اكيده حوول التكلفة ولكن تقريبا تجاوزت 200 مليار جنيه وقتها ( الجنية كان يساوي 2 دولار وكسر وقتها ) كل ده ليه علشان نرجع ارض مصر ليها اللي هيا ايييييييييييه سيناء طيب عملنا ايه من 73 لغايه 2010 في الجنوب شرم الشيخ وشوية تحابيش جنبها راس محمد وسانت كاترين والطور وراس سدر وكان قرية سياحية في الشمال العريش ورفح ( اصلا العريش ورفح مدن قديمة ورفح تنقسم نصفين قبل التقسيم الغربي الاهوج فاصبحت رفح فلسطينية ورفح مصرية والفاصل بينهم معبر رفح وسور سكل شائك ) ومصنع اسمنت سيناء بتاع دكتور حسن راتب وحاليا جامعة سيناء بتاعته غير كده مفيش حتى فوجئت من وقت قريب ان خط سكك حديد العريش ورفح القديمة من ايام الملك فاروق واني كنت فاكره لا زال يعمل حتى الأن فوجئت بزملاء من العريش بيقولو ان الخط اخره بئر العبد او يمكن قبلها كمان واحتمال يدخل تطوير قريب ويكمل لغايه العريش نيجي بقى للمهم كل الدوشة اللي انا عاملها دي ليه راجعوا الكلام تاني ارض خصبة مياه امطار غزية تحتاج فقط لعمل خزانات لها شعب مجتهد ومحتاج للتوجيه والدعم الحكومي طيب حصل ايه الارض احتلت عملنا ايه حررنا الارض دفعنا كام دم اكثر من 8 الاف شهيد ، وتوقف نمو اقتصادي 6 سنوات ( يعين خسارة سنوية اكثر من 90مليون جنية عائدات القناة لتوقها عن العمل خلال فترة الاحتلال ) + تكاليف الحرب تقريبا 200 مليار جنية ( قلنا الجنية بيساوي 2 دولار وشوية وقتها يعني كده وصلنا كتر من 700 مليار دولار ) طيب حصل اييييييييييييه ولا حاجة بعد 37 سنة من 1973- 2010 ولا حاجة بنشحت علشان نحل ازمة السيول اللي حصلت في 2010 والي ميعرفش ولا كان متابع حصلت ازمة سيول في سيناء اكثر تأثيرها في شمال سيناء ومدينةالعريش والناس اتشردت وطبعا الدولة متقدرش تعمل حاجة او مش عاوزة تعمل حاجة فتمت دعوة من بعض رجال الاعمال على رأسهم الدكتور حسن راتب بجمع تبرعات لاعانه اهل سيناء واعادة بناء البنية التحتيه في شمال سيناء تخيلوا خسرنا ما يقرب من 700 مليار دولار ويمكن اكتر وراح ضحيه اعادة الأرض اكتر من 8 الاف شهيد وفي الاخر بنشحت عليها علشان نعمرها رغم ان فيها خير كتير يعمل دوله لوحدها طيب من باب اولى بقى كنا سيبناهالهم يعمروها هما ونشوف حالنا احنا هنا وكنا نعمر الصحراء الغربية والا الشرقية والا حتى حلايب وشلاتين اللي فلقونا بيها وحل الخلاف بتاعها بينا وبين السودان  ( what)
__________________
ولا نقول إلا ما يرضي ربنا إنا لله و إنا إليه راجعون
|
|
#1603
05-12-2010, 03:57 AM
|
||||
|
||||
|
رد: أدب الرحلات
ولا انت ولا هو عشتو الحرب
انا عشتها وكنت عيل صغير وشايف الفرحة فى عيون الناس ووالدى كان كل يوم يشترى جميع الجرايد والمجلات وقتها يوميا من اهرام لاخبار لجمهورية لروزاليوسف لصباح الخير للمصور للاذاعة والتليفزيون ومكانش فيه تانى غير مجلة قذرة اسمها الكواكب وكان الشعب كله فرحان ومبسوط وحاسس بالعزة والكرامة ولما الجيش الثالث ربنا نجاه من الأسر كنا فى استقبالهم عندنا فى الزيتون وهما جايين بالقطار من السويس مرورا بعين شمس والمطرية والحلمية ثم عندنا وحتى رمسيس وكانت الجماهير كلها فى الشارع مستنياهم والزغاريد كانت فى استقبالهم وكان القطار ماشى على مهله وكنت اشوف الشباب الكبير لانى كنت عيل وقتها يجرى ينط على القطار وهو ماشى ببطء ويبوس العساكر ويديهم