|
#1466
14-11-2010, 10:11 PM
|
||||
|
||||
رد: أدب الرحلات
للاسف المسجد الوحيد هناك هو اللى حصل عنده الكلام ده
ولما حبيت اصلى فى اى مكان قريب لم يكن الا مسجد عمر مكرم بميدان التحرير طبعا اكيد فيه مساجد صغيرة بس انا مشفتهاش لانى سايق عربيتى وكل م اجى اركن الاقى واحد طلع لى جرى / ممنوع يااستاذ وطبعا وصلت ميدان الدقى وعبرت النيل بقيت فى التحرير جنب عمر مكرم وهناك امام المسجد فى كمين (قصدى جراج تحت الأرض) تنزل بالعربية ب6 جنيه الساعة الأولى وطبعا دخلت صليت وانا مش فاهم وقريت شوية قرآن وخرجت اتارينى غبت ساعة و5 دقايق ب11 جنيه وانا فاهم انه تبع الحكومة الساعة الاولى ب175 قرش والتانية ب1 ودفعت ال11 جنيه ومشيت وهو فعلا تبع الحكومة بس برضه اللى يخشوه لازم يبقو من الحكومة مش من الشعب 
|
|
#1467
15-11-2010, 05:51 AM
|
||||
|
||||
|
رد: أدب الرحلات
أبو موسى والرعية
فى يوم كنت قاعد فى البيت ومريح وواخد اجازة ومشترى دماغى من كل حاجة فى الحياة حتى التليفزيون والكومبيوتر كانو مقـفـولين والبيت ترمى فيه الأبرة ترن كل شىء هاااااااااااااااااااااااا اااااااااااادى ورن جرس الموبايل اخ خ خ خ خ خ نسيت اقفل الموبايل وببص لقيتها نمرة أبو موسى يادى الوقعة البيضا رديت عليه ازيك ياابوموسى .........عامل ايه ؟؟؟؟؟ والله بخير ...... فين انت ؟؟؟؟ ااااااااه ه ه ه ه هيعزمنى بالعافية ....... طب وده ههرب منه ازاااااااااااااى المهم قررت عدم الكذب انا فى البيت طيب تعالى عايزك خير ؟؟؟؟؟؟؟؟ يابوى تعالى نتغدى سوا .......انت وراك ايه ؟؟؟؟؟ مش اجازة النهاردة؟؟؟ وهيا الاجازة لازم اشوف وشك فيها ؟؟؟؟؟ وماله وشى ....ده انا احلى من حسين فهمى الممثل ؟؟؟؟؟ م انا عارف تعالى ومتتأخرش طلاج تلاتة بالله العظيم ......... قاطعته ياعم انا عايز انام ومشوفش الشارع ......ثم المواصلات بتاخد وقت طويل يعنى فيها 4 ساعات على م اجيلك حدايق الأهرام ( اول طريق الفيوم الصحراوى) يادوب نكون طبخنا ...... تعالى بجى متتعبنيش حاااااااااااااااااضر يامستبد ولبست ونزلت وركبت المواصلات وبعد رحلة شاااااااقة وصلت وبعد السلامات والطيبات سأ لنى / فين جمال ؟؟؟؟ فى بيتهم بيعمل ايه فى البيت الطويل الاهبل ده ؟؟؟؟ مجاش معاك ليه ؟؟؟؟ اهو يرتاح منى يومين يارجل متجولش أكده ....... هو انت يتشبع منك ....ده انا الود ودى اجيبك تسكن جنبى ربنا يخليك ياابو موسى ولقيته مجهز عربية جيب رانجلر بس موديل قديم شويتين اركب رايح فين ؟؟؟؟ يابوى أركب ماشى وركبت ومشينا ودخلنا على مزرعة كبيرة حوالى 30 فدان او اقل او اكتر على طريق الفيوم الصحراوى فيها من كل خيرات الله بسم الله ماشاء الله بتاعة مين دى ؟؟؟؟ بتاعتى يااخى ....اجل (اقل ) منها والا اييييه؟؟؟؟ ياعم انا بسأل ... اصل انا........ تانى مرة متسـأ لش هههههههههههههه مفيش فايدة مش هيبطل عادة انه يتكلم لوحده المهم دخلنا المزرعة وهو نازل شخيط فى ده وزعيق فى ده جوم (قوم) ياد.... فز.... معانا ضيف والعامل اتنطر وقام على حيله تحية للضيف وقلت له /اقعد كمل شغلك ....ملكش دعوة بيا ...انا ... قاطعنى ملوش دعوة كيف ؟؟؟؟ بجوللك (بقوللك) ايه ؟؟؟ انت هتيجى تخرب عليا العمال والا ا ايه ؟؟؟؟ ياعم انا مش عايز اعطله ...انا .... قاطعنى مليكش صالح (ملكش دعوة ) ..... انت مالك انت مفيش فايدة ....مدب ...لكن غلبان وطيب وبيحبنى ومشينا فى المزرعة انت يافجرى (فقرى)انت........ بتعمل ايه ؟؟؟ بجمع الجوافة يامعلم وانت ياغبى انت ؟؟؟؟ بجمع كذا يامعلم وانت يامغفل ............... وانت يابهيم ...................... والغريبة انه شايفهم بيعملو ايه .........ومع ذلك بيسألهم والأغرب انه بيسأ ل السؤال بصيغة الشتيمة ومحدش بيزعل منه لانهم عارفين ان دى طبيعته وقررت اصلح من حاله فقلت له / انت راجل كويس ومحترم وجدع ....م تبطل الشتيمة شوية دى مش شتومة (شتيمة بس بالصعيدى ) اومال دى أيه ده كلام عادى .... هو انت لو روحت الجسم (القسم / قسم الشرطة ) تفتكر هتلاجى الظابط بيضحك فى وش البنى آدمين ؟؟؟؟ وبيعاملهم كويس ؟؟؟ لأ اهو الظابط لو معملش اكده ..... الدنيا تخرب وهو انت هنا عايش فى القسم ؟؟؟ ده انت ......... كعادته نط فى الكلام هنا اكتر من الجسم (القسم ) لازم يشتغلو اكده اكده يعنى ايه ؟؟؟ طول النهار شتيمة ؟؟؟؟؟؟؟؟؟ بجوللك أيه ؟؟؟؟ متـخـوتـنـيـش (لفظ صعيدى معناه متقلبش دماغى / من الخوتة )خلينى اعرف اتفجد (اتفـقـد ) الرعية ههههههههههههه حلوة الرعية ده على اساس انك انت الحاكم هنا بحماس وبصوت عالى / أيوه اومال مش النبى جال (قال ) كلكم راع وكلكم مسئول عن رعيته ؟؟؟؟ أيوه طيب انا بتفجد الرعية ماشى ياعم تفـقـد براحتك وبعد معاناة مع العمال عدنا الى العربية الجيب وكان محملا باقفاص من اشياء كثيرة ودخلنا البيت وطبعا كالعادة وليمة ضخمة واكلت كتير طبعابعد ضغط جبار من ابو موسى لانى من النوع اللى مبحبش آكل لحد بطنى م تتنفخ لانى مبعرفش امشى وبحس بالغباء المتراكم لعدة سنوات بعدها وانا ماشى حدثت المفاجأة خد الأجفاص (الأقفاص ) دى معاك (حوالى 4 اقفاص تقريبا او 5 ) ربنا يخليك ياابو موسى ....اشكرك تشكرنى ده أيه .... انا عنتكلم (بتكلم ) بجد بجد ازاى ؟؟؟؟؟ مش ممكن طبعا.........هشيل كل ده ازاى ؟؟؟ (لم يكن معى سيارة وقتها ) معرفش اتصرف هو انت ترازينى وتقول ....... مقاطعا لى كعادته مفيش مرازية ....... دى حاجة بسيطة .... طلاج تلاتة بالله العظيم ....... خلاص ياعم بيمينك الدوبل ده دوبل يعنى ايه ؟؟؟؟ اوعى تكون شتومة ؟؟؟ لا يعنى يمينين مع بعض ماشى وطبعا كل م اوقف تاكسى علشان يروح الزيتون ميرضاش ولقيت ابو موسى قال / انا هوجف لك الملاعين دول هتعمل ايه ؟؟؟ مليكش صالح (ملكش دعوة ) ودخل بيتهم ....ورجع ومعاه البندقية وأول تاكسى شافه جاى من بعيد راح واقف ادامه فى الطريق .... ورفع البندقية فى وشه وشخط فيه / انزل ياد والسواق ياعينى نزل رافع ايديه وافتكرنا عصابة انا / بتعمل ياابو موسى ...مش بالشكل ........ قاطعنى اركب واسكت هههههههههههه .....حاضر وشخط فى السواق / تودى الراجل ده مطرح م يجوللك وانا خدت نمرة العربية ....ولو جه اشتكى لى منك طلاج تلاتة بالله العظيم م انت جاعد فيها تانى السواق / هيا ايه اللى مش هقعد فيها تانى؟؟؟ بصرامة / الدنيا وخاف السواق وقال /حاضر يامعلم حسابك كام؟؟؟؟ اللى تجيبه خد 20 جنيه اهى وتوديه مطرح م يجول (يقول ) حاضر واخدها السواق ونزل فيها بوس وركبنا وطول السكة والسواق ياعينى عرقااااااااااااان وخايف مالك يااسطى مشفتش قريبك ده عمل ايه ؟؟؟؟ معلش ده غلبان خالص ... بس هو عصبى شوية ده زعيم عصابة؟؟؟؟؟ هههههههههههه لا........ صعيدى متفرقش واخيرا وصلنا الزيتون بعد معاناة عايز فلوس تانى يااسطى ؟؟؟؟ كتــر خيرك ....قريبك ادانى كتير لكنه كان يوما مثل سائر أيام أبوموسى خليط من العصبية والكرم والضحك التعديل الأخير تم بواسطة خالدخليفة ; 15-11-2010 الساعة 06:21 AM
|
|
#1468
15-11-2010, 06:09 AM
|
||||
|
||||
|
رد: أدب الرحلات
ههههههههه
والله ابو موسي دا طلع مسخره ناس من النادر وجودهم الزمن دا زيك كده يا خالد باشا ما تعرفني علي ابو موسي دا خدني انا و احمد بدر هناك 
__________________
حـازم خـضـر
|
|
#1469
15-11-2010, 06:23 AM
|
||||
|
||||
|
رد: أدب الرحلات
كل سنة وانت طيب ياحزوم
انت فين ياعم من زماااااااااااااان وبعدين مهما عملت انت واحمد بدر مش هتلاحقو على ابو موسى ده بيعمل كميات اكل رهيبة كأن اللى جايين دول ناس م اكلوش بقى لهم سنوات تصور وحشنى ابو موسى لكن بقى له مدة بايع الارض ومش عارف راح فين
|
|
#1470
15-11-2010, 07:27 AM
|
||||
|
||||
|
رد: أدب الرحلات
الرائد /حسن
ضابط شرطة قابلته فى القطار محترم ومؤدب وابن ناس جدااااااااا جاء حجز مقعده بجوارى وكنت ذاهبا الى قنا وكان مسافرا الى سوهاج ليتسلم عمله هناك وكان نقيبا وحين تمت ترقيته الى رائد نقلوه الى سوهاج ونظرا لانى اعرف الفكرة الخاطئة لدى القاهريين وابناء الوجه البحرى عموما عن ان الصعيد الجوانى هو منفى المغضوب عليهم والضالين من موظفى الدولة فسألته /وانت اتنقلت سوهاج ليه ؟؟؟؟ عملت حاجة مش كويسة ؟؟؟ لا... طبعا.... لكن كل ظابط لازم يخدم فى الصعيد.... والا مش هيوصل لمناصب قيادية كانت أول مرة اعرف هذه المعلومة طيب واذا رفض تنفيذ النقل ؟؟؟ بيتحاكم .... وغالبا محدش بيرفض ....لانها بتبقى عيب فى حقه.... ويتهم بالجبن بين زملاؤوه ثم وصلنا سوهاج بعد ان صرنا اصدقاء وتبادلنا ارقام التليفونات واكملت رحلتى الى قنا ثم تمر اكثر من سنتين على هذا اللقاء ونسيت الموضوع وفوجئت باتصال تليفونى مين حضرتك العقيد حسن أؤمر حضرتك مش انت خالد ؟؟؟؟ أيوه طيب انا العقيد حسن العقيد حسن مين يافندم اللى قابلتك فى قطار الصعيد من حوالى 3 سنين و...و....و......... اااااااااه ه ه ه الرائد حسن ازيك ياباشا رائد مين ياصعيدى ........م انا اترقيت ..... من بدرى عمال بقول لك العقيد حسن ... العقيد حسن لامؤاخذة ياباشا م اخدتش بالى تعالى لى نقعد شوية ........انا رجعت القاهرة ماشى اجيلك فين ؟؟؟؟؟؟؟ فى قسم كذا انا رئيس المباحث هناك ماشى ثم وصلت وسألت عليه ..... ودخلت مكتبه سلم عليا بحرارة واخدنى بالأحضان واحنا قاعدين بنشرب الشاى دخل العسكرى ال2 اللى طلبتهم واقفين بره ياباشا دخلهم والتفت اليا .... لامؤاخذة ياخلود هنشغل عنك 5 دقايق بس خد راحتك .....