|
#237
21-05-2010, 02:29 AM
|
||||
|
||||
رد: حكايتى مع السيارات-حكايه 10 سنوات
سيارة من العذاب
------------------ زميل عزيز قرر فجأة شراء سيارة وإتصل بى هاتفيا وقال: - تعال لى حالا وذهبت لى على المكان الذى وصفه لى وفوجئت بانه لتوه قد إشترى سيارة ! أعلم جيدا بانه لا يقود ولا دراية له إطلاقا بالسيارات كانت سيارة 128 مو83 طبعا كانت حاجته لى لأقود له السيارة وأشاركه فرحة أول سيارة وكتمت غيظى لأننى لا أحب قيادة هذه السيارة وقد تحملت وقتا من عناء السفر حتى لا أشتريها لأنى غير مقتنع بها بالأساس حتى توفر لى مبلغ أكبر وأشتريت السويفت ملت عليه وقلت: - فيه حد شافها لك قال بإستخفاف: - ياسيدى عربية قديمة ح يبقى فيها مشاكل وح تعدى وحاجتها ببلاش وبعدين سعرها كويس ومش مستهله والراجل قريبى ومش ح يغشنى فيها00 أنا إشتريت وخلاص ولم أقتنع برأيه ومع أول طلعة الفتيس حلف على التانى وفين لم إستجاب ومع أول مطب كانت الفرامل فى غيبوبة وأكتشفت أنك تحتاج للإستعداد قبلها بكيلو حتى تستجيب ! ذهبت لمكان مفتوح ومن تانى لتالت وبدأت المأة تظهر مع إرتجاج السيارة الشديد ! وكأننا نركب جمل هائج وهاتك يا خبط ورزع خاصة ومقعد السائق شبه مكسور ومثل الأرجوحه والسيارة تقريبا بلا مساعدين ولا يايات ولا جلب !! إلتفت إليه وصدمته: - دى صفيحة خردة مش عربية قال بنفس الإستخفاف: - يا سيدى 00أنت بس اللى مش متعود على العربيات دى - يا بنى العربية دى متنفعش - يا عم متبوظش عليا فرحتى 00 يعنى ما هى بتمشى أهى 00 دى بتدور على الشعرة وكان منطقة غريبا وكان يريد أن يأخذ جولة طويلة ولكنى أبيت فقد تعبتها فى قيادتها وكان أرحم لى لو دفعتها بيدى لأذهب بها لبيته بدلا من قيادتها وأعتذرت عن تعليمه القيادة عليها وعرضت عليه أن يتعلم على سيارتى لكن هذه فلا فإعتذر وشكرنى تركته وأنا آسف عليه 00 وبعد أسبوع قابلته وسألته عن السيارة فقال: - ياريتنى سمعت كلامك تعرف أنا صرفت عليها تلت تلاف جنيه وبرضه مش نافعة انا مش حاببها خاصة بعد ماركبت سيارة عمى الماذدا ولم تستمر معه كثيرا قبل أن يبيعها بخسارة فادحة فالسيارة ضاربها البرومة ومركبه نصف أمامى وملهاش حل وأشترى سيارة مازدا 323 وظلت معه لسنوات وكان دائما ما يشكر فيها تتبع
__________________
|
|
#238
23-05-2010, 10:54 AM
|
|||
|
|||
|
رد: حكايتى مع السيارات-حكايه 10 سنوات
الصراحه انا اول مره اتابع موضوع عن العربيات بالشكل ده بس انت الصراحه دكتور فى الكتابه
|
|
#239
25-05-2010, 07:46 PM
|
||||
|
||||
|
رد: حكايتى مع السيارات-حكايه 10 سنوات
من امبارح بالليل وانا بقراء الموضوع الجامد ده وصلت للصفحة 12 ومقدرتش اكمل وكملت دلوقتى بجد فعلاالواحد مبيتعلمش ومبيعرفش حاجه الا بالتجارب والاخطاء والتعلم منها وفعلا الخبرة ديه مابتجيش بالساهل كده دية بتيجي بعد عناء التجارب الحياتية المختلفه وربنا يزيدك ويزيدنا معرفة وخبرة يا دكتور وشكرا لمشركتك لينا خبرتك ومساعدتك للناس الى معندهاش اى خبرة او معرفة بالعالم الى بقى مليان بمعدومى الضمير ده بجد شكر ا لحضرتك
 
__________________
|
|
#240
26-05-2010, 03:15 AM
|
|||
|
|||
|
رد: حكايتى مع السيارات-حكايه 10 سنوات
رائع يادكتور تامر وعايزين تجربتك كامله مع النيسان . لأنى معايا النيسان 99 وجربت الاوكتافيا فور طبعا فيه فرق فى القوه والمتانه والعزم لصالح الاوكتافيا . بس صعبان عليا قوى الصنى مش قادر اسيبها ولا أفارقها .وبفكر اغير اخلينى فى النيسان ولا اهاجر للاوكتافيا. تحياتى
|
 |
|
|
