الحمد لله تعالي عملت حادثة بالسيراتو 2011

[absat]

عملت حادثة يوم الوقفة الساعة 1ونص ظهرا وكان سببها اني كنت ماشي في طريقي عادي والطريق مزدوج وفجاة لقيت واحد بموتوسيكل بيعمل يوتيرن من فتحة من الناحية الشمال المهم اديته كلاكسات برضه طلع رحت حدفت يمين علشان افاديه لقيته بعد مالف ومسك شماله اول ما قربت منه راح داخل عليا يمين برضة وقفل الزاوية بيني وبينه فاضطريت احدف يمين اكتر وفديته بالعافية وفجاة لقيت اللعربية موجت ولبست في الاخر في جرار زراعي وبستر ربنا ثم فتح الايرباج جت سليمة وشوية خرابيش بسيطة اما بالنسبة للعربية فاتدمرت من قدام اكصدام وفوانيس وصدر وكمرة اكصدام وكمرة(قنطرة)موتور ورادياتير وسربنتينة تكييف وكبود ورفرف شمال امامي ومقص غيران الايرباج فتح والحزامات كلبشت ولمبة نور التابلوة اتخلعت من مكانها المهم ان اسعار الحاجات دي في التوكيل من غير الايرباج حوالي 20000عشرين الف جنيه غير المصنعية وبره حوالي15الف سؤالي بقي هل لو حبيت اصلح الايرباج وارجعه فعال زي ما كان ده يستلزم التوكيل ولا فيه حد بره بيعمله كويس وهل يلزم تغيير التابلوه بالكامل واذا اتخذت خطوة تغيير التابلوه هل ينفع اغيره بواحد خليجي اللي فيه التكييف والكاسيت تاتش ولا ميركبش عليه

اولا حمد لله علي سلامتك وقدر الله وما شاء فعل وفداك مليون عربية

المهم دلوقتي لو فرق التكلفة بين التوكيل وبره التوكيل كدا يبقي اعملها في التوكيل احسن اولا لان بره التوكيل مش هتتعمل زي ما هتتعمل في التوكيل وكمان مش هتعرف تحسب اللي هيتعمل فيها بره التوكيل لانها ممكن تفتح معاك في اي حاجه تانية غير انك مش هتبقي ضامن العربية هترجع زي الاول ولا لا خليك في التوكيل وسلم امرك لربنا هتعمل ايه نصيبك كدا معلش

وبالنسبة للايرباج انا اللي اعرفه ان التوكيل هو اللي عنده امكانية ارجاعه وعلي ما اعتقد ان تكلفته بتكون عالية اوي يعني انا شوفته في النيسان كان علشان يرجع الايرباج طلبوا 9000 جنيه

[pharm45]

ياستار يارب...قدر الله وما شاء فعل وربنا ستر وحمدا لله على سلامتك...انا أى لفة يوترن بهدى خالص لانى ما أكثر الحمير اللى مش بتهمها حاجة...انا مرة كنت ماشى فى طريق سريع والعربية على 90 كم ومرة واحدة لقيت أتوبيس عاوز يلف وداخل بسرعته وانا شغال كلاكسات وفلاشر مفيش خالص ضربت فرامل مرة واحدة كنت هلبس فيه وهو ابن التييييت داخل ولا همة...بعد كدة خد بالك من الحمير لان الغطة بتبقى من غيرك مش منك...كنت تهدى خالص وتسيبه يعدى على مهله ومتزنقش نفسك جنبه وهو بيلف..عموما قدر الله وماشاء فعل والحمد لله انك سليم...يفضل الاصلاح فى التوكيل لان الحاجات عندهم أصلية غير جودة التركيب والاصلاح غير انك فى الضمان يعنى لو فى حاجة هما هيركبوهالك وطلعت بايظة بعد كدة تقدر تغيرها فى أى وقت لكن برة صعب...

[احمد الشناوى1981]

قدر الله و ما شاء فعل
ياريت حضرتك تسأل على الربع الامامى كامل بكام لأنه ممكن يكون اوفرلك بكتير و ان شاء الله خير

[cmatcho]

المشاركة الأصلية كتبت بواسطة احمد الشناوى1981 قدر الله و ما شاء فعل ياريت حضرتك تسأل على الربع الامامى كامل بكام لأنه ممكن يكون اوفرلك بكتير و ان شاء الله خير

+1111111111