بالمستندات.. تفاصيل خطة العادلى لتفجير كنيسة القديسين

[خالدخليفة]

عمنا ميدو
حلوة حكاية المنتدى قافل دى
واحمد بدر يقول لك فاتح
حسستونى اننا فى دكان
هههههههههههه
وحشتنا ياعم ميدو .....ثم ماله طبق اليوم .....مش الأكل ده مملكتك واللا انا مش فاهم
المهم
الموضوع ده كنت فعلا قرأته من فترة وعرفت ان الشباب فى ميدان التحرير جابوا أسم ال 2 الظباط اللى نفذو العملية وكتبوا أسم واحد منهم رباعى على ورقة كبيرة فى ميدان التحرير
وسمعت ان الظباط جهزوا كل حاجة وجابو واحد من المحبوسين تبع أمن الدولة وقالو له انت هتسوق العربية بس وهتركنها أمام الكنيسة واول م تنزل منها هنفجرها عن بعد
لكنهم خانوه وفجروها قبل م ينزل منها علشان يتخلصوا من دليل ادانتهم وهو الشاب المسكين
لكن الحقيقة ده كلام سماعى وانا دائما لا اميل لسرد الكلام السماعى
ولكن احب الكلام يكون له دليل وانت جبت الدليل من اليوم السابع مع اختلاف بسيط فى القصة لكن المضمون واحد
جزاكم الله خير
والدكان لسه فاتح
ساندوتشات .....بـيـبـسى..... حاجة ساقعة..... شاى... شاى.... شاى

[تامين سيارات]

الواحد مش عارف يقول اية بقى فى حد يعمل فى اهل بلدة كدة فى حد يقتل اهل بلدة بالطريقة دى ولهى لا يكفى الاعدام

[MIDO-SPICY]

المشاركة الأصلية كتبت بواسطة mainz انا مش هنتقض الموضوع علشان انا عاوز انتقض وبس !!! لكن انا هنتقض الموضوع بالادله المنطقيه ..... اولا ممكن ومش بعيد على حبيب العادلى انه يتورط فى جريمه زى ديه ! لكن يستفز بيها البابا شنوده!!!! ده من رابع المستحيلات وكلنا عارفين السبب !! ممكن يستفز المسلمين ويستفز اى جماعه اسلاميه وممكن يستفز شيخ الازهر نفسه وممكن يعتقل كل المسلمين وكل شيوخ الازهر تحت اى زريعه او اى سبب لكن حبيب العادلى ما يقدرش انه يستفز البابا شنوده لانه هيبقى عارف مصيره فيين ... النظام السابق الظالم بقياده حسنى مبارك ومن ضمنهم حبيب العاددلى زات نفسه كان بيسبح بحمد البابا شنوده كل يوم والعياز بالله فى امكانهم انهم يعملوا اى شئ فى ارضاء الاقباط والبابا شنوده والاسلوب ده من صفات الظالميين . ثانيا بعد الحادثه مباشرتا ولفتره لم يستهان بيها طلع الاقباط كلهم الى الشارع وضربوا الشرطه وكسروا العربيات فى الشوارع وضربوا الشرطه بطريقه عنيفه لدرجه ان عدد كبير من الشرطه اصيب والى منهم توفى واستفزوا النظام والحكومه وعملوا ضغط كبير على الحكومه واحرجوها وكلنا عارفين ده . وبالرغم من زلك لم يتحرك حبيب العادلى لاستفزاز البابا شنوده وكسر جناح الاقباط كما يدعى المقال بل بالعكس كل النظام طلع جرى على الكنيسه والبابا شنوده يتلمسوا السماح والغفران منه والاسراع فى التودد للكنيسه فى مصيبتها . ولم تخمد ثوره الاقباط والكنيسه بسبب الحادث وهزا يدل على ان العادلى لم يستفز البابا شنوده ولم بهدد البابا شنوده بالفضيحه . ثالثا حبيب العادلى متورط فى الحادثه ديه علشان يستفز كل الجماعات الاسلاميه فى مصر وعلى راسها الاخوان المسلمين واى جماعات اسلاميه خارج مصر فى فلسطين مثلا وهوا ده الى حصل بالفعل ولفق التهمه الى جماعه اسلاميه فى فلسطين !!طيب يستفز بالعمل الاجرامى ده الجماعات الاسلاميه فى مصر ليه ؟ علشان يكون فيه سبب لاعتقال القيادات والنشطاء فى كل الجماعات الاسلاميه وعلى راسها الاخوان المسلمين حتى يخلى الجو والبلد من المعارضه الحقيقيه ويفسح المجال لجمال مبارك لحكم مصر بدون معارضه حقيقه من الجماعات الاسلاميه والنشطاء الاسلاميين فى الانتخابات الرئاسيه فى عام 2011 لان حسنى مبارك كان مظبط حاله انه هينقل السلطه فى 2011 الى ابنه بدعوى انه مريض ولا يستطيع ممارسه العمل السياسى وبالتالى تنقل السلطه الى ابنه جمال فى غياب قيادات المعارضه من الجماعات الاسلاميه المعتقليين بحجه الارهاب ومكافحه الارهاب والتسبب فى احداث الكنيسه !! وانا اسف على الاطاله

وجهه نظر محترمه طبعا
ولكنى اعتقد انه احترم نفسه فى اللى عملوه فيه الاقباط وفى ظباطه علشان الموضوع مايتحولش لفتنه طائفيه وياخد اهتمام المجتمع الدولى واللى هينفتح الباب على حسنى شخصيا

[screamseko]

المشاركة الأصلية كتبت بواسطة خالدخليفة عمنا ميدو حلوة حكاية المنتدى قافل دى واحمد بدر يقول لك فاتح حسستونى اننا فى دكان هههههههههههه وحشتنا ياعم ميدو .....ثم ماله طبق اليوم .....مش الأكل ده مملكتك واللا انا مش فاهم المهم الموضوع ده كنت فعلا قرأته من فترة وعرفت ان الشباب فى ميدان التحرير جابوا أسم ال 2 الظباط اللى نفذو العملية وكتبوا أسم واحد منهم رباعى على ورقة كبيرة فى ميدان التحرير وسمعت ان الظباط جهزوا كل حاجة وجابو واحد من المحبوسين تبع أمن الدولة وقالو له انت هتسوق العربية بس وهتركنها أمام الكنيسة واول م تنزل منها هنفجرها عن بعد لكنهم خانوه وفجروها قبل م ينزل منها علشان يتخلصوا من دليل ادانتهم وهو الشاب المسكين لكن الحقيقة ده كلام سماعى وانا دائما لا اميل لسرد الكلام السماعى ولكن احب الكلام يكون له دليل وانت جبت الدليل من اليوم السابع مع اختلاف بسيط فى القصة لكن المضمون واحد جزاكم الله خير والدكان لسه فاتح ساندوتشات .....بـيـبـسى..... حاجة ساقعة..... شاى... شاى.... شاى

رحمة الله عليك يا خالد اخر رد ليك في المنتدي يوم وفاتك
ربنا يتقبل منك صالح الاعمال ويدخلك فسيح جناته يارب