موسوعة أعطال اللانسر

[ahmad kandil]

المشاركة الأصلية كتبت بواسطة WESAM_SOBHY تحية طيبة لجميع الأعضاء , انا سيارتى بومة سوبر اكشن 2007 مانوال , عملت من شهر صيانة 80 الف وغيرت الأتى : طقم سيور وبلية - وفلتر بنزين وهوا وزيت - وبيجوهات ركبت 3 شمعة - وغيرت ريت ماتور - والميكانيكى نضف البوابة , المهم بعدها بيومين لاقيت فجاة الأر بى مى بيعلى لـ 3 ويوطى لوحده ويكررها كذا مرة لحد لما ابطل العربية ولما اجى ادور تانى بلاقيها مبدورش على طول لازم استنى عليها شوية وادور , سواء العربية سخنة او باردة وبينها علاقة مرتبطة بمروحة الرداتير , يعنى الصبح لما اسخن فى الجو ده بلاقى المروحة تشتغل حوالى 5 ثوانى وتفصل والعربية بارده , وبعد ما تسخن الأر بى ام بيبقى مش ثابت بيتهز سنه فوق وسنه تحت والعربية بتحس انها مش على وتيرة واحدة بتلاقى رعشة كده كل 10 ثوانى , وفيه ميه خارجة من الشكمان ده طبيعى من قبل كده قبل متحصل المشكلة ديه , المهم انا نضفت كل حاجة من حساس لبوابة لأيدل لفصل البطارية يوم كامل واعادة الليرن , الغريبة انها مش بتحصل على طول بيبقى كل يومين او 3 ايام بيعلى الأر بى ام لـ 3 بغباء, وبحس ان العربية مش مظبوطة , وياريت تساعدونى او تدلونى على فنى عنده جهاز تشخيص اعطال السيارة يكون فى الجيزة او الهرم

بص انا كان عندى نفس المشكله بالظبط
الميكانيكى قلى فيه مشكله فى الاسيراتير غيرته وجبت واحد استيراد المهم المشكله لسه موجوده فى الدواره ختى لو هيا سخنه بتدور بعد مرتين تلاته لو انا بطلتها المهم قالى فى مشكله فى حساس العمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
قالى هاكشف عليه لو فى مشكله نغيريه قلتله ماشى
المهم مفيش نتيجه مع حساس العمه
المهم فى الاخر خالص قالى انا جبت كمبيوتر بتاع عربيه تانيه وجربته والعربيه بتدور على طول وصوتها نعم
جربت انا بعد تغييير الكمبيوتر والعربيه الحمد للله بتدور على طول حتى لو سخنه اوبارده

[WESAM_SOBHY]

المشاركة الأصلية كتبت بواسطة ahmad kandil بص انا كان عندى نفس المشكله بالظبط الميكانيكى قلى فيه مشكله فى الاسيراتير غيرته وجبت واحد استيراد المهم المشكله لسه موجوده فى الدواره ختى لو هيا سخنه بتدور بعد مرتين تلاته لو انا بطلتها المهم قالى فى مشكله فى حساس العمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ قالى هاكشف عليه لو فى مشكله نغيريه قلتله ماشى المهم مفيش نتيجه مع حساس العمه المهم فى الاخر خالص قالى انا جبت كمبيوتر بتاع عربيه تانيه وجربته والعربيه بتدور على طول وصوتها نعم جربت انا بعد تغييير الكمبيوتر والعربيه الحمد للله بتدور على طول حتى لو سخنه اوبارده

شكرا يا سيدى وربنا يعينا على الميكانيكيا , المهم انا عندى مختلفة شوية مش على طول بتحصل زى متقول العربية راكبها عفريت يعنى دلوقتى بقالى 4 ايام معملتش حاجة ومستنى لما اشوف ايه الحكاية بالظبط تقريبا اخر مرة فصلت البطارية ليوم كامل ووصلت ودورت ممكن كان عيب فى السوفت وير للحساسات وظبط مش عارف لسه المهم فات 3 ايام ولا حس ولا خبر , تقريبا العيب فى حساس البوابة وانت متابع ولو حصلت تانى حطلب المساعدة ولو محصلتش تانى يبقى كان عيب فى برنامج اشارة الحساسات وظبط لوحده , وياريت تحضرولى عناون جهاز كشف اعطال السيارة فى مكان قريب من الجيزة , محدش عارف

[WESAM_SOBHY]

نفس المشكلة اتكررت مرة اخرى مع رعشة متقطعة على السلانسيه وبالعين المجردة الناتور فيه رعشة , ونفس الحكاية مروحة الرداتير تشتغل فى الأول وبعدين الأر بى ام يبتدى يعلى ويوطى

[هشام الشيخ]

السلام عليكم ورحمة الله وبركاته ---------- معى لنسر اوتو1600 ____2007 كانت تمام رحت أغير الزيت وقلت بالمرة للميكانيكى (اللى طلع تعبان)ينظف الحساسات علشان لم تنظف منذ شراءها فى 10 --2012 وبعد مانظفها بمزيل الصدأ والعربيه لم تعد الى حالتها ال rbm اتلخبط وبيبقى بين الصفر والواحد وتبطل فجأة ولوشغلت التكيف ينزل المؤشر قرب الصفر وترجرج رحت لميكانيكى تانى فال العربيه مافيهاش حاجه والحساس الرئيسى طاله مزيل الصدأ وامشى بيها شويه وهو هيرجع لحالته مشيت حوالى 50ك وحتى الآن زى ماهى السؤال هل الكلام ده مظبوط وممكن الحساس يجمع نفسه من تانى ؟وكمان فصلت العربيه من البطاريه زى ماقال __ من فضل الأخوة الكرام محتاج النصيحه ضرورى__ وجزاكم الله كل خير

[هشام الشيخ]

على العموم مش هبقى بخيل وهقول اللى حصل لكى يستفيد من التجربه من يبحث عن نفس المشكلة كلام الميكانيكى التانى طلع صح مشيت حوالى 500 ك واشتغل والحمد لله