موسوعة أعطال اللانسر

[hazem_khidr]

المشاركة الأصلية كتبت بواسطة emad1980 طب يا جماعة انا معايا لانسر كريستالة 98 مواصفاتها بور - زجاج كهرباء - تكييف - جنوط - الموتور 1300 - االون زيتى عيوبها رشة بره - الموتور محتاج طقم شنبر عشان بتاكل زيت ركبتالها موتور استيراد من حوالى 4 سنوات - ومن سنة ركبت ليها كربراتير استيراد و كمبروسور تكييف استيراد ورخصتها باسمى و تنتهى فى يناير 2011 ممكن حد يقولى بما يرضى الله العربية تجيب كام عشان عايز ابيع و اجيب لانسر حديث بس بما يرضى الله عشان مش بحب الفصال كتير بحب اكون دوغرى علطول وشكراً

بالحاله دي تعمل 45 الف جنيه

[emad1980]

المشاركة الأصلية كتبت بواسطة hazem_khidr بالحاله دي تعمل 45 الف جنيه

انت بتتكلم جد انا حاسس ان السعر ده كتير اوى
ده فيه ناس بتقول 30 الف و كلام من ده
ارجوك فيدنى

[hazem_khidr]

30 الف؟؟!!!!!
علي كده الاكسنت تتباع بكام ب 15 بقي ولا ايه؟؟
سعر الكريستاله في السوق من 42 الف الي 58 الف جنيه
حسب الحاله و الموديل و حاله الدواخل و الكماليات

[emad1980]

طيب دلوقتى انا الوجيهات بقت بتقطع معايا كتير
ولما بفكها بيكون عليها هباب اسود ناشف
يا ترى ده من الكربراتير ولا ده بسبب ان العربية عندى بتاكل زيت و محتاجة طقم شنبر
فيه ناس قالولى من الكربراتير عشان الهباب الاسود و فيه ناس قالولى الهباب الاسود ميخليش البوجيهات تقطع اكيد ده بسبب ان بيجى عليها زيت
ارجو الافادة

[osama1osama]

انا اسامة عضو جديد من القاهرة معايا كريستالة 98 مانيول جبتها من 4 شهور من اسكندرية المهم العربية جربتها هناك وكانت ok وسافرت بيها الى القاهرة وكانت زى الفل يعنى شوية مشاكل فى العفشة قلت مش مشكلة غيرت زيت اول مرة موبيل حطيت 3كج ولقيت العربية مش مظبوطة خالص مخنوقة عند الطلوع اول وتانى ودخانة من الشكمان عند بداية الدوارة مع العلم بوجود ماء ساقط من الشكمان عند بداية دوران العربية الصبح (تسخين) روحت لميكانيكى قالى غير بوجيهات جبت يابانى مشيت يومين كويس وظهرت نفس المشكلة رجعت لية تانى قالى الكاربيرتير مش مظبوط ومش عارف عمل اية المهم تمشى يومين وتظهر نفس المشكلة روحت لكذا واحد يغير بوجيهات وتفضل المشكلة روحت لواحد ميكانيكى تانى بيقولو علية شاطر لانسر برضو غير البوجيهات وقالى العربية عاوزة طقم شنبر اشتغلت حلو شوية وروحت لية تانى قالى كدة مفيش حاجة شوية وظهرت نفس المشكلة قالى كدة شنبر وهيكلف 1200ج وواحد تانى قالى 700 المشكلة الاكبر ان واحد قالى مفيش طقم شنبر فى الكريستالة دى تعمل عامرة كاملة قلتلو اجيب ماتور استيراد قالى مش حلو والعمرة هتتكلف 2300 انا مش عارف هي فيها اية مع العلم انى حطيت بنزين 80 بالخطاء اول ماجبتها ورة واحدة ارجوكم حد يفيدنى يا اهل الخبرة ويا ريت لو حد عندة ميكانيكى كويس فى المعادى او مكان قريب يقولى انا اسف طولت عليكم بس انا بجد بحب العربية دى جدا ومش عاوز ازهق منها