FIAT 131 الاسطوره

[hazem_khidr]

المشاركة الأصلية كتبت بواسطة MANDO09 شكرا أستاذ/ حازم على الموضوع المتميز الميرافيورى عربية من عالم تانى

العفو يا باشا و اتمني يكون الموضوع عجبك
الميرافيوي معجزه عصرها فعلا

المشاركة الأصلية كتبت بواسطة العراف انا اشتريت بالفعل يا استاذ حازم ال131 الايطالي موديل 82 بس محتاجه شوية تظبيط اكسدامات خلفي وامامي وطبلوه وشوية حبشتكنات وتبقى تمام تفتكر الحاجات الاصليه موجوده فين؟؟ على طريق المحله؟؟ ياريت توصفلي حد كويس وامين........... واشكرك على موضوع الفيات الجميل الشامل ده

اهلا بيك يا عراف واضح كده انك من طنطا
ممكن تلاقي في سكه المحله خصوصا ان معظم التاكسيات في طنطا 131 و 124 و بالتأكيد حتلاقي قطع غيار لها بس حتبقي غاليه شويه نظرا لندرتها

المشاركة الأصلية كتبت بواسطة moslem2 ياااااااه عالفيات وحبنا ليها وصوت ماتورها , بيتهيألى يا أستاذ حازم ان سر حبنا للفيات هو الذكريات الجميله معاها او علشان بترجعنا لايام حلوه زى كده مابنتفرج على مسلسل قديم ليالى الحلميه او رافت الهجان واعلانات زمان بتاعة الشمعدان وسافو الى بدخل ادور عليها عاليوتيوب,,وافتكر من حوالى 14 سنه او اكتر كان بينزل عربيات فيات استيراد ( موافقه استيراديه) مش عارف كانت استعمال خارج ولا ايه بس كانت بتبقى فابريقه و زى الزيرو تمام وكانت بتنزل فى اسكندريه وبورسعيد مش عارف حد فيكوا فاكر الموضوع ده؟؟لان ابو واحد صاحى كان شارى واحده 131 استيراد كانت تحفه ولونها كان فزدوقى

معاك حق يا مسلم الواحد عنده حب و حنين للفيات لما بتبقي بحالتها و صوتها فعلا بيخليك مبسوط وانت بتسمعه و بتعرف العربيه من صوتها من غير ما تشوفها!!!!
وكان فعلا فيه عربيات بتيجي موافقه استيراديه بس كانت غاليه شويه علي الرغم من احلتها الممتازه زي الفيات 125 الايطالي موديل 72 كانت بتنزل استيراد سنه 1994 ب25 الف جنيه في الوقت اللي اللادا كانت بحوالي 40 الف جنيه وقتها و كان لها مشتري يقدرها!!! و برضه نفس الشئ بالنسبه لل 131 خصوصا ان كان فيه منها كتير معاقين في بورسعيد وكان اللي يفك حظر عربيته بعد حمس سنوات بيبيع و هو فخور انه معاه 131 استيراد

المشاركة الأصلية كتبت بواسطة DR_ALIMO موضوع جميل ومفيد ومشكور على العرض الرائع للسيارة 131

شكرا ليك علي مرورك يا اليمو

المشاركة الأصلية كتبت بواسطة احمد كابوة موضوع جامدددددددددددددددددددددد ددددددددددددددددددددددددد دددددددددددددددددددد

الله يخليك يا ابو حميد

[hazem_khidr]

المشاركة الأصلية كتبت بواسطة MEDO_95 الف شكر يا حازم

العفو يا ميدو

المشاركة الأصلية كتبت بواسطة saadelden محدش عنده اسطوره للبيع انا قاعد ادور ف السوق مش لاقي الفتره الي فاتت دي العرض قليل جدااااا بس ربنا يوفقني بكرا و الاقي حاجه

ربنا يكرمك و تلاقي عربيه نضيفه

المشاركة الأصلية كتبت بواسطة kira عربيه محترمه فى وقته لكن لكل وقت أزان .تقرير مبهر.

معاك حق يا كيره لكل وقت اذان فعلا و احلي الاوقات كان وقت السبعينات

المشاركة الأصلية كتبت بواسطة hisham750 الله ينور يا استاذ حازم معلومات قيمة وتاريخ فعلا يستحق التقدير اخويا معاه 131 موديل 84 الماني بموتور 1600 زي بتاع لانشيا وفتيس اتومتك عربية فبريقة حتي الان مرشتش وجنوط اسبور بتعتها القديمة وصالون رائع بفرش الارضية بتاع بلدها وكذلك الشنطة بفرش بلدها عربية تحفة بحاول ادور علي واحدة زيها مش لاقي يريت لو حد ادامه عربية 131 كويسة يقولي

للاسف مش حتلاقي يا استاذ هشام
انا شايف واحده بالمواصفات اللي بتقول عليها دي و كنت مش مصدق نفسي و لولا زنقه المصاريف اللي فيها كنت سألت علي صاحبها و شوفته بيبعها ولا لاء
عربيه فاربيقه بمعني الكلمه و اكصداماتها حتي مشمدهونه ولا مريحه عن العربيه!!
ربنا يبارك له فيها

[محمد فيصل]

استاذ حازم الف شكر لقد عدنا معك الى اجمل الذكريات مع احلى العربيات
131 سيارة اسطورة فعلا
من الصعب ان تظل الاسطورة فى الوقت الحالى لندرة قطع الغيار الاصلية

[ابو جودة]

مشكورررررررر

[حسام البورسعيدى]

مواضيعك كلها ميه ميه يا باشا وموضوع ممتاز تسلم ايدك ....