زجاجة شربات مكانش فيه بقى العصاير والبيبسى والكلام ده كان فى الكوكاكولا فقط وينطو تانى من القطار وكانت العساكر تضرب نار فى الهوا وقعدنا ييجى اكتر من 10 سنين بعدها كان القطار يجيب العساكر من كل انحاء الجمهورية ويركن عند البيت عندنا فى الزيتون تمهيدا لترحيلهم الى التجنيد جنبنا وكانو يقعدو كام يوم وكنا كلنا نطلع نديهم اكل وشرب ونملا ميه ليهم كانت حياة جميلة رغم ان مكانش فى رفاهية هذه الأيام كانت المية بتقطع كل يوم ساعتين او تلاتة وكنت املا الجركن من حنفية كانت معمولة مكان كوبرى العربيات بتاع الزيتون ونجيب اللحمة من الجمعية نقف طابور عليها بالساعات وندى الجزار شلن علشان يخف الدهن شوية وبلاش المواسير ( العضم ) ولما السكر ينزل كنت اجرى انا وواحد جارى على الجمعية كان هو قوى البنيان وكنت اشيله وارميه فوق الناس فيكون فى اول الطابور ويجيبلنا احنا الاثنين 2 كيلو سكر وكنا نقف من الفجر ادام عمر افندى علشان ناخد الكستور (نوع من القماش الشتوى ) كنت بروح الجامعة مدلدل من شباك الاتوبيس او متشعبط على سلم القطار ومكانش عندنا تليفزيون وكنا انا وكام واحد من الجيران نتلم علشان نشوف مسرحية مدرسة المشاغبين عند واحد جارنا او ماتشات الاهلى وكانت امه تبقى فرحانة بينا وتجيبلنا اكل وساندوتشات والشاى ولما ماتش الاهلى ييجى واحنا نتكسف نروح لاننا كنا هناك من كام يوم بنشوف الماتش اللى فات كانت تبعته ينادينا ويجيبنا بالعافية كانت حياة صعبة لكن ايام كانت جميلة وكلها عزة وكرامة لكن كان الواحد مبسوط والله انا هعيط وانا اتذكر هذه الأيام الان النهاردة معايا عربية وتليفزيون وكومبيوتر ومعظم متطلبات الحياة اصبحت سهلة ولكن علاقات الناس اصبحت صعبة والحياة اصعب واما قطار سيناء فهو كان قديم فعلا من أيام الملك لكن اللى متعرفوش سيادتك انت وجاد ان زمان كنت تقدر تركب القطار من تونس تنزل بيه فى الحجاز والناس الأغنياء كانت تركب القطار وتروح تحج ولما اخدنا سينا وصلو القطار الى العريش مرورا برمانة وبلوظة وبئر العبد لكن اهملوه عن عمد لان اسيادهم طلبو عدم تعمير سينا وطبعا اتسرقت السكك واتباعت بالطن كخردة وأما الحرب فدى حكاية طوييييييييييييلة شفتها بعينى وسمعت الناس اللى حاربت ورجعت وحكاياتهم اللى تشيب عن الحرب لك الله يامصر ولنا الله من قبل و من بعد
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 05-12-2010 الساعة 04:10 AM
|
|
#1604
05-12-2010, 04:59 AM
|
||||
|
||||
|
رد: أدب الرحلات
المقالة (13)
انا مصرى الواد محمد على الله يهديه رجعنى 37 سنة لورا ونكشنى هو وجاد وفكرونى بايام العزة والكرامة فترة السبعينات ايـــــــــــــــــــــــ ــام الســـــــــــــــــــادا ت كنت ولازلت اعتز انى مصرى حتى ولو أصل عيلتنا من الشام ومن حلب تحديدا ووصلو مصر من اكتر من 500 سنة وعاشو فى جبال الصعيد كنت ولازلت اعتز أنى مصرى رغم الانهزامية الواضحة فى عيون شباب اليومين دول كنت ولازلت اعتز انى مصرى برغم كل شىء مالح ووحش ومر فى حلوقنا لكن مصر مالهاش دعوة ابنائها اللى بيحكموها هما السبب هما اللى سرقو البسمة هما اللى سرقو الضحكة هما اللى سرقو الفرحة هما اللى قلبوها مأتم كبير هما اللى طفو (أطفـأوا ) شمعة الطموح هما اللى قتلو العبقرية المصرية هما اللى قتلو الذكاء المصرى هما اللى رسمو الحزن على الوجوه وفى القلوب وهنا تحضرنى ابيات قديمة لكنها متجددة قوم يامصرى .... مصر دايما بتناديلك خد بنصرى .....