انا هقوم امشى تمشى ده ايه ..... هما 5 دقايق وهفضى لك ودخل علينا 2 واضح جدا انهم مقبوض عليهم وسأ لهم / انت ازاى ياد انت وهو تبيعو مخدرات فى دايرتى انتو اتجننتو يا.......انت وهو وقبل ان يردو عليه قال / انتو فاكرينها سايبة يا........ يا.........يا............ ...ياولادالـ ..... ياولادالـــ ثم نزل فيهم ضرب بعصاية كانت عنده ولما أدركه التعب نادى العسكرى خد ولاد الـ........ دول حطهم فى حبس انفرادى لحد م اروق لهم وللحق الموقف كان بشعا .......وكنت مذهولا...... فهذا الانسان المحترم الذى عرفته فى القطار منذ 3سنوات لايمكن ان يكون هذا الوحش الكاسر ولاحظ نظرات الدهشة فى عينيا فابتسم وعاد هادئا كما كان وكأنه لم يضرب 2بعصا اغلظ من الشومة بشويتين ولاقال كل هذا السيل من الشتايم ثم قال / متاخدش ف بالك ده شغل وتذكرت كلمات أبو موسى حين تحدث عن ان الظابط لايقابل الناس بابتسامة بل ويعاملهم أسوأ معاملة والا الدنيا تخرب اخرجنى من تفكيرى وقال / تعالى نقعد عندى فى البيت شوية معلش مش هقدر والله لايمكن انت واحشنى م شفتكش من زمان ماااااااااشى وذهبنا الى البيت وبعد شرب الشاى عرفنى انه بنى مسجدا لله لكى يصلى فيه الناس والحمد لله المسجد انتهى على خير وباقى افتتاحه على رمضان ان شاء الله الف مبروك ياباشا وربنا يجعله فى ميزان حسناتك واثناء الحديث جائه تليفون ازاى الكلام ده ؟؟؟؟ انا جاى حالا تحفظو عليهم .... لحد م اجى طيب ياحسن بيه ..... انا همشى واسيبك لشغلك ياراجل لايمكن...... انا رايح الجامع اللى بنيته ........وفرصة افرجك عليه وذهبنا سويا الى هناك وجدنا هيصة وناس كتير واقفة ايه الموضوع مسكو 2 حرامية جوه الجامع ونظرا لان بانى المسجد هو رئيس مباحث فاتصلو به شخصيا العقيد حسن /هاتوهم بره الجامع وخرجو بهم بجوار سور المسجد وزنقهم فى كورنر وهااااااااااااااات ياشتيمة مصحوبة بضرب ياولاد ال....ياولاد ال....ياولاد ال...... ثم وجعته ايده فأمر باحضار عصا غليظة ونزل فيهم ضرب فى كل حتة وصعبو عليا فقلت له / مش هم مقبوض عليهم آه طيب يبقى يتحبسو وخلاص بدل م تتعب نفسك قال / هياخدو شهر حبس ويخرجو لكن العلقة دى هتعلمهم انهم ميعملوهاش تانى ثم بعد ان كسر العصا عليهم أمر باحضار عصا اخرى وربط رجليهم ومدهم على رجليهم حتى تورمت اقدامهم واصبحو لايستطيعون المشى او الحركة لكنه اعطاهم الامر بالقيام فتحاملو على انفسهم وقامو وركبو ميكروباس كان قد استوقفه احد الامناء وذهبو بهم الى القسم ثم وجدته معى اصبح شخصا اخر بعد 5 دقائق أيه الانفصال الشبكى ده وسأ لته / حضرتك انسان طيب ومحترم وابن ناس وانا عارف ده..... ليه بقى الشتيمة والضرب؟؟؟؟ فاجأنى بــ...رده / ده شغل ولو معملتش كده هيتقال عليا ظابط خيخة (سيس /فرفور ) وتعجبت وسكتت لكن وبصراحة بعد هذا اليوم ذهبت الى منزلى وتعمدت الا اقابله مرة ثانية فأنا لا اتحمل هذا على البشر حتى ولو كان الانسان مخطئا فهو له عقاب رسمه القانون وليس بهذه الطريقة ورغم انى سألت عليه بعدها فوجدته انسان محترم ويعمل خيرا كثيرا وخدوم لكن اسلوب عمله هذا يعتبره شغل غريـــــــبــــــــــــــ ة
|
 |
|
|
