الرد الحاسم على قل ما يقال بخصوص التربو

[ramy safwt]

معضلتى الماتش و الايفينشنسى


و دول من اهم التحديات اللى بتواجه اى حد بيركب التربو

المعضلة الاولى معضلة الماتش

و دية بعد ما يعمل الحسابات على البرامج و يوصل انه محتاج تربو ليه CFM معين

و بعدين يجى يطبق المعادلة التالية عشان يحسب القطر اللى هو محتاجه

CFM= [(3.14)*(turbo compressor wheel size ÷ 2)ٍSq]/3


لما يجى يدور بين الخيارات الصناعية المتاحة ميلاقيش تربو بالقطر او التربينة المناسبة

و هنا بيكون اصاده الحل فى الاختيار بين تربو اقل درجة فى خرج الCFM او اعلى درجة
فى خرج الCFM
طبعا هتقول يختار الاعلى على طول لأ مش شرط

لأن فى الاخر احنا هنطبق حاجه دلوقت هتخلى ال CFM ترجع للخرج المطلوب عشان مينفعش نجبر الموتور على خرج مش بتاعه ابدا



لكن الأول لازم يتحط المنظومة على الداينو تيست

و الداينو تيست بأختصار هو اختبار يقيس قدرة المحرك و هو متصل بنظام الحركة و العجلات تدور

بيكون عن طريق تثبيت العربية من الشداد الامامى و الشداد الخلفى و وضعها فوق اقراص الاختبار و دية بتكون اقراص من المعدن ليها وزن معيارى عجل العربية هيلف عليها بدون ما العربية تتحرك و الاقراص دية موصولة بحساسات بتقيس قدرة العربية فى لف الاقراص دية قد ايه و بالتالى تحدد للكمبيوتر كام حصان بالظبط بتعمله العربية

كمان بيكون فى حساس واصل على خرج الشكمان و حساس واصل على خط الهواء بتاع الموتور و بيكون فى قياسات موازية زى تيست الكمبيوتر و خلافه و طبعا عشان يحاكى كثافة الهواء على العربية و هيا بتجرى عشان يطلع قياسات صح و واضحه

شوف فيديو

http://www.youtube.com/watch?v=598P26HZMGM

و بعد كده يعمل رسومات للمقارنة بين تأثير كل ماتش




بيوضح من الاختبارات انه ماتش ادائه منتظم مع الموتور وبيبداء معاه من نفس الخط عشان كده بيختار البديل الثانى صاحب الخط الازرق


بعد ما يختار البديل الاقرب ندخل فى معضلة الافيشنسى

و معضلة الافيشنسى ببساطة قطر بوابة الثيروتل س و قطر خارج التربو 2س او 0.5 س

يعنى قطر خرج التربو اكبر او اصغر من البوابة النقطة التانية طول الخرطوم اللى بيوصل الهواء من التربو للثيروتل كبير او قصير او مناسب

يعنى مش كل خرطوم يعجبك شكله تركبه مش بمزاجك



انما بتطبق حسابات فيزيائية سليمة لقياس ال CFM فى البداية و ال CFM اللى المفروض يستقبلها الموتور لو ال CFM اكبر من الموتور بنطول الخرطوم - قد ايه دية ليها برنامج يحسبها - لو ال CFM اقل من الموتور بنقصر الخرطوم برضو بحسابات معينة

لو القطر اكبر من البوابة بنأخر عملية التصغير القمعى للخرطوم فى حالة ان ال CFM متطابقة لو اقل بنقدم تصغير القمعى للخرطوم من اول خارج التربو لو اكبر بس الخرطوم مشواره طويل ممكن ننقلها لنقطة فى وسط المشوار

[ramy safwt]

للرفع فقط

انا خلاص اتعودت على قلة الردود و المشاركات

لكن كل شوية يدخل حد على القسم و يقعد يحط غسلات و بوتجازات و اى حاجه ساقه بيبس

هو مفيش ادمن هنا يلم اللى بيحصل ده !!!

[Marlborooo]

المشاركة الأصلية كتبت بواسطة ramy safwt للرفع فقط انا خلاص اتعودت على قلة الردود و المشاركات لكن كل شوية يدخل حد على القسم و يقعد يحط غسلات و بوتجازات و اى حاجه ساقه بيبس هو مفيش ادمن هنا يلم اللى بيحصل ده !!!

انا متابع مواضيعك و هي مواضيع اكثر من رائعة ومفيدة جدااااااااااا

ربنا يجازيك كل خير ويزيدك من علمه

[The MERCURY]

عذرا
و لكم مواضيعك رائعة ، و هى للمحترفين بجد
أو للهواة الحقيقيين للسيارات

ثقافة المصريين لا تقوم على الاجادة و تعتمد على الفهلوة ، و لذلك لن تجد كثير ممن يهتم بالفهم الكامل (و لكل قاعدة شواذ)

انا حقيقة استمتع بمواضيعك جدا ، ربنا يجزيك خير

بالمناسبة انت بتشتغل ايه؟

[ramy safwt]

المشاركة الأصلية كتبت بواسطة The MERCURY عذرا و لكم مواضيعك رائعة ، و هى للمحترفين بجد أو للهواة الحقيقيين للسيارات ثقافة المصريين لا تقوم على الاجادة و تعتمد على الفهلوة ، و لذلك لن تجد كثير ممن يهتم بالفهم الكامل (و لكل قاعدة شواذ) انا حقيقة استمتع بمواضيعك جدا ، ربنا يجزيك خير بالمناسبة انت بتشتغل ايه؟

انا طهقت من الفهلوة اللى يغيظك انك بتطر تتعامل مع صنايعى بس عشان عنده ونش ولا اير تولز و تنزل تشتغلها بأيدك عشان عارف كويس انك لو سبته مع نفسه هيعك الدنيا و كمان هيلبسك فى الحيطه

ربنا يخليك انا تخصص شركتى فى صناعات السى ان سى توريدات و قطع غيار و برمجة دريفيرات الفرايز الالى و تصليح ( الادمن هيفتكرنى بعمل اعلان و يحذف الرد )

بحب السيارات كهواية عاوز المفاهيم نفسها تتصحح فى مصر لكن هتقول ايه بقى يا اما تنفيض يا اما اعلانات تلاجات غسلات حاجه ساقه بيبس ميرندا ميرندا - انا منتظر اعلان الفريسكا بعد موضوع القادم