نصرى دين واجب عليك (دين / دين يا أنهزاميين يامحبطين ) يوم م سعدى راح .....هدر قدام عينيك عد ..لى (رجعلى )مجدى .....اللى ضيعته بأيديك شوف جدودك......فى قبورهم ليل نهار من جمودك..... .كل عضمة بتستجار(بتستغيث ) فين أثارك .... ياللى دنست الأثار دول بنو لك مجد ......وانت فت (تركت ) العار شفت اى بلاد يامصرى فى الجمال تيجى زى بلادك اللى ترابها ...مال ( فــلوس ) نيلها جاى السعدمنه ...حلال بلال (مباح) كل حى يفوز برزقه وعيشته عال العال يوم مبارك تم لك فيه السعود (السعد ) حب جارك قبل م تفكر ....تحب الوجود يعنى ايه نصارى ومسلمين واللا يهود(وقتها كانو عايشين هنا ) دى العبارة نسل واحد .....من أيا م الجدود ليه يامصرى كل احوالك عجب تشكى فقرك وانت ماشى فوق دهب مصر جنة طول مافيها .....انت يانيل عمر ابنك م يعيش أبدا ذليل يوم مبارك تم لك فيه السعود حب جارك قبل متفكر .....تحب الوجود يعنى أيه نصارى ومسلمين واللا يهود دى العبارة نسل واحد .... من أيام الجدود تصوروا هذه الأبيات قيلت سنة 1919 لتحفيز الشعب للنضال والكفاح ضد الانجليز المحتلين تصوروا هذه الأبيات تنفع توصف حالنا بعد 91 سنة من تأليفها انا عارف وواثق مليار فى المية ان 98 % من الذين قرأو هذه الأبيات لم يكونو يعرفون انها بهذا الجمال وكلهم يعرفون اول بيتين فقط والباقى وهو اهم من هذين البيتين اجمل واجمل بكتييييير نعم لدينا مشاكل بالهبل وبالعبيط نعم انا شخصيا لا تنتهى من عندى المشاكل ابدا (احمد كروزير شاف بيتى وحضر بعض مشاكلى ) نعم رغم 25 سنة من الكفاح المتواصل ليل نهار لازلت أبدأ من جديد نعم حبسونى وضايقونى وسرقونى وتحولت من صاحب شركة لديه اكتر من 35 موظف الى تاجر يعمل لحسابه بسبب سرقاتهم نعم ابنى الذى احبه كثيرا توفاه الله ابن 7 سنوات نعم توفت ابنتى الصغيرة فاطمة فى الشهر الرابع نعم عانيت وقاسيت وتعبت نعم لا املك شقة ولاقطعة ارض ولا مزرعة ولا فلوس فى البنك نعم بدأ بساط العمر ينسحب من تحت قدمى ولم افعل شىء مادى لابنتى سلمى ولم اترك لها سوى عناية الله ورسوله نعم ورغم انى لا أملك كل ذلك ومع ذلك أرى من حولى ابناء عز و....وز...وسرور ..وشرور وجمال ملوش مثال ....ينعمون بخيرات بلدى وحدهم وتركونى اعض بنان الندم على انى لم أكن مثلهم او من حاشيتهم او من حملة المباخر لهم لكن ورغم كل هذا الشقاء فيك يابلدى الحبيب أقول ليس لك ذنب يابلدى الحبيب بل ذنب من سرقونا ونتفو ريشنا وكسرو عضمنا وذنبنا أيضا اننا تركناهم يسرقونا ويعيثون فيكى فسادا ياأجمل بلاد الأرض ولذلك أقول الى جميع السادة الانهزاميين المحبطين المكتئبين السوداويين عفوا انا مصرى ................. وأفتخــــــــــــــــــــ ـــــــــــــر ورغم كل ذلك وفوق كل ذلك الى آخر عيلة ذلك كلها اقولها بالفم الملياااااااااااان أنــا مصــــــرى وأعــتــــز وأفــتـــخـــــر
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 05-12-2010 الساعة 05:43 AM
|
|
#1605
05-12-2010, 10:53 PM
|
||||
|
||||
رد: أدب الرحلات
ربنا يكون في عونك دايما و يعوضك خير
الراجل كاتب كلام يبكي و انت داخل تهزر حسبي الله و نعم الوكيييييييل 
__________________
حـازم خـضـر
|
 |
|